رواية اسناب شات
الفصل الخامس5
بقلم ريم ابوالقاسم
بقت تبكي نشيل و نحنس فيها حلفت تسكت رحاب قالت عرفته اللغز والله عرفتو ... ده اليوم اليوم هو لم اكن موجود بالامس وولد اليوم وسوف اموت غدآ .... لو حليتو اللغز ح تتخطو المرحله الأولى ... اليوم أمس ما كان في لانو اليوم فقط بعيش اليوم و ولد اليوم ياهو بجد و يموت غدا فعلا اليوم ما بتعوض و ما بتكرر معانا .... فجاء الناس ظهرو بقينا مصدومين من شكل الناس ... اللبس تحس من القرون القديمه بس مصمم بطريقه رهيبه الاولاد لابسين بنطلون طويل و اسع و ضيق من تحت و جكت بنفس اللون فاتح اليدين و الصدر ... القماش من حرير شكلو و جميلين جمال ما عادي و البنات تقول حوريات لابسين فساتين مزركشه و فيها ألوان كتيره و طرحه في نص الرأس و شعرهم نازل مع الطرحه ... يقين قالت لي وب علي اسي لو شافونا ح يقولو نحنا شياطين ... 🐸💔 رحاب قالت فعلا نحنا اكيد لا محال لو شافونا ح يترعبو... فجأه وبدون مقدمات الأرض فتحت ولقينا نفسنا تحت في نفق طويل فيو شويه مويه اعتقد مجرى ....
قلته ليهم انا بديت اخاف يا بنات ... يقين قالت لي الليله وب .... فجأه الكتاب تاني ظهر الصفحات بدت تقلب نفسا براها قال لينا باقي ليكم تلاته مراحل اللغز التاني ... النفق ده بوديكم بيت عجوز و العجوز دي اي شي تقولو ليكم ما تعملو ... حتى لو عايزه تموت و مطلوب منكم تجيبو خصله من
شعرا خصله واحده ح تختفي العجوز و تكونو حليتو اللغز ده و انتبهو ما تعملو اي شي تطلبو منكم و الكتاب اختفى تاني.... يقين قالت يعني اسي نمشي نفتش عشان نطلع من تحت الارض و نشيل خصله من شعر عجوز .... قلته ليها مجبورين لازم نطلع من هنا ولازم نعمل كده اي ثانيه محسوبه علينا كل ما نطول ما لي صالحنا فعلا .... بقينا ماشين قلته ليهم اي وحده تمسك فتحه تدخل بيها لو لقت العجوز تنادينا بقينا ماشين وراء بعض نفتش واحد واحد في النهايه رحاب قالت لينا تعالو لقيت العجوز والله لقيتا بقينا جارين طلعنا لقيناها نايمه ... و خاته قطعه في راسا و جمبها مويه شكلها عندها حمه ...يقين قالت يحليلا اسي اذتهم بي شنو المره دي يشيلو شعرا💔...
قلته ليهم نحنا ما بيدنا شي لازم نشيل الخصله و نطلع من هنا ... فجأه العجوز قالت منو هنا شكلها ما بتشوف بقت تهبش الطربيزه... شالت نظارتا لبستا قالت لينا اهلا بيكم دايرين شي رحاب قالت ليها جينا بواسطة الك... طوالي قرصتها قلته ليها جينا بواسطة الك... طوالي قرصتها قلته ليها جينا عشان نطمن عليك انا دكتوره و ديل مساعدات... قالت لينا دكتوره دي شنو رحاب قالت طبيب قصدها بي ابتسامه العجوز كانت نحيله شديد ظاهر عليها المرض المزمن و حيلا ما شايله كويس و شعرا ابيض ما مالي الراس كم شعرات بس باقيات 💔....