رواية ميان
الفصل السادس عشر16
بقلم ريم ابو القاسم
يوم كامل نحنا ما عارفين شي عن ميان و عمران اطرينا نتصل بالشرطه و قالو ح يفتشوهم سلوى الوقت كلو تبكي الا علويه كتر خيرا تواسي فيها البيت بقى بيت عزا بس اي زول قاعد في ركن و قلقانين علي العيال حتى حنان العروس و حلا كلنا منتظرين اتصال من الشرطه جات ليلى نازله عاينت لينا و دخلت المطبخ عايز امشي عليها سلوى قالت لي عليك الله خليها ده ما وقتو بس عشان حاله سلوى خليتا كانت عاديه كانو ما حصل شي شالت صينيه ملانه اكل ومويه و قفلت الغرفه شغلت لينا اغاني باعلي صوت طوالي مشيت قلته ليها ما ربيتك وانتي صغير بس بربيل اسي وطي الزفت ده سريع والا وقسما اكسر باب الغرفه و اجي اكسر راسك بعدين قفلتو ما سامع صوت سمعته صوت تلفوني طوالي جريت عليو الشرطي قال لي في نفرين لقيانهم امس في خور و نفس العربيه الوصفتوها لينا تعالو اتعرفو عليهم في مستشفى...في العنايه المركزه و قفل بقيت واقف و ماسك التلفون مصدوم من السمعتو معقوله صح معقوله ميان و عمران عملو حادث جات سلوى تبكي 😭😭😭 في شنو يا معاذ بتي مالا وعلويه بالجهه التانيه وبرضو بتبكي قلته ليهم قالو في نفرين عملو حادث في العنايه و قمته طالع لحقوني ركبنا و مشينا المستشفى سالنا من الحادث الامس قالو لينا الطابق التاني غرفه رقم 8 مشينا فوق و بتمى ما يكونو هم دخلته الغرفه لقينا ميان راقده و ملفوفه يدها و رجولا و عمران راقد في الغرفه الجمبها راسو ملفوف وقت دخلنا لي ميان عباره عن جثه راقده ما في حركه حتى عيونا مغمضه وقعته جمب يدها عليك الله اصحي يا ميان ميان بتي مش قلتي ما ح تخليني و تكوني معاي لحدي اخر لحظه قومي يا بتي 😭😭 بقيت ضغيف في اللحظه دي وما قدرته اتحكم في دموعي قبلته وراي لقيت سلوى ماسكه توبا و بتبكي قالت لي ح تصحى بتنا ميان و تبقى كويسه قلته ليها ربنا يرفعا بس علويه وين اشرت لي علي الغرفه التانيه مشيت لقيتا واقفه بتبكي وماسكه يد عمران قلته ليها كفايه كده تتعبي نفسك اقعدي ارتاحي عمران ح يبقى احسن من الاول ما هو ولدك و ميان بتنا دموعي جات جاريه 😭😭😭 فجأه سمعنا صوت ميان صحت قالت الا تدخل تشوف عمران قدر ما اقنعتها رجولا و يدا ابت اطرينا ننادي الممرضه قعدوها في كرسي ما بعرف لي معانده كده وقت دخلوها كانت بتبكي و ماسكه يدو وبتقول ليو عمران قوم يا عمران انت مش وعدتني تشيلني و تسفرني بره اسي انا عايزه اسافر و موافقه اتزوجك حتى اسي ممكن نقعد بس عليك الله قوم٠😭😭😭 قوم يا عمران قوم😭😭💔 انت قلته الصباح ح تفتح مع ابوي موضوعنا جاء صباحين وانت لسه انا زعلانه منك 😭😭💔 قوم ياخ 😭😭😭 فجأه فتح عيونو بي تثاقل وتاني غمضا و تاني فتحا قال ميان قالت ليو عمران🥺 قال لي بحبك يا عيوني واسف لاني ما اوفيت بوعدي خلي بالك من نفسك و من امي عليك الله امانه في رقبتك و اشهد ان لا اله الا الله وان محمد رسول الله و غمض حتى الجهاز وقف نهائي انا دي بس بقيت اصرخ عمران عليك الله ما تعملا ياخ انت وعدتني انت وعدتني لي وعدتني بكرهك انا😭😭😭😭 بحبك لا بحبك قوم عليك الله قوم 😭😭😭 يا الله شيلني معاو يا رب شيلني و ريحني ما بقدر اعيش تاني من دونو واااي😭😭😭😭 و بقيت احاول افك الشاش الا جات الممرضه ادتني حقنه مهدا هديت تاني ما حسيت بي شي....