رواية ميان
الفصل السابع7
بقلم ريم ابو القاسم
بس انا ما بقدر و انا ماسكه البيت ما بقدر اجيب وحده غريبه ، وحده غريبه انا وحده غريبه يا ليلى كلامك غريب ، ما قصدي كده بس ابوي لسه بفكر في امي و ما اعتقد يوافق ، ما اظين صعبه عليك يا ليلي😊 انتي بزات ، قصدك شنو، قصدي واضح علي العموم لو موافقه علي شرطي ده اسي اضربي لي زولك يجي يستلم القروش قلته ليها اسفه ما بقدر اوافق و صلحته ميان قمته مشيت و بقيت ابكي بحرقه يعني لقيت القروش بس الح ادفعو اغلى منها شنو يضمن تتزوج ابوي و ما تعمل لينا حركان الحمد لله يا رب رجعته البيت لقيت حلا و حنان قالبين البيت فوق تحت قلته ليهم ده شنو ياخ اصلو ما معقوله يعنى اطلع دقايق اجي القى البيت ده كده سريع لمو الحاجات و الوسخ ده حلا قالت لي ابينا قلته ليها حلا اسمعي الكلام و لمى الحاجات و حنان رتبي المكان قالو لي ما بنعمل جيت ضربته حلا وحنان الاتنين لمن بقو يبكو بعدين فكيتهم طلعته الفي قلبي كلو فيهم 💔دخلو جوه ميان قالت لي ده قلته ليها امشي ليهم مشت تحبى لحدي ما وصلت اظين قالو ليها اقفلي الباب و لا كضبت عاينت لي و قفلتو قعدته في الكرسي قلته حتى انتي يا ميان و بقيت ابكي 💔😭😭😭 انا قدر شنو لمن يحصل معاي ده كلو واتحمل مسؤوليات زي دي انا ما بقدر راسي ضاعط شديد وقفته المدرسه في السنتين ديل عشان اراعي ميان و ما ممكن يخلوها في البيت اتحملته و شوفته حاجات اكبر مني الفي عمري لافين و مبسوطين مع اصحابهم و انا هنا براعي طفله و ماسكه مسؤوليه بيت كامل استغفرته و رتبته المكان و نظفتو تاني و جيت رقدته في الغرفه حسيت بحركه قمته لقيت ده ابوي شايل ميان و كانت بتحمر لي 😹 و حلا و حنان جمبو قلته لي ابوي جيت متين كان تجي تصحيني اجهز ليكم الغدا قال لي جيت قبل شويه انتي زعلتي البنات ديل و دقيتيهم الكلام ده صح ، عاينته ليهم لقيت الاتنين صارات لي وشهم قلته ليهو ايوا قال لي مهما كان و مهما يعملو غلط ما تضربيهم فاهمه ديل اخواتك الصغار تقعديهم و تنصحيهم مش تضربيهم ، يعني يا ابوي انت شايف اني ما كنته كافيه ليهم تربيتي في السنتين ديل ما كانت صح و بقيت ابكي ، فهمتيني غلط قصدي الضرب وبس و انتو يا حلا وحنان قولو معليش لي ليلى و بنسمع الكلام تاني قالو لي معليش و بنسمع الكلام تاني ، حلوين ليلى امكم قبل اختكم مهما تقول ليكم افعلو تفعلو من غير لا فاهمين ، قالو حاضر و انتي تعالي يا ليلى جيت قريب ما تزعلي من كلامي زي ما هم محتاجين نصيحه انتي كمان لسه صغيره و محتاجه نصايح في قلبي قلته حتي حب و تربيه و رعايه ده كلو انا ما لقيتو😔 قال لي حاضر قلته لي طيب ، يلا عايزين احلى غدا من احلى بنوته ابتسمته و قلته ليو طيب مشيت جهزته الغدا و قعدته اكل اثناء ما باكل جاتني رساله (بكره يا حلوه نتلاقه في نفس الكافي الفي الظلط لو ما ح تجي في نفس الساعه ح اجيكم وانور بيتكم 🤣) كنته مصدومه و ماسكه اللقمه في يدي ابوي قال لي في شنو قلته لي لا لا ما في شي رساله عاديه قال لي مالك طيب لونك قلب اكلي تمي اكلك و سيبي التلفون ده بعدين قلته لي طيب بقيت اكل قفلته التلفون اكلته شويه و قمته سخنته الحليب و جهزتو ليهم بعد اكلو اديت اي زول كبايه ابوي قال لي مالك مستعجله كده الليله عندك شي قلته لا لا بس نعسانه و تعبانه 😅 قال لي طيب امشي نومي حنان تغسل العده و ميان خليها الليله معاي ما صدقته طوالي مشيت جوه قفلته الباب و قعدته اكل في اضافري اتصرف كيف اجيب القروش من وين سلوى يا ربى سلوى لو اتزوجت ابوي ح يحصل لينا شنو احتمال تعزبنا احمال ميان الطفله بس ما بتقدر افضل اوافق ما عندي حل لو عملت لينا اي شي بقنع ابوي يطلقا و خلاص ايوا ابوي بسمع كلامي شلته تلفوني فتحتو و اتصلته علي سلوى الو ، اهلين ليلى كيفك ، تمام الحمد لله، اخواتك كيف ، كويسين دايره اقول ليك اني موافقه ، موافقه علي انو ح تقنعي ابوكي متاكده 😍، ايوا بس عايزه القروش ادفعا للراجل داك ، اكيد القروش جاهزه بكره الصباح بجيك اديك ليها ، لا لا جيبيها اسي احتمال تتأخري و انا ح اطلع بدري ، طيب طيب ما تخافي اسي بجي بس ما بدخل البيت اطلعي لي جمب باب الشارع لو وصلته ، تمام قفلت بعد نص ساعه اتصلت لي الو ليلى اطلعي انا جمب الباب، طلعته لقيت ابوي جوه معاهم بلعبو ادتني الظرف قالت لي ده افضل قرار تاخدي ابتسمته ليها و ودعتها و قفلته الباب طوالي جريت الغرفه دخلته الظرف تحت المخده الصباح قمته بدري لبستهم طلعو لبسته انا و طلعته لقيتو قاعد وصلته قال لي منوره شديد كيفك وتشربي شنو ، ما عايزه شي منك و دي قروشك يا ريت تاني ما اشوف وشك وقمته قال لي لا لا ما تخافي تاني ما ح تشوفي وشي نهائي مشيت خليتو باقي كيف اقنع ابوي يتزوج سلوى .....