رواية ميان
الفصل الثاني2
بقلم ريم ابو القاسم
جاء قال لي خلي اخوك يرجع التزاكر لانوا الزول دا ح يرحل اسي وقولي لي ابوك في سوء تفاهم حاصل و اخوي تاني ما برجع قلته ليو بالسهوله دي تمام طوالي شلته ملابسو من دولاب بناتي و رجعته ليهم ملابسهم و أديت راجلي الشنطه بتاعتو قلته لي وديها ليو في سري قلته بري قوه عين زي دي ، الصباح صحينا بصوت مرحب ناس البيت امرقو ست البيت ولا نقول ست شنو امرقي يا مره ، جيت مارقه قلته بسم الله اصبحنا واصبح الملك لله عرفته الصوت ده حق حماتي طلعته من الغرفه و بطني اصلا حاسه بيها ما تمام كده لانو قربته الد دي اياماتي قلته ليها خير في شنو 😒 ، قالت لي وين يجي الخير وانتي طارده اخوي من بيت اخوهو هو بيتك عشان تمنعي يدخل ، ما بيتي بس انتي عارفه حرام اخو راجلي يعقد معاي هو لو ما بفهم و مخو طين انتي شنو مالك متعلمه و متخرجه ، اسمعي هنا ما بسمح ليك تتكلمي في اخوي كده و اخوي ح يرجع يقعد معاكم هنا عشان بيتكم ده قريب لي شغلو ، كمان هو يدخل انا بطلع اصلا ما بقعد معاهو في بيت واحد راجلي يطلع الصباح و يقفل علينا باب واحد ده حرام ده حتى الكفار ما برضوها لي حريمهم ، اطلعي ايوا هو منو الداير قعادك 😡، الكلام ده ما انتي بتحددي تمام معاذ وقت يجي يحسم الفارغه دي واسي لو سمحتي اطلعي لي من بيتي، ايوا معاذ بجي و طلعت قفلته الباب بالمفتاح قلته ناقصني مرض من الصباح، المساء معاذ جاء هايج تطردي اختي انا من بيتي قلته لي اختك عامله لي موضوع كيف اطلع محمد ومحمد ده ما صغير عمرو 25 سنه و عيب يقعد معاي و انا ما اتربيت علي كده ، حتى نحنا بس الموضوع ضروري تعب ليو كل يوم يركب مواصلات و اصلا ما كل يوم جمعه سبت هو ما معانا ، كلامك ده يعني شنو لو قاصد يجي يقعد انا بخلي ليكم البيت و زي ما قلته ليك اول ، اسمعي يا مروه امشي بيت اهلك ده العايزه مش امشي انا تعبته خلاص من الزعل مشيت علي الغرفه زعلانه و قلبي واجعني و ضربات قلبي حسيتا زايده مع ألم الولاده وقعته بي طولي معاذ جاء رفعني و اسعفوني المستشفى و الام زايد شديد...
بلسان معاذ
بعد كلامي معاها وقعت جيت لحقتها افتكرتها عايزه تلد لانو كانت بتتوجع و سريع رفعتها و وديت بناتي الجيران و رفعتها و مشينا المستشفى بعد دخلوها عمليه مستعجله فجأه الدكتوره طلعت قالت لي البركه فيكم ما قدرنا ننقذ المدام اتوفت اثناء الدعم بس الطفله حيه 💔 قعدته في الأرض الكلام زي الحلم او حاجه كذب او هظار تاني بقيت ابكي بي كتمه وجع وقت دخلته شفتها راقده و مغمضه قلته ليها معقوله بالسرعه دي مش قلتي ح تجيبي لي الصبي بس انتي تاني جبتي لي بنوته عليك الله اصحي معقوله ما عايزه تشوفيها 😭😭😭💔 مروه عليك الله قومي بعمل اي شي عايزه محمد مستحيل يدخل بيتك تاني عليك الله اصحي😭😭💔 جات الدكتوره قالت لي تعال استلم الطفله و اعمل الإجراءات عايزين الاسم كنته سرحان نادتني كم مره يا استاذ بعدين انتبهته قلته ليها نعم ، تعال اعمل إجراءات الاسم و استلم الطفله مشيت معاها راسي لسه جايط وقت سألوني من الاسم قلته ليهم ميان ده كان أول اسم عاجب مروه بس انا رفضته و سميت بتي الاولى علي عمتا قالت لي ميان منو قلته ليها ميان معاذ ابراهيم احمد .....