رواية اسمهان
الفصل الخامس عشر15
بقلم ريم ابو القاسم
الصباح قمته لبسته ومشيت كنته متوتره شديد شغلته قرآن بقيت اقرى بصوت واطي كده ارتحت شديد... من دخلته الجامعه مش من دخلته الحرس الجامعي قال لي القاعد جمبو مش دي اسمهان ولا منو و بقو يضحكو قالو لي يا جميل ما تقبل عبرنا يا مدمرنا... ما عاينته ليهم زاتو ... يلا عايزه افوت جاء وقف قدامي قالت لي وين بطاقتك عامله فيها طرشه انا بوريك 😡✋️ قلته لي هدي قال لي مالك طيب .....
عاينته لي بعيون كلها غضب و دموع قال لي اصلا الناس الرخيصه كده بتجيبي زبائن 😂😂 وبقى يضحك في اللحظه دي حسيت بزول مسك الحرس و ضربو كف عايز يتكلم لقى دكتور اشرف قال لي مالك مع البت دي سألتك عايز تتمرجل علي بت أخجل علي نفسك ياخ انت عار للرجوله زاتو ما من حقك تتكلم عن شرفا انت عارف وظيفتك هنا شنو 😡😡😡 تاني لو اتكرر الشي ده انت والمعاك مفصولين فهمته نزل راسو دكتور اشرف ولا عاين لي زاتو دخل الجامعه الراجل بعاين لي بعيون كلها غضب ... بلعتها في حناني ودخلته ....
الناس دي تقريبا كلها عرفت بقت تعاين لي بطريقه مؤلمه شديد كاني شي كعب او رخيص غير المشاغلات حقت الاولاد مفتكرني رخيصه 💔...
مشيت علي الكليه لقيت بيان معلق بي فصلي يا جماعه وقفته مسافه اتأكد دي انا اسمهان ولا وحده تانيه فعلا دي انا وبقيت ابكي في مكاني داك ارد شرفي كيف وانا اتفصلته و سمعتي بقت 1 علي الشمال ما عندها قيمه💔💔💔 اثناء ما ببكي ظهرت لي شله نشوى و معاهم نشوى جاتني براها قالت لي شفتي البلعب بالنار مصيرو شنو خلي بعد ده جمالك ينفعك يلا عشان تاني ما ترفعي نخرتك علي😌✋️ ومشت خلتني ...
طلعته من الجامعه منزله راسي تحت و ماشه و ما بهمني الظلط ولا العربات نفسي عربيه تخمني وارتاح من الوجع ده لانو قلبي ما بتحمل وجع تاني 😭😭💔 وصلته البيت لقيت مرت عمي نايمه قلته الحمد لله اصلا معاي نسخه من المفتاح قفلته الباب و رقدته في السرير بقيت اعاين للسقف و دموعي جاريات ما عارفه اتصرف كيف او خلاص ما عايزه اتصرف تاني بي شي💔...
اثناء ما انا راقده جاتني رساله محتواها (انا سمعته اي شي يا اسمهان الحمد لله كنته خايف تكوني كده بس الحمد لله اطمني حقك ح يرجع مهما كان بكره ح تجي رافعه راسك وما في زول ح يسالك اطمني ❤️) .....