رواية ميان
الفصل السادس6
بقلم ريم ابو القاسم
وقت جاتني الرساله قريتا خمسين مره ما بعرف اعمل شنو اتصرف كيف اخلي يقول لي ابوي و لا أدبر المبلغ وهو ما مبلغ صغير كان كاتب لي 50 الف فكري يا ليلى ابوكي ولا القروش بس القروش اجيبا من وين جاني صداع من التفكير الكتير ابوي لو عرف ح يضبحني و احتمال يقتلني و هو شايفني قدوه لي اخواتي و نظرتو ح تتغير اتجاهي انا قررته خلاص ح احاول أدبر القروش ...ابوي بنادي فيني عشان افور الحليب مشين عملتو و جبتو شربو ورقدو كلهم الا انا ما قادره اغمض عيوني من الخوف والقلقل بعد تعب نمته صحيت الصباح كان يوم أحد و حلا وحنان قالو عندهم استاذتهم اتوفت ماجزين ما عندهم حصص بعد خلصته من النظافه ابوي جاء قال خلص شغلو بدري الليله ف بقينا كلنا مع بعض مشيت المطبخ ختيت الفطور في النار سامعه صوت الباب مشيت فتحتو عمتي كيفك.، تمام حبيبتي وانتو كيفكم بخير الحمد لله سلوى ازيك كويسه(سلوى بت عم معاذ وليلى) اتفضلو شنو المفاجأة دي ، ما في مفاجأة والله بس جيت لي ليلي قلته اشوفكم و اسلم عليكم ، تسلمي اتفضلو دخلو سلمو لي ابوي و انا دخلته المطبخ جبته ليهم مويه و قعدته عمتي قالت والله يا حليلا سلوى تشيل و تسأل من البنات كيف هم ، ابوي قال ليها نحنا كويسين انتو كيف وعمي ، نحنا تمام الحمد لله وين ميان ، قاعده جوه مشيت جبتها من شالتا صرت وشها اول ما عرفته مالا بس تاني فكت بقت تلعب فيها عمتي قالت ليها تشبه امها شديد، سلوى قالت ايوا والله مروه بس و قرصتا من جضوما ميان بقت تبكي طوالي شلتها منها بقيت احنس فيها مره فقريه خلاص اصلو ما بتتغير اثناء ونستهم نومته ميان بقيت شايلاها في يدي و بهز فيها ولاحظته لي سلوى تتكلم و تعاين لي خاتم الدهب حقها و ترفع يدها في الونسه قلته ليها خاتمك حلو ، قالت لي تسلمي حبيبتي ده هديه من امي ، قلته ليها ما شاء الله حلو شديد قالت لي هاك جربي يمكن تاخدي زيتو مدتو لي شلتو بجد تشكيلتو حلوه و باين تقيل و غالي جاتني فكره في راسي بس استغفرته و اديتا خاتما مشيت جهزته الفطور اكلنا كلنا و طلعو بعد خلصته شغل جيت رقدته في السرير بقيت تاني افكر كيف اجيب القروش لا انا عندي دهب ولا امي خلت دهب لانو دهبا باعتو عشان تجهز للولاده بقيت افكر لحدي ما عدا اليوم و جاء اليوم التاني نفس الروتين عدت الايام و باقي لي يومين اثناء ما انا برش في المويه جاتني رساله (باقي يومين يا حلوه لو ما جبتي القروش ح تشوفي بي عيونك البحصل ليك و لو فاكره بس ح اقول ليك ابوك انتي غلطانه لازم اخد حقي الدفعتو فيك ) انصدمته و بقيت ارجف قعدته في الكرسي شربته شويه مويه لانو حسيت بي هبوط بقيت ابكي بحرقه جاتني فكره امشي لي سلوى في بيتهم و اسرق الخاتم و ابيعو اصلا هم مرتاحين و عادي ممكن تجيب واحد تاني قلته مجبوره اعمل كده ما عندي حل تاني مستحيل اخلي يقول لي ابوي 💔 مسحته دموعي المساء وقت ابوي جاء قلته لي سايقه ميان و ماشه الليله أبيت مع عمتو سلوى قال لي غريبه ما انك ما بتحبيها، منو قال ليك عمتو سلوى ظريفه و اكيد بتعمل كده حب لينا ، صح كلامك حب ليكم ما شاء الله عليك خلاص امشي بس تجو قبل الفطور حاضر عشان انتي عارفه حلا وحنان بطلعو و انا ممكن انتظركم لحدي الفطور حاضر بابا ، حاضر ان شاء الله مشيت جهزته شنطه فيها غيار لي وغيار لي ميان و ضربته ليها فرحانه قالت لي حبابكم الف ابوي وصلنا لحدي البيت و رجع وقت دخلنا السلام ده بالاحضان و البوسات قلته الله يكون في عوني عندها اخوات برضو و اخوان هم تلاته بنات سلوى و سعاد و سمر سلوى دي في