رواية اسمهان
الفصل الرابع عشر14
بقلم ريم ابو القاسم
صحيت لقيت نفسي مربوطه في كرسي و مكان مظلم فيو ضو بس حق القمر فوق عايزه اتكلم لساني لسه تقيل تاثير المخدر ... يا جماعه يا عالم انا هنا ده بقلبي لساني مربوط ما قادره 💔 بقيت مستسلمه للواقع في اللحظه دي بزات اتمنيت يكون ده حلم اصحي منو اسي بس هيهات .....
بقيت قاعده منتظره ما في اي زول مرق لحدي ما نعسته ونومته في مكاني ... الصباح صحيت بكميه مويه في وشي فتحته عيني لقيت دي نشوى معاها شاب كده واقفه ومربعه يدها قالت لي صباح الخير ... بقيت اعاين ليها بكل الغضب الجواي قالت لي علي فكره انتي براك جبرتيني اعمل فيك كده 😌 يعني تقارني نفسك بي انا نشوى انتي بت الريف😒 يعني متخيله اني اصاحب وحده زيك انا بقرف منك فاهمه يعني شنو بقرف شديد....
طبعا خشمي مربط ما قادره اتكلم بس بعاين ليها 💔... دي المره التانيه اتخذل دي ثقتي الزايده في الناس و طيبتي استاهل😭😭💔و بقيت ادمع ... ضحكت قالت لي ده جزء من الاكشن يا حلوه انتي عارفه الفلم الحقيقي ببدا اسي ولا لا بقيت اعاين ليها كده😳😳😳 قالت لي الولد المعاها شوف شغلتك و هو جاء علي انا مربطه كلي ما قادره اعمل شي استسلمت للأمر برضو خدرني وتاني ما وعيت بي شي....
بي هناك عند ناس عمي ....
بلسان سلوى ...
لحدي الساعه 2 بليل منتظرين نونا تجي بس ما في اثر نمنا في مكانا الصباح (عبد الله )عم نونا شغال اتصالات في رقما مغلق و ما عندنا رقم صحبتا الجات دي .. قام مشى الجامعه عشان يتأكد و يسأل صحباتها انا مع حملي ده صعب 💔 ... وقت مشى سأل كل صحباتها عن الحفله حقت وحده معاهم قالو لي نشوى قال ايوا بس جات أمس كلهم اتصدمو لانو عارفين عمايل صحبتهم قالو لا لا ما في اي حفله امس قال وقت كنته طالع بعد فقدته الأمل لقيت صور نونا مجدعه في الجامعه ووحدات معلقه في الحيطه هي معاها واحد .... 💔😳😳😳 اللحظه ديك اتصدمته و رفعه الصوره عايز اشوف الوش ده صح لقيت فعلا صح دي نونا بتي لي تعمل كده لي تكسر عينا كده و كمان تكذب .... ركبته أقرب مواصلات ورجعته البيت اتفاجئته بي نونا ماسكه سلوى و بتبكي من جيت قلته ليها اسمهان قامت بوش بريئ قالت لي عمي و جايه تحضني قلته ليها دي نهايه ثقتنا فيكي صح تكسري راسنا كده قالت لي في شنو طلعته ليها الصوره اتفاجئت قلته ليها علي اساس ما عارفه فهميني ده منو 😡😡😡 قالت لي يا عمو اشرح ليك والله ما عندي زنب قلته ليها ده كلو وما عندك ذنب اومال كنتو ح تعملو شنو اكتر من كده قالت لي والله صدقني قلته ليها اتكلمي بصوت عالي😡😡 بقت تبكي😭😭😭😭
سلوى ادخلته اسمعا يا عبد الله البت ظاهر عليها بريئه قال لي احكي حكيت لي اي شي ما صدق في البدايه قلته لي خلاص ارح المركز نفحص المخدر لانو لسه ح يكون في باقى اثرو😭😭💔 قالت لي انا لو صدقتك العالم ما بصدقك و ختى يدو في راسو وبقى يبكي 💔 .....
اخدته خمسه يوم انا ما بطلع من الغرفه حاسه حياتي انتهت خلاص ما عندي معنى في الحياة تاني💔 و بطلع اكل لقمتين وادخل يوم مرت عمي جاتني قالت لي يا نونا بعد ده لازم تطلعي وتواجهي العالم كده بتثبتي ليهم انك فعلا عملتي كده رفضته كلاما قالت لي يا اسمهان انتي ترضي لي نفسك انك تكوني سمعتك سيئه و انتي ما اذنبتي وعارفه انو البت شرف وانتي شالو