رواية اسناب شات
الفصل الثامن8
بقلم ريم ابوالقاسم
يقين قالت لي وب علينا الحكايه بقت رعب شجره و طفل و لعنه ... والله اللعنه جاتنا من دخلنا هنا قلته ليها فعلا بس الحل شنو الطفل ده اسي انا بخاف والله يا يقين قالت لي انتي عارفه انو انا جبانه اكتر منك عشان كده نمشي انتي تطلعي تنزلي و نجيبو هنا قلته ليها طبعا مستحيل انا زاتي قلبي ما قوي للدرجه دي والله قالت لي خلاص نقعد كده و نعيش هنا 😭💔... قعدنا مسافه قلته ليها خلاص موافقه انزلو ارح طيب مشينا الزمن كان نهار بس ما عندهم شمس نهائي...قلته ليها دقيقه نحنا ماشين وين حتى مكان الشجره ما بنعرفو قالت لي خلاص نمشي نسأل اي زول لقينا بتين ماشين سالناهم ما فهمو كلامنا مشو خلونا يقين قالت لي الا نمشي نسأل الولد هو الوحيد البعرف يفهمنا قلته ليها فعلا ارح ....
مشينا ليهو في المطعم قالو مشى السوق انتظرنا لحدي العصر بعدين جاء رحب بينا و ضيفنا جاء قعد بعد كلف واحد يستلم عنو الشغل ... قال لينا الف مبروك نجحتو يقين قالت ليو يا فرحه ما تمت اسي في لغز اكبر منو قال لينا كيف ... حكيت ليو قال لي ده فخ من الكتاب قلته ليو كيف قال لي ما عايزكم تطلعو من هنا نحنا زاتنا اللغز ده ضعينا يقين قالت لي كيف قال ليها اللغز ده من تهبشو الطفل واحد بس ح يعيش و
والواحد ده زاتو احتمال ما يصل المقابر يموت في يد الطفل ي
بقيت مسكت يدي قالت لي واي يا ولاء ما عايزه اقتلك انا😭😭😭💔.... قلته ليها اهدي ما في حل أو بتعرف حل قال لي في حل واحده بس تطلبو من الكتاب لغز تاني وده بكلفكم كتير اول شي لازم واحد يضحي بي حاجه غاليه علي كده اللغز بكون كانو حليتو و تمشو المرحله البعدا .. قلته طيب حلو طالما في حل زي ده قالت صح حل مغري بس لازم واحد فيكم يضحي بي اعز شي عندو يقين عاينت لي رفعته ليها حاجبي ....
قلته ليو انا موافقه اضحي عشانا يا يقين قالت لا انا انتي من قبيل بتضحي عشاني ... الولد قال لينا من هنا بدى التظليل.... هو كده مبسوط لازم تتفقو ... بقيت ابكي قلته ليها يقين انتي خوافه و ما ح تقدري تعملي شي مخيف.... وشايفه اغلب الالغاز مخيفه و فيها رعب انا بقوى قلبي مهما كان قالت لي بس يا ولاء احتمال شي صعب قلته ليها حتى لو اضحي بي حياتي انتي كملي و ارجعو انتي و رحاب سوا مسكت يدي كانت بتبكي و متأثره قالت لا نحنا ح نرجع التلاته سوا ما بفرقنا الا الموت لا كتاب ولا غيرو .... الولد قال تمام بعد كده لازم تستدعو الكتاب ... قلته لي كيف قال لي قولي اسناب شات تلاته مرات و ح يظهر ليك علي طول.... لاكن امشو مكان فاضى ... فعلا طلعنا لقينا مكان ما فيو ناس وراء بيت كده قلنا اسناب شات تلاته مرات ظهر ... وكان بضحك بصوت مرعب يقين مسكت يدي و نزلته راسا في كتفي من الخوف قال لينا ده الشي الكان منتظرو من زمان ....