الوسط سمر اصغر وحده بتقرى في الجامعه اما سعاد دي متزوجه بي عيالا و الاولاد سعيد و سيد والاتنين مغتربين اها قالت لي جيبي الشنطه دخلتا الغرفه و قعدنا اتونسنا في الهول ظريفين و امهم اصلا ونسانه اما سمر دي بس مع تلفونا مره مره تشارك قعدنا جابت لينا شاي و كيك بعد الساعه 10 ميان اصلا نامت من 7 قالت لي يلا ح تنومي معاي جهزته ليكم سرير مشيت وراها قالت لي لو قلتي لي جايين من بدري كان جبته لي ميان العسل سرير صغير ابتسمته قلته ليها ما مشكلة، بس المره الجايه لو جيتو سرير ميان ح يكون جاهز 😍 كلاما كان حلو و تصرفاتا بجد ظاهر طيبه بس خبيثه 😏💔💔 ، رقدته و رقدته ميان قالت ماشه تاخد دش طلعت الحلق و الخاتم ختتهم في التسريحه شالت غيار و دخلت الحمام بعد اخدت خمسه دقايق كنته متردده و خايفه اشيل الخاتم ولا لا تاني اتذكرته باقي لي يومين بس مشيت و انا كلي برجف شلتو دخلتو في الشنطه و جيت رقدته بعد طلعت ما انتبهت للخاتم بس سرحت شعرا اتمسحت و جات رقدته اطمنته علي كده بس النوم نهائي ما جاني خايفه شديد و عرقانه مع انو المكيف شغال بس كنته خايفه من الشي العملتو حاسه في اي لحظه ممكن سلوى تكشفني ، نمته بعد تعب صحيت الصباح بعد شربنا الشاي قلته ليهم ماشه البيت كلهم قالو لي افطر اول قلته ليهم حلا وحنان ح يطلعو المدرسه وابوي ح يطلع الشغل قال بنتظرني لحدي ما ارجع و ما بقدر اقعد يا ريت بس مره تانيه كلنا بنجيكم اها سلوى قدمتني للبيت وكانت شايله ميان تلعب فيها ساي بعد وصلنا دخلت سلمت لي ابوي وطلعو سوا بقيت في كيف امشي ابيعو و ميان معاي اطريت انتظر حلا وحنان يجو عشان امشي فعلا بعد رجعو من المدرسه قلته ليهم ماشه مشوار صغنوني وجايه بسوق معاي ميان لانو بعزبوها لبسته عبايه و شلته ميان و مشيت السوق كويس ما بعيد مواصلات واحده بس وصلنا نزلته مشيت السوق لقيت محلات الدهب دخلته أقرب صايغ من طلعته ليو الدهب اتفاجأ قال لي ما شاء الله جايبه من وين الدهب ده قلته لي حقي و عايزه ابيعو قال لي طيب مشى عمل مكالمه و جاء قلته لي سريع عايزه اعرف حقو كم قام وزنو قال لي خمسه جرام و بي 200 الف اتفاجئته طبعا بالسعر الكبير قلته طيب عايزه ابيعو قال لي ممكن تنتظري شويه القروش تجي كاش اسي ابتسمته قلته لي تمام قعدته مسافه لمن زهجته شويه كده الباب فتح قال اتفضلي بي ابتسامه قبلته اشوف دي منو اتفاجئته بي سلوى قلته ليها سلوى😳😳😳 قالت لي اهلين ليلى ده خاتمي صح كانت بتعاين للصايغ عاينت للتربيزه الراجل قال ليها انا من شفتو عرفته حق اسرتكم لانو ما في زبون عندو التشكيله دي غيرك ابتسمت قالت ليو ممكن نطلع دقايق قال ليها اتفضلو قالت لي ليلى تعالي مشيت معاها قعدنا في كافتريا قالت لي معاذ كيف قلته ليها قولي عايزه تكلمي لي بس صح و كنته منزله راسي ، أول ارفعي راسك مستحيل اكلم ابوكي بي شي زي ده انا خجلته هو ح يعمل شنو تفتكري ما كنته متوقعه حاجه زي دي منك لاني شفتك أمس بس كنته عايزه اشوف نهايتك بس عايزه أسألك الشي اليخليك تسرقي و يجبرك كده للمبلغ ده شنو احكي لي بقيت ابكي قالت لي ما تبكي قولي لي انا ما زعلانه منك بس عايزه اعرف يمكن اساعدك🥺 ما عندي حل تاني حكيت ليها الحصل معاي كلو من بدايته لحدي ما وقعته من الركشه عشان انقذ نفسي مسكت يدي قالت لي ولي ما قلتي لي زول ابسط شي كان عمتك ليلى رفعته راسي قلته ليها عليك الله ما تقولي ليها ما توريها عليك الله و بقيت ابكي قالت لي خلاص ما تزعلي اعتبري المبلغ مدفوع بس بي شرط رفعته راسي قلته ليها شنو قالت لي شرطي تقنعي ابوك يتزوجني 🥰 ...