رواية عدس بالقدحه
الفصل الثامن8
بقلم ريم ابو القاسم
قالت لي ادخلي جوه يا بتي لقيت بت خالتي قاعده معانا من شافتني جات علي قالت لي مشتاقين يا ايه بقيت ابكي.... قالت لي العرس خلاكي بكايه كده ولا ده الوحم بقت تضحك... ابتسمته و قعدنا جابو لي مويه امي قالت لي مالك انا حاسه في شي تاني ما عايزه تحكي لي......
قلته ليها ما في يا أمي قالت لي متأكده قلته ليها ايوا ... بت خالتي اسمها رهف قالت لي حاسه في شي قلته ليها حتى انتي يا رهف و لا اشيل شنطتي و ارجع قالو لي لا لا خلاص... قلته ليهم جعانه انا🐸💔...
رهف مشت المطبخ تجهز الغدا ....امي جاتني قالت لي ايه يا بت انا امك اخير تحكي لي عشان لو في شي نحلو و نقيف معاك نحنا اهلك... كلاما منطقي طوالي دموعي جرت قلته ليها طردني عثمان يا امي😭😭😭😭
قالت لي ده كلام شنو يا بت كيف يعني طردك حكيت ليها قالت لي كيف يضربك اول شي اصبري ابوكي يجي الموضوع ده ما بسكت عليو يتهمك و تسكتي تقعدي جوه عينو ... لأنك ما غلطانه كده اثبتي انك غلطانه بقيت ابكي بس اصلا نفسي طلعت منو غلطانه ولا لا قلته ليها عليك الله لو بتحبيني يا أمي ما تفتحي الموضوع ده لي ابوي ... قالت لي مالك ولا تكوني بجد😳 .. قلته ليها حتى انتي معقوله يطلع مني كده بكيت بصوت و جريت الغرفه رهف جات طالعه قالت لي امي مالا ايه ... أمي قالت ليها خليها مشاكله مع راجلا طلعت وقالت لي ما اكلم ابوها... رهف قال ليها تكون ما عايزه مشاكل🥺💔...
امي قال ليها يكون بس برضو ده ما موضوع يسكت عنو رهف قالت ليها خليها انا بتصرف معاها... رهف جاتني سألتني قالت لي مالك انتي اول قومي اكلي قمته قلته ليها ما عندي نفس قال لي احكي لي خلاص حكيت ليها قالت لي انتي عويره يعني ده كلو من رأس حماتك ... تخرب بيتك و تطلق من راجلك و انتي ما مظلومه لازم تثبتي نفسك و تدافعي عنها رفعته راسي قلته ليها فعلا ... قالت لي يلا اكلي نفكر لينا في طريقه ....
ابتسمته يداب قلبي برد بقيت اهبش في الأكل قالت لي رقم الولد عندك ... قلته ليها ايوا هدى قامت من جمبي عملت اتصال للرقم رد ليها بس ما عارفه قال ليها شنو بقت تكورك فيو تاني قفلت الخط قالت لي ابى يعترف ما ح يعترف كده الا بي طريقتي الخاصه معاهو اصبري لي يا ايه.... طبعا فرحته الموضوع وصل يد رهف زمان اي مشكله نقع فيها بطلعنا زي الشعره من العجينه ...