رواية عدس بالقدحه
الفصل التاسع9
بقلم ريم ابو القاسم
المغرب ابوي جاء وقت لقاني اتفاجا قال لي كيفك يا بتي و مالك جيتي بدري قلته لي اسلم عليكم و ح تبقى جدو قريب 😍❤️... قال لي الف مبروك ما شاء الله امك وين ... أمي جات قال ليها هاك دي بكره اعملو كرامه لبتي فعلا الصباح قمنا جهزنا البيت و عزمنا الجيران و الاهل كانت لمه حلوه شديد... غيرت لي جو المساء اثناء ما بحضر حاتني رهف قالت لي جبته خبر الراجل داك قلته ليها والله 😍 قالت لي يا بت اسكتي ساي طلع بهيمه ساي ما بعرف شي ... خليت الفي يدي قلته ليها احكي اها سامعاكي قالت لي ضربته ليو قال ما بعرف عزيزه نهائي نكرا حطب بعدين خليت صحبتي صوتا رقيق كده اخدت معاه يوم بس قدرت تسحب منو الكلام اول شي عزيزه تبقى لي ولد خالتا قلته ليها اخو قريبتا الجاتنا ديك ....😳قالت لي اصبري لسه في .... قلته ليها اها... قالت لي عايزين يطلقوكي من راجلك عشان تعرسو اختو ... قلته ليها ما بستبعد تصرف زي ده من عزيزه 💔... قالت لي بس حماتك دي صعبه اما موضوع الرسائل في زول تقريبا اخد منك تلفونك و اتراسل بيو قلته ليها لاكن تلفوني طوالي معاي الا لو ماشه الدكان.... بعدين طق اتذكرته يكون وقت طلعته تكون شالتو ... حسيت نفسي عايزه اركب اي شي و امشي اكفتا خربت لي بيتي و كمان عايزه تعرس لي راجلي 💔💔....رهف قالت لي ما طيري عيونك اسي انتي دايره عثمان ولا خلاص قنعتي🐸 قلته ليها ابو ولدي طبعا دايره قالت لي بس الموضوع ده خلي علي اسبوع عثمان ح يتصل و هو ببكي عشان ترجعي بيتك قلته ليها الكوره في ملعبك يا زوله😂😂😌❤️.....
في جانب تاني.....
بلسان عثمان ...
حياتي بقت مسيخه من ايه سافرت و اغلب الوقت مكتئب حاسي نفسي ما انا بسبب العملتو مع ايه💔 بس هي خانتني و كسرت قلبي بقيت امشي الشغل اجي اكل اخط اكلي براي عزيزه ما فاضيه ة امي ما بتقدر اشتقته ليها لانو بتهتم بي اكلي و بي انا شخصيا ما حصل جيت لقيت شي ناقص حتي الشغاله قلته ليها ما تجي تاني قفلته البيت و مشيت بيت امي هناك ما عايز اتذكرا ....💔 يوم قاعد مع امي جاتني عزيزه قالت لي ما عاجبني حالك ده يا عثمان دايره اعرس ليك قلته ليها ما عايز عرس انا نفسي طلعت من القرف ده.... كانت مصره اني اتزوجت .. عشان اتخلص منها قلته ليها بفكر فرحت شديد بس لي تفرح هي ما عايزه اي وحده تكون مسيطرته غيرا... فاجأتني بي سؤال انت يا عثمان ما عايز تعرف المره العايز تعرسا منو قلتها ليها لا قالت لي اخير تعرف مشت عملت تلفون وجات قالت لي في الطريق اسي بتجي .... مشت فرشت و نظفت البيت و بقت حارسه زهجته دخلته جوه سامع صوت الباب سامع صوت جوطه ما ياهو طوالي طلعته لقيت دي ايه و ابوها و معاها وحده و عمها .... ايه بتقول ليهم دي هي الاذتني يا ابوي خربت بيتي وكانت بتبكي ... انا بقيت واقف مصدوم معقوله دي ايه تجي وكمان مع اهلا بياتو عين ما قدرته استحمل اكتر من كده جيت عليهم قلته ليهم يا جماعه في شنو 😡😡😡...
ابو ايه قال لي بتسأل في شنو وكل شي من تحت راسك نحنا وقت اديناك بتنا ما عشان ترجعا لينا لانو انت ما متاكد انو عملت كده ولا لا 😡.. قلته لي اتفضل اقعد يا عمي نتفاهم بي رواق ... قال لي ما عايز تفاهم معاهم بس عايز ورق طلاق بتي وقبل ده عايزك تسمع التسجيل ده ... فتح التسجيل طلع صوت عزيزه اختي بتقول
عزيزه :يا عبدو ما تخاف ياخ ما في زول ح يعرفنا
عبدو :=لو اخوكي عرس ح يقتلني اني خربته ليو بيتو
ما تخاف انا بديك حق المسرحيه دي بس خلي يطلقا و نرتاح منها بعدين ح اعيشك في نعيم
عبدو :=طيب اخوكي لو عرف انو مرتو ما خاينه و الشي ده من راسنا انا بطلع منها يعني ما تدخليني في مشاكلكم فاهمه
عزيزه :حاضر يا عبدو ما تبقى خواف كده ما بعرف شي عثمان الطيره ده
عثمان كان سامع و عيونو علي عزيزه زي الشرار😡 بعد خلص التسجيل بقت تتمتم.. انا ما عملته كده كذب التسجيل كلو كذب يا عثمان معقوله تصدق مرتك الكذابه و تكذبني انا اختك عثمان ما افاهم معاها قال لينا عن اذنكم ... اول شي انا طيره تعالي بوريكي الطيره ده بعمل شنو قال لي ابوي وعم اقعدو اسي بجيكم جرا عزيز زي شوال الدقيق قربته ازعرد هههه لو ما احترام لي ابوي دخلا الغرفه و سامعه بس صوتا بتكورك.....