رواية عدس بالقدحه
الفصل الرابع4
بقلم ريم ابو القاسم
طلعته من الحمام شربنا الشاي قال لي رايك شنو نطلع نفطر و نتغدا بره قلته ليو جدا قال خلاص انا ادخل الحمام مسافه اخلص تكوني لبستي 😍😍😍... مشيت الدولاب وانا بغنى و بدندن مبسوطه شديد.... طلعته لي توب زيتي بي طقمو لبسته و اتجهزته هو طلع لبس و مرقنا.... شفنا عزيزه معاها وحده عثمان قال ليها نحنا طالعين ... قامت خلت البت المعاها جاتنا في سري قلته أعوذ بالله .... جات صاره وشها قالت لي عثمان ماشين وين كده قال ليها نفطر بره قالت لي دي ما شبه المطاعم نحنا طول عمرك قاعد معانا ما حصل طلعتنا ساي البحر قال ليها عزيزه اجلي كلامك ده بعدين يلا يا ايه .... عاينته ليها بي ابتسامه وطلعته ... انا برأي بجيب لي نفسي💔🐸....
مشينا مطعم كده ظريف قال لي تاكلي شنو قلته ليو اي شي قام طلب كم صنف كده بقينا ناكل خلصنا شربنا مويه و طلعنا قمنا عشان نمشي فجأه راسي لفه و وقعته ... عثمان طوالي نقلني المستشفى بعد فحصنا طلعته حامل 😍 ... عثمان قدام الدكتوره شالني لفه بي ... وكانت الفرحه ظاهره في عيونو قال لي بعد كده ما في شغل نهائي ح اجيب ليك وحده قلته لي تمام الدكتوره قالت الف مبروك و انتبه عليها في الشهور دي ... قال ليها ما تخافي بشيلا في عيوني خجلني قداما ... طلعنا بقى ماسكني من يدي يشيل و يعاين لي و يتبسم الناس تعاين ساي في واحده قالت لينا تتهنو ياخ 😂✋️💔....
مرقنا قال لي نطلب غدا و نرجع البيت قلته ليو لا انا بعملو قال لي ده ما طلب ده امر تاني ح ترقدي بس لحدي ما البيبي يطلع في سري قلته يا ريت لو ابقى العمر كلو حامل😂😂😂💔... طلب لينا سمك و شلنا معانا قال لي نفسك في شي تاني قلته ليو لا رجعنا البيت لقينا الحربايه دي جوه الغرفه حقتي قلته ليها عزيزه اتهجمت طيرت عيونا عثمان قال ليها بتعملي شنو هنا قالت ليو بنظف ليكم لقيتا وسخانه قال ليها طيب اطلعي عشان ايه عايزه ترتاح... طيرت عيونا تاني قالت ليو نعم ترتاح لي يعني قال ليها ايه حامل 😍. ... حسيت بيها فرحت بس عملت نفسها غضبانه طلعت قلته لي عثمان لي الحقد ده حتى مبروك ما قالتا قال لي ما تشتغلي بيها دي منفسنه ساي غيرته و مشيت كبيت السمك و جبتو دخلته وحده في خشمي ما قدرته اكمل أكرمك الله بقيت بطني طامه منو عثمان قال لي اجيب ليك شي قلته لي عايزه عصير بس مشي عملو و جابو لي شربته و هو بياكل في السمك بعدين شالتني النومه ....
الباب حق الغرفه ضرب عثمان مشى فتح لقاها امو قال ليها مالك يا أمي كان تناديني قالت ليو ما مشكلة جيب ابارك لي بتي عثمان دخلا و جاء صحاني قمته مشيت سلمته عليها قلته ليها والله كنته عايزه اجيكي ما كان تجي قالت لي ما مشكلة باركت لي و قعدت حبه و مشت تاني جات جابت لي مديده قالت لي هاك دي انا عملتها ليكي .... عيوني بقت كده😍😍😍 قلته ليها تسلمي يا أمي ما كان تعذبي نفسك.....