حازم : استني هاجي معاكي ليجيلي ضيق تنفس
هايدي بعصبيه : ضيق تنفس؟؟ الله يرحم ما كنت بتجري ورايا يا عر'ه
بيرلنتي : اي انتي بتكلمي نفسك
هايدي : العر'ه بيكرفني عشانها
بيرلنتي : انتي ناسيه الي عملتيه فيه ما انتي ياما كرفتيه زمان وعملتي حوارات قد كده عشان يبعد عنك
هايدي بقر'ف : وانتي فاكره ان عايزاه ؟؟
وتكمل بشر : انا مش هخليهم يتهنو ببعض
_____________________________________
محمد : يا جماعه والله ده فخ و كان لينا كلنا
كابو بعصبيه : بس انت فلت منها
شحته : اديك خرجت منها زي الشعره من العجينه ورينا هتعمل اي
محمد : هخرجكو منها زي ما خرجت
كابو : انت عيل خيبان ومش هتعرف تعمل حاجه ده انت ممكن تلبسنا تُهم اكتر بسبب غبائك
محمد بشر : صدقوني هخرجكو منها وهتشوفو
كابو : متفردش صدرك كده بس وانت شكلك هتيجي تقف معانا هنا
شحته : فرصتك جت يا محمد لو متصرفتش هتقل في نظري جامد وساعتها مش هشوفك
______________________________________
حياه : طمنيني عليكي يا قمر
قمر بإبتسامه : انا كويسه يا ماما قوليلي انتي عامله اي وبابا ونور
حياه : كلنا كويسين يحبيبتي
قمر بزعل : بس انا زعلانه من نور مجتش معاكو اخر مره وبقالي كتير مشوفتهاش
حياه : انهارده عندها اخر امتحان وقالتلي انها هتعدي عليكي هي كانت عملاهالك مفاجئه بس انتي عارفاني مبقدرش اخبي حاجه عليكي
قمر بضحك : ماما انتي بوظتي المفاجئه
حياه بضحك : يعني هي كانت هتخترعلك الذره
قمر : خلاص عادي هعمل نفسي متفاجئه
حياه : قوليلي ياحبيبتي بتاكلي كويس وبتاخدي علاجك
قمر بإستغراب : باكل كويس اه بس انا مش تعبانه عشان اخد علاج
حياه : هو انتي مش حامل يعني لازم تهتمي بصحتك انتي بتاكلي لشخصين دلوقتي يحبيبتي
قمر بتردد : اه اه طبعا باكل كويس
________________________________________
هايدي : نور
نور : ممم
هايدي بإبتسامه : انتي مروحه
نور : اه خير في حاجه
هايدي : كنت عايزه اتكلم معاكي
نور : ومن امتى في بينا كلام
هايدي : مهو مفيش بينا كلام بس في كام حاجه مهمه عايزه اقولهالك وبالذات انهم عن حازم
نور بفضول : قولي
هايدي بإبتسامه خبث : تعالي اوصلك بعربيتي واحكيلك في الطريق
نور بنظره شك و عدم فهم : ماشي لما نشوف اخرتها