رواية عدس بالقدحه
الفصل العاشر10
بقلم ريم ابو القاسم
طبعا عثمان طلع من الغرفه حالتو تحنن ياخ كان بدمع نزل راسو اعتذر من ابوي و بأس يدو قال لي اسف يا عمي والله ما كنته عارف و الرسائل كانت واضحه ما كنته عايز اطلقا طوالي الا بعد تلد حتى قلته ليها ترجع ليكم ... ابوي قال لي ما عندها وليان ياخ اقل شي كان تتصل لينا تورينا .... عثمان قال ليو يعني ما ح ترجعي بيتك يا ايه قلته لي لا طبعا انتي حتى ولا سألتني علمتي كده ولا لا ما وثقته فيني ابوي قال لي يلا ارح فعلا طلعنا خلينا خشمو ملح ملح انا عايزه ارجع بس كرامتي لازم يتأدب عشان تاني ما يعمل كده.....🐸✋️
فلاش باك......
قبل ما ناس ايه يجو لناس عثمان.....
بلسان رهف...
كنته بتكلم مع ايه و كانت بتبكي قالت انو اشتاقت لي عثمان قلته ليها عثمان شنو انتي في شنو ونحنا في شنو عثمان التحكي عنو ده أقل شي رجعك بيت اهلك عشان غلطه انتي اصلا ما ليك ذنب فيها .... اثناء ما نحنا بنتناقش ابو ايه فتح الباب قال لينا السمعتو ده صح ... ايه قالت ليو ايوا يا ابوي جاء قعد جمبها قال ليها لي ما حكيتي اسمع بالصدفه كده انا ما ابوكي بقت تبكي قال ليها عثمان طردك من البيت الكلام السمعتو ده صح قالت ليو ايوا وبقت تبكي قال ليها السبب شنو تاني بقت تبكي و تشهق بصوت عالي قال ليها احكي يا بت ... ادخلته انا و بديت احكي عن الحصل قال لي ايه الكلام ده صح هزت راسا قال ليها انتي عملتي كده قالت لي لا قال ليها انا بثق فيكي و انتي يا رهف اسي دي اتصلي لي ولد خالتا لي عزيزه فعلا رهف اتصلت لاكن برقم عمي ... فتح الخط من تاني جرس عمي سلم عليهو و قال ليهو موضوع عثمان ولد خالتك احكي لي الحقيقة... قال لي انت منو اول ... عمي قال لي انا ابو ايه تحكي لو وتكشف الحقيقة من تقفل ح تلقى في حسابك 2 مليار قولك شنو و ما في زول ح يعرف انت حكيت لي طبعا ما صدق قال طيب ... و قفل مننا مشى اتصل لي عزيزه و كان بسجل المكالمه و رسلا لي ابوي في الواتساب... بعد جاء قال عايز القروش ابوي قال لي متوقع يا كلب ارسل ليك تطعن شرف بتي و تغدر بي ولد خالتك يلا ما عندك معاي ولا جنيه .... الوقت كان عصر ابوي قال لي بكره جهزي نفسك تاخدي حقك و ترجعي بيتك هنا معززه مكرمه فعلا الصباح طلعنا .....
باك.....
يداب حسيت نفسي خفيفه و الفي قلبي كلو مرقتو رجعنا البيت رهف قالت لي ما عايزه تجيبي حاجات البيبي قلته ليها فعلا نسيت مشيت معاها السوق كل مره نجيب شي لحدي ما جهزنا و مضت الايامات في الفتره دي كان عثمان بضرب ما برد برسل بقرى و ما برد ليو الا مره رسل لي انا واقف جمب الباب طلعتي طلعتي ما طلعتي بدخل جوه عينك و بشيلك غصب ترجعي بيتك طبعا اتلبشته ياتو باب ده قال لي باب بيتكم طوالي صحيت رهف قلته ليها الحقيني يا رهف عثمان جاء ... قامت مخلوعه شغاله لي وينو وينو ضحكتني قلته ليها نومي نومي مشيت وقفته في المرايه صلحته شعري سريع سريع غسلته وشي لفحته التوب و طلعته لقيتو واقف مربع يدو قلته لي الجابك شنو هنا مش طردتني عايز مني شنو تاني طوالي جاء علي قال لي ما اشتقتي لي و كان بعاين لبطي الكبيره و عيونو رغرغت قال لي ولدنا كبر نسيت اي شي قلته لي قربنا خلاص و نطلع ضحك قال لي اشتقته ليك🥺 قلته لي وانا كمان بس انتي كسرته قلبي وبقيت ابكي حضني قال لي اسف والله وكان برضو ببكي قال لي والله من طلعتي و عرفته الحقيقة بقيت زي المجنون باي طريقه عايزك ترجعي ما خليتي خيار في يدي الا اجيك انا و اسوقك انا اكتفيت بالبكا بس 😭😭😭 قال لي ح ترجعي بيتك معاي هزيت راسي بمعني ايوا دخلتو جوه ههه امي جات اتخلعت سلمت و دخلت المطبخ نادتني جيت مسكت اضاني قالت لي ده شنو مش قلتي ما ح ترجعي لمن جبتي و دخلتي البيت بقيت اتبسم قالت لي السجمانه امشي امشي 🐸💔 مشيت جبته لي مويه و عصير بقي يحكي لي شويه كده ابوي جاء......