رواية اسناب شات
الفصل الثاني2
بقلم ريم ابوالقاسم
الصباح قمته ابوي قال لي أمس الحاصل عليك شنو ما فهمتينا قلنا نخليك علي راحتك قلته لي الحصل مشيت اقدم ناس يقين و اتصورنا و ظهر جن و كان بتصور معانا حتى أمس في غرفتي وقت فتحته الاسناب ظهر لي قلته اتأكد و انا بعمل حركات ... بعمل نفس حركاتي امي جات شايله الشاي قالت لي ابوي شفته بتك دي نهايه الأفلام البتحضرا تجي تتخيل و تهلوس ابوي قال لي اكيد بتتخيلي خلفته لي قسم بس ما في زول واعي بصدق كلام زي ده قلته الليله لو لاقيت البنات في الجامعه احكي ليهم الحصل معاي ...
مشيت الجامعه لقيت رحاب و يقين منتظرني سلمتا عليهم بي يدي وجيت لقيتم منتظرين اجي في نفس المكان سلمته سلام عادي قالو لي مالك قلته ليهم اول ارح نمشي القاعه .... قالو لي ارح ...بعدين مشينا القاعه ... يقين قالت لي وشك ده ما عاجبني رحاب قالت لي ايوا نهائي ما عاجبني انا كمان ... قلته ليهم اسكتوا احكي ليكم الحصل ما ح تصدقوني لاكن حقيقه قالو لي في شنو ياخ قلته ليهم أمس و نحنا بنتصور ظهر جني كان بتصور معانا قبل أتم كلامي يقين بقت تضحك ... و ماسكه بطنا قالت لي جني و يتصور كمان بالاسناب ... بتضحك بي دموعا... لمن الناس كلها بقت تعاين لينا الا قصرتها قلته ليها يا زفت انا جاده... لاحظته لي رحال قالت لي بصدقك انا
...قلته ليها والله قالت لي ايوا لانو أمس و انا راجعه البيت لقيت جمب باب غرفتي كتاب قديم مكتوب كلام ما مفهوم لغه غريبه يقين فتحت عيونا قالت ليها شنو انتي كمان شكلك خرفتي .... رحاب قالت ليها للاسف لا يا يقين اصبري أتم ليكم و انا ماسكه الكتاب ظهرت لي في الحيطه فلاتر بقت تتحرك براها قمته من الغرفه غايزه اجري بس لقيت الباب و الشباك كلو مقفول انا و يقين بقينا نسمع ... قلنا ليها وتاني قالت لينا اصبرو ....
قعدته في الأرض قفلته وشي بي يدي و بقيت ابكي بدون صوت يقين قالت ليها الكلام ده أمس القريبه دي قالت ايوا ... بقيت خايفه النور بتاع الغرفه قفل بقيت انا و الفلاتر بس في الحيطه رفعته عيوني لقيت وش مبتسم متصور في فلتر الأرنب... قلته احتمال بحلم اكيد ده حلم ما في حقيقيه زي دي و جريت علي الكتاب قلته اكيد منو من قفلتو رجع الوضع طبيعي زي ما هو الانوار فتحت الباب وقت عايزه اطلع فتح معاي و كل شي ظابط ... يقين بدت ترجف قالت واي سجمنا بصوت عالي الا قلتها ليها اهدي حتى انا امس أتصور معاي زول ما بعرف شيطان ولا شنو قلته اتأكد شكلو مقصودين يقين طوالي قامت قالت لينا انا مستحيل اقعد معاكم ثانيه واحده بجد انتو جنيتو و مشت خلتنا بنعاين لبعض .....