رواية اسمهان
الفصل الثاني عشر12
بقلم ريم ابو القاسم
رفعته راسي لقيت دي البت المفتريه الاحرجوها قلته مالا دي قالت لي مالك يا اسمهان😳 انا زاتي اتفاجئته بيك هههه خلي انتي ده بقلبي طبعا 🐸💔 حكيت ليها الحصل ادتني مويه قالت لي غسلي وشك وارح معاي قلته ليها وين قالت لي بس ارح فعلا مشينا بعد غسلته وشي لقتهم قاعدين بتونسو قالت ليهم تاني اليزعل اسمهان حسابو عندي فاهمات اتفاجو كلهم والله حتى أنا اتصدمته من كلاما بقيت ما عارفه عايزه تصل لي شنو ✋️🐸 بس يلا اخدت لي حقي قالو ليها طيب بس عرفت متين قالت ليهم انتو مالكم من الليله اسمهان دي زولتي 😌❤️....
اليوم عدا و رجعته البيت كنته في الحمام طلعته لقيت مكالمه من امي طوالي رجعته ليها قالت لي الشمار فاتك قلته ليها شمار شنو الخلاك ما تسلمي لي زاتو🐸😂 امي دي عسل قالت لي بسلم بعدين عشان ما يروح ولد خالتك فهد قلته ليها تاني رجعنا لنفس القصه قالت لي اسكتي أتم ليكي ولد خالتك مرتو حامل في السادس قلته ليها نعم قالت لي ايوا و اسي الخبر انتشر انتشار الجراد قلته ليها لاكن يداب ليهم خمسه شهور قالت لي بالضبط قالو ما معروف ولد منو ...
قلته ليها ده حقي والله قالت لي انا زاتي قلته ليهم ده حق بتي٠💔😏 اصلا قلته ليك ام عيون دي ما منها خير قلته ليها و حالتا كيف و فهد عمل شنو قالت لي حالف يمين الا يطلقا اسي ابوكي و الرجال بهناك شغالين جوديه قلته ليها وتوته قالت لي توته وقت عرف ضربا ما خلى مكان سليم في جسما الا لحقوها الجيران من يدو الا كان كتلا قلته ليها الحمد لله ما عرسته التور ده و جر امي فكت الضحكه قالت لي لي بعدين هدى ابوكي جاء نعرف باقي الشمار و برجع ليكي🐸 قلته ليها خير يا امي ....
بقيت قاعده مبسوطه شديد غيرته طلعته لقيت مرت عمي راقده قلته ليها مالك قالت لي شويه مصدقه و حاسه بي لفت راس و طمأم قلته ليها ارح نمشي المركز رفضت بس اصريت عليها بعد مشينا اتضح انو حامل في التالت 😍🫶 و الله فرحنا شديد واتصلت لي عمي فرح شديد رجعنا البيت قلته ليها من الليله ما في شغل عايزه تتكلم قلته ليها ولا حرف تاني ح تاكلو اكلي وبس ضحكت قالت لي كويس دخلته قلته ابسطهم بالخبر ده عملته كيك و عصير دخلتو التلاجه و بعد عمي جاء بعد العشاء طلعته الكيك و العصير قلته ليهم ده للبيبي نرفع لي معنوياتو 😍😍😍 مرت عمي قالت لي تسلمي يا نونا ما كان تتعبي نفسك كده ...
في الفتره دي بقيت ماسكه البيت انا من نضافه و طبيخ بس الغسيل مرت عمي حلفت الا تجيب وحده و فعلا الشغل ما كان كتير لانو ما كتار و البيت ما محتاج نظافه شديده بزات لو شيماء في الروضه من تجي بتكون حارسه امها و تهبش بطنا دايره باي طريقه يطلع🐸✋️💔....
علاقتي في الجامعه بقت سمحه شديد بزات مع دكتور اشرف و بقيت البروف (أولى الدفعه) و الشله حقت نشوى البت المفتريه ....(تاني ح اقول نشوى 😂).... علاقتي معاهم حلوه شديد لحدي ما حصل الحصل بعد عزمتني نشوى خطبه صحبتا.....