رواية اسمهان
الفصل الرابع4
بقلم ريم ابو القاسم
رمضان عدا بطريقه مؤلمه شديد حتى لو طلعته بره البيت بلاقى بكتفي بي تمام و خلاص وبجيب غرضي و برجع البيت مرات تقوى تجيني لاحظته شي في تقوى الايام دي جاريه السوق كتير قالت للعيد انا طبعا صدقتها لانو هى بتحب تشتري حاجات العيد مع انو ابوها ظروفو شويه صعبه كل مره بديها جزء تشتري شي ده كل عيد كده بس العيد ده غير قالت لي امشي معاها الولايه ما عايزه تشتري من هنا قالت البضاعه قديمه 🐸✋️ قلته ليها خير يا زوله اغير جو شويه كلمته امي وابوي وافقو الصباح دغش مشينا بي رجولنا للموقف هناك المسافه شويه بعيده بقت تحكي لي احتمال خطوبتا تكون في العيد قلته ليها ما جاده قالت لي والله قلته ليها انا اخر من يعلم صح عشان كده ماشه تظبطي روحك 😏 قالت لي اي بس لازم اطلع حاجه كده المهم وصلنا الموقف و ركبنا 🌻 مشينا الولايه هناك طبعا لابسه لي عبايه سوداء مخمخمه و لافه الطرحه كيف كيف نفس الشي توتا قلته ليها واي يا توتا نحنا وين و ديل وين 😂 قالت لي اسكتي ما تفضحينا تقوى شايله كيس فيو قروشا وانا ابوي اداني بس حاجه كده رمزيه عشان لو لقيت شي عجبني اشيل وقفنا في محل فساتين باين علي المحل غالي توتا تشيل و تعاين و تسأل في السعر قلته ليها ارح ده باين غالي قالت لي انا اصلا دايره محل الغالي قلته ليها ما شاء الله عمو السنه دي ربنا فتحا عليو حسيتا اتغيرت ما ردت لي بس ابتسمت اها اختارت ليها واحد كده رهيب تحس حق حفله كده و طقمت ليو لونو كحلي و الطقم بالفضى عايز تحاسب جاء واحد سريع خطف الكيس و جرى حاول سيد المحل يلحقو ما قدر 💔
تقوى قعدت تبكى بي حسها القروش كلها راحت قلته ليها توتا حبيبتي اكيد ربنا ح يعوضك كانت عايزه تقول كلام بس سكت قلته ليها ارح اكيد عمو ح يفهم موقفك يلا رجعنا البيت حالتا كانت تحنن والله مسكينه اول مره اشوف توتا فرحانه للعيد كده و اشترت كل شي جديد و مميز بس( قدر الله ما شاء فعل💜)...
رجعنا لقينا عمو قال لينا حمد الله على السلامة حصانكم جراي تعالو اكلو غسلو وتعالو كان الزمن العصر يعني بتغدو تقوى جرت الغرفه ابوها قال لي مالا دي حكيت لي القصه قال لي كلها 1000 جنيه ما تزعل يومين تلاته بديها نهائي ما بتعقل البت دي اسي تبكي لل 1000 دي اصلا قلته ليها امشي جيبي بيها ان شاء الله طرحه بعدين ربك كريم للباقي ...
نعم😳 1000 جنيه الفستان كان بي 15 و الطرحه 1000 و الشبط براو بي 6 الف جابت القروش من وين تقوى دي ده كلو في راسي... 🥲
عمي قال لي اقعدي اكلي قلته لي امشي اشوف تقوى و احنسا تجي تاكل قال لي كويس ..
مشيت لقيتا بتقول اسفه يا فهد اعمل شنو عايزه أحاسب بتاع المحل سرقوني وبقت تبكي فهد ولد خالتي يعني تقوى العروس تقوى صحبتي خانتني و طعنتني في ظهري معقوله....