رواية اسمهان
الفصل الثامن8
بقلم ريم ابو القاسم
طلعته لي فستان راقي كده كويتو و نومته باقي يومي مع امي الصباح قمته اتجهز ابوي قبل يطلع جاني قال لي نونا الله معاكي حضنتو و بكيت و زعلته علي الظروف البتجبر الزول يفارق اهلو و يخلي بيتو قال لي دي مصاريف بسيطه دبريها وقت القى تاني برسل ليك والله زعلته شديد قلته لي ما مشكلة و مشى خلاني في حيرتي عمي بعد جاء سلم علينا قال يلا خلاص نمشي مسكته أمي دي قلبنا البيت عزا أمي صحبتي قبل أمي قالت لي يا حليلك يا بتي ربنا ينتقم من الكان سبب 😭😭😭💔...
فكيت منها بعد تعب و مشيت بعد وصلته باب الشارع لقيتا ماسكه توبا في وشها و عيونا ملانه دموع قلبي اتقطع عليها بس اعمل شنو 💔💔😭😭😭😭😭💔 عاينته للبيت مره تانيه و للشجره انا وعدتهم ما اجي الا بعربيتي ولو جيت بجي يومين بس ...
ركبته العربيه و انا ببكي عمي قال لي ما تخافي الخرطوم سمحه و ح تعجبك و بقى يونس فيني هناك البيوت تختلف و الأسواق و شغلو كيف و حكي لي اي شي سمح كنته فرحانه وانا بسمع اتشوقته شديد اصل هناك بقينا ماشين وصلنا تاني يوم الصباح.....
وصلنا لقينا عمي و مرتو و بتهم صغيره عمرها تلاته سنه واقفين لينا في الباب اثناء ما قربنا نصل عمي قال ليهم قربنا خلاص... رحبو بي شديد و عمي قال لي بكره الدراسه الخلتك تجينا والله بقيتو غالين انتي وابوكي مرت عمي جابت لي مويه قالت لي اكيد تعبانه امشي ارتاحي بعدين نتونس قلته ليها ما مشكلة ما تعبانه قالت لي تخجلي مني اعتبريني اختك فعلا هي صغيره شديد 🐸 و عمي برضو يداب متزوجين ليهم اربعه سنه قالت لي امشي البيت بيتك😍❤️ قلته ليها حاضر عمي شال الشنطه حقتي دخلا جوه غرفه كده فيها سريرين و دولاب و كرسي و طربيزه مذاكره ✨️ قعدته طلعته لي توب و جلباب قلته لي مرت عمي الحمام وين قالت لي بي جاي اطلعي الحوش علي يدك اليمين مشيت يداب حسيت براحه جيت رقدته نمته صحيت بيد صغيره و صوت صغير بقول لي ماما قالت ليك دومي الغداء قلته ليها اسمك منو يا حلوه قالت لي سيماء قلته ليها وحلاتي خلاص قولي ليها جايه ....
قعدته معاهم خالتي قالت لي بكره ح يمشي نعمل معاكي الإجراءات حقت التحويل لانو بعرف الجامعه و الناس الهناك قلته ليها حاضر كنته مرتاحه شديد نهائي ما حسيت اني غريبه 🫶❤️ الصباح فعلا مشينا كنته متفاجئه من الناس و شكل البنات و لبسهم و المكياج افتكرته بسو باليل بس بس هنا اي وحده احسن من التانيه .. 🐸✋️
دخلنا مكتب المسجل بعدين حولنا مكان كده و تاني اخر شي العميد هناك تعبتا تعب قال لي فاتوك بس ما كتير قلته لي ما مشكلة قال لي مبروك بكره طوالي تشرفينا الجدول بره معلق في البورت قلته لي تمام مشيت خالتي قلته ليها معاك ورقه وقلم قالت لي لي قلته ليها اكتب الجدول قالت لي تلفونك ما بصور قلته ليها ما واضحه بتكون قالت لي خلاص بصورو ليك انا وقت طلعته تلفونا قلته في سري ما شاء الله 🐸❤️
و حياتي اخدت مسار تاني من بدايه دخولي الجامعه ...