رواية اسمهان
الفصل السادس6
بقلم ريم ابو القاسم
الصباح ابو توته مشى لي ناس فهد و سلم لي خالتي وسأل من ابو فهد فعلا دخل قعد معاهو حكى ليو اي شي قال لي يا زول الموضوع ده منتهى معقوله فهد يكون كده الجمعه الجايه نعقد ليهم عشان يعقل تاني 😡✋️ ... ابو توته قال لي ابشر و رجع بعد ده .
فهد بهناك زعلان من الحاصل و متأثر شديد بس طبعا كلام ابو بعد قال لي تصرف علي بت الناس من ورانا يبقى تتحمل مسؤولية اغلاطك ...
الأسبوع مضى حتى الشارع ما بطلع بخاف من نظره الناس لي و الشماته💔💔😔
سامعه امي بتقول الناس كلها بتتكلم عن قصتك انت و ولد خالتك كيف يسيبك عشان وحده زي دي انا بتصرف والله ولد خالتك لو ما عرسك ما يعرس غيرك انا بقيت شمار نسوان الفريق بت حنان بت حنان 😡
طوالي قالت لي في شيخ حكت لي عنو خالتك زاتا ما راضيه بالعرس ده تمشي معانا و الحقوق ترجع لي اصحابا✋️😒 ...
قلته ليها مستحيل يا أمي ما عايزاهو تاني عندي كرامه يمشي يعرس الداير يعرسا بقيت ابكي😭😭😭💔 قالت لي يلا توته دي من زمان دايراهو لو ما دايرهو لي توافق ما كان تعاين ليك انتي صحبتا تجي تحكي ليك وقت اعترف ليها اصلا يوم طلعته اجيب خضار لقيتا معاهو ما ختيت شي في راسي لانو بعرف ولد اختي محترم بس صحبتك دي ظاهر عندها كهرباء زايده😒 قلته ليها حتى ولو ما في قسمه زي ما قال و ما ح نعصي ربنا عشان التور ده ولا شنو و ابتسمته ليها قالت لي اي قلته تور ما ناكره لاكن برضو ولد اختي تعرسي غصب عنك😒✋️ و عقد توته باقي لي تلاته يوم يلا تلاته يوم الراجل بكون ظبط الأمور قلته ليها عليك الله يا أمي خلاص والله اموت اخلي ليكم البيت و اخليكم و ارتاح منكم زاتو وبقيت ابكي😭💔 جات حضنتني قالت لي خلاص راحتك كر علي شكيتك لي الله يا فهد و يا توته اذيتو بتي الوحيده ...
مضت التلاته يوم و جاء عقد فهد خالتي ما راضيه جات قعدت معانا 💔 تم العقد هناك و سامعه الرجال جو بيت ناس توته و معاهم العريس كان عرس مختصر بس القريه دي كلها جات تشوفني انا كمان قلته اقوم اثبت ليهم اني ما فارقه معاي ✋️ لبسته لي فستان كده و طلعته مشيت سامعه البنات تحت تحت يضحكو قويت قلبي و سألتهم وين العروس قالو لي هههه جوه في عوضتا قلته في سري العض اليجيب أجلكم و دخلته ليها من شافتني قامت مخلوعه قلته ليها الف مبروك حضنتها و سلمته ليها في يدها 🥰 قلته ليها لو كنتي عايزه للدرجه دي كان تجيني اديتك لي وانتي اختي قبل صحبتي بس حركت جبانه شديد قالت لي هو قال عايزني والله و بقت تبرر قلته لي دقيقه يا حلوه ما تبرري لي كل شي واضح تتذكري وقت قلتي لي انا زاتي عايزه ولد خالتك يلا اصلا متعوده تاخدي فضلتي من زمان بس ما اتوقعته تصلي للمستوى ده نهائي لاكن اقول شنو غير ربنا يسعدكم 🥰
واخيرا فشيت غليلي منها و حسيت نفسي مرتاحه كده ح اقدر استقبل نتيجتي بعد قلته ليها كده الغضب ظاهر في وشها قلته ليها يلا مع السلامة... مشيت فتحته الباب القى فهد في وشي عاينته لي من فوق لي تحت قلته لي واخيرا فشيت غليلي منها و حسيت نفسي مرتاحه بعد قلته ليها كده الغضب ظاهر في وشها قلته ليها يلا مع السلامة... مشيت فتحته الباب القى فهد في وشي عاينته لي من فوق لي تحت قلته لي والله تصدق لايقين لبعض و مشيت خليتو منزل راسو ....
قلته بعد ده اخدته درس عمري ما بنساه الثقه الزايده 💔قررته اغير من نفسي و أقرب من ربنا اكتر لانو ما حاجه تستاهل اضيع فيها عمري غير رضى ربنا مستحته كل أرقام الاولاد و حظرتهم و حظرته فهد و تقوى بس لسه في ندبه في قلبي ما ح تمشي بالساهل.....