رواية اسناب شات
الفصل السادس6
بقلم ريم ابوالقاسم
قالت ايوا ...تعالي شوفي الحمه دي ليها زمن معاي ... رحاب عايزه تمشي جريتا من يدها ... بصوت واطي قالت لي تسمعي كلام الكتاب انتي هبله قلته ليها افضل تسمعي ... قالت لي عندي انسانيه انا ما زيكم و مشت هبشت راس المره تفحص الحمه طوالي انحرقت في مكانا بقت رماد ... يقين من شافتا بقت تبكي قالت رحاب قتلوها و انا مصدومه حاسه نفسي في حلم كده 💔😭😭😭 يعني رحاب مشت قومته يقين من الأرض.... العجوز عرفتنا قالت لينا انتو انس صح و قلبت شي تاني خالص زي وحش كده راسا عادي و جسما اتحول ثعبان ... ميلت راسا علينا قالت انتو جاين من طرف الكتاب صح يقين قالت لا كانت مغطيه وشا و بتبكي انا قلته ليها ايوا بحركه سريعه جريت باقي الشعر قالت واااااي واختف زي الخيال .... قلته لي يقين افتحي عيونك مشت .... بحركه بطيئه فتحت حضنتني بقت تبكي قالت لي رحاب ماتت يا ولاء باقي نحنا برضو احتمال نموت بقيت أبكى معاها💔 ....
فجأه تاني ظهر الكتاب المره دي ظهر فلتر الوش الكبير عديل خشمو كبير و راسو عريض .... قال لينا نجحتو في المرحله التانيه... يقين قالت لي رحاب مشت وين ... قال ليها رحاب خالفت القوانين ح تلقوها قدام .... قال لينا اللغز التالت (ابيض مثل الثلج اسود من سواد الليل اكله حرام وشربه حلال يستخدمه الرجال ثلاث مرات والنساء مرتين) أسهل ليكم الاجابه هو مكان معين و من تدخلو المكان ده ح تحلو اللغز ... وبدون تفسير تاني خلانا في حيرتنا💔.... يقين قالت لي لو فهمته شي اكون كذبته🐸 ... قلته ليها ما يكون مطعم قالت لي المطعم بندخلو كلنا قالت لي مدرسه قلته ليها بطلي غباء مدرسه شنو كمان ارح نطلع من هنا نفكر طلعنا بالباب .... لقينا الحياه
طبيعيه و كان الوقت مساء ... يقين مسكت بطنا قالت لي انا جعته يا ولاء قلته ليها حتى انا بس ما بنعرف زول هنا نحنا ... قالت لي ارح بس ... مشينا لقينا مطعم دخلنا الناس كلها بتعاين لينا .... مشينا للراجل البقدم قال لينا انتو غرباء قلته لي عرفتنا كيف قال من لبسكم ... قلتا لي ايوا في ناس زينا بتجي... قال لينا ايوا كل سنه بتم اختيار مجموعه مهوسه بطبيق الاسناب.... يقين فتحت عيونا قالت لي انتو بتعملو شنو هنا قال ليها نحنا الناس الما حلت باقى الالغاز و عشنا هنا مع سكان المنطقة... قال لينا اتفضلو اقعدو تحبو تاكلو شنو .... يقين قالت اي شي بس 🥺....
مشى و جاء جاب لينا جداد و عصير قال لينا ... وقعد معانا يحكي لينا قصتو يقين قالت ليو و اصحابك وين قال ليها اصحابي حلو خالفو القوانين و اختفو لو كان انا حليت صح كان طلعنا سوا و دمع💔... يقين قالت ليو اسي ليك كم هنا ... قال ليها كتير شديد هنا ما بحسبو الزمن الا بالشمس و القمر ده يوم ... قلته ليو لو نحنا طلعنا بنطلعك معانا ... قال لي ما في كلام زي ده كل مجموعه عندها اختبار وانتو اختباركم براهو يقين قالت ليو اسي نحنا عندنا لغز ما فهمنا منو شي قال ليها كيف يمكن اقدر اساعدكم قلته ليو ..ابيض مثل الثلج اسود من سواد الليل اكله حرام وشربه حلال يستخدمه الرجال ثلاث مرات والنساء مرتين.... قال فعلا صعب و محتاج تركيز ابيض واسود في نفس الوقت اكله حلال و شربه حرام اكيد اكله معينه ... قلته لي لا الكتاب قال مكان ....