رواية اسناب شات
الفصل العاشر10
بقلم ريم ابوالقاسم
في الليله دي بقيت قاعده بعاين لي يقين محتاره اعمل شنو بخصوص القصه دي يعني يقين ح تمشي من بيت يدي ... بس لا اكيد لو طلعنا ح تبقى كويسه ....في سرحتي ديك جاني همزه قال لي يقين محتاجاك في اللحظه دي ما تبكى ...لازم تكوني واقفه معاها لازم
تكوني أقوى من كده لانو المعركه حقتك انتي ... و بقى في رقبتك صحباتك لازم تبقى أقوى من كده ... قلته لي اسي انا كيف اقدر اكمل و هي بالحاله دي قال لي هي بالحاله دي ح تموت لو ما لحقتيها... قلته لي فعلا قال لي اللغز حق بكره محتاج راحه لانو انتي عارفه اي غلط ح تضيعي حياتك و حياه يقين ... قلته لي فعلا قال لي بس لازم تمشي ترتاحي مشيت رقدته نمته بعد مسافه....
صحيت الصباح مشيت نفس المكان حق أمس ... اتفاجئته قبل اصل بي امي خمسه نسخه ... كنته مصدومه شديد من الصدمه جاني صداع وقتي .. قلته شخص عزيز هو امي يعني فعلا امي عزيزه شديد.... جيت دموعي لسه في عيوني بترغرغ ... هبشته كل نسخه بس ما في شي بثبت وين امي ...💔 كل ما المس نسخه بلقاء كاني بهبش شخص عادي بقيت ابكي زي نص ساعه و بعاين و بهبش في النسخ احساس اني مشتاقه لي امي شديد و لي حضنا و كلاما اسبوع كامل نحنا هنا ... واسي احتمال اموت في يدها ...😭💔 ... عاينته يمين شمال لقيت طربيزه فيها السهم و قوس .... مسكتو و انا بقش في الدموع الرافضه تقيف ولو دقيقه بقيت اعاين للنسخ ... ظهر لي الكتاب قال لي معاك خمسه دقايق لو ما رميتي السهم ح تختفي النسخ و تموتي انتي وامك .. ما عاينته لي ولا اتكلمته بقيت اعاين و بمسح في دموعي اتذكرته يقين و انو ح تموت لو ما حليت اللغز و اتذكرته امي لو ما عملته كده ح اموت انا وهي .... ماسكه السهم في يدي مسافه قال لي عندك عشره ثواني ... 1،2،3،4،5،6 من قال 6 رميت السهم و نزلته بي ركبتي و غمضته عيوني و بقيت ابكي بحرقه احتمال اكون اصبته امي فعلا احتمال اكون قتلتها ....
فجأه جاني صوت زي النسيم (نجحتي الف مبروك) عاينته لي لقيت وشو مبتسم و المره دي ابتسامه حقيقه طالعه منو كانو بقول لي كويس نجحتي وانو حسى بي محنتي و وجعي علي امي وصحباتي قلته الحمد لله ... قال لي بصوتو ما عايزه تعرفي اخر لغز شنو رفعته راسي و كلي دموع و ألم و فرحه وو... مشاعر ملخبطه....