رواية اسناب شات
الفصل السابع7
بقلم ريم ابوالقاسم
قال لينا عندنا خمسه أماكن بس في القريه قلته لي شنو قال لي اول المطاعم ، البيوت ، المقابر ، محلات الملابس ، سوق الماكولات و الاقمشه و،سوق الأثاث، بس ديل نحنا لازم نفكر ... قلته لي اول المطاعم ما ممكن لانو رجال و نساء كلو بدخلو و محلات الملابس نفس الشي.... يقين قالت طيب المقابر كيف برضو ما بعتقد ولا السوق لانو طبيعي السوق فيو رجال ونساء ... الولد قال تقريبا المقابر قلته لي كيف قال لينا اول شي ...أبيض من الثلج ممكن نقول الكفن لانو جزء من الميت ...أسود من الليل ظلمة القبر لانو القبر جوه مظلم ما فيو ضوء يقين ضربت الطربيزه بفرحه فعلا فعلا 😍😍😍 قلته لي طيب اكله حرام قعد مسافه فكر قال أكله حرام يعني تذكرو الحديث في الميت واكل لحمه بالحديث السئ عنه((اذكروا محاسن موتاكم)) ... يقين قالت لي تسلم البطن الجابتك 🥺💛 ...شربه حلال وقت ينزل المطر على المقابر وتسيل تلك المويه وتتجمع في مكان ِ ما فإن شُرب ذلك الماء جائز عشان كده حلال ... قلته لي انا زاتي جاتني رغبه احضنك علي العقل ده...
يستخدمه الرجل 3 مرات في اليوم يعني جنس الرجال شكلو الاوقات البدفنو فيها الميت هي من الفجر وحتى الظهر ومن الظهر وحتى العصر ... ومن العصر وحتى قُبيل المغرب وفي الليل مكروه إلا لضرورة .... ده حسب ما قريت في الدراسات الإسلامية ....تستخدمه المرأة مرة واحدة في العمر .. وقت تُدفن هي عند وفاتها ( لأن المعروف أنو المرأة لا تدخل المقبرة) ..... يقين قالت لي تعرسني🥺 قال ليها متزوج هديك زوجتي😂🐸 ... عاينا كده رفعت يدها ... يقين قالت لي دي مرتك وب علي لاكن عسل عسل ... قلته لي فعلا ما شاء الله حلاتا ... قال لينا دي عرستها هنا اسي عندنا ولدين ....جات اتونست معانا و قالو ح يودونا المقابر عشان نحنا ما بعرف وين محلها فعلا مشينا معاهم ... بعد وصلنا قبل ندخل قالو لينا مع السلامة يقين قالت ليم ما ح تدخلو معانا قالو لا لانو ده لغز و نحنا عرفنا بيهو ما ممكن ندخل ... قلته ليهم شكرا كتير والله و جزاكم الله خير.... قالو لينا مع السلامة ومشو نحنا دخلنا يقين قالت لي وينو اسي قبل تتم كلاما ظهر الكتاب .....
قال لينا باقي ليكم لغزين لو حليتو صح ترجعو البيت مع صحبتكم اللغز التالت .... ح تكون مثابه تضحيه لوحده فيكم ..... في شجره كبيره شديد في القريه دي فيها طفل والطفل ده ح تمشو تنزلو من الشجره والطفل ده فيو لعنه انو لو زول هبشو ح يقول حقو انتو من تشيلو تجو بي هنا وحده فيكم لو هبشتو ساي... ح تتقاتلو ... و حده ح تموت اكيد والتانيه ح تجيب الطفل و تربح اللغز و تنتقل للمرحله الاخيره لو اتبعتو القواعد الاتنين ح تربحو و تمشو لاخر مرحله يعني الطفل ح تشيلو وحده منكم واختفى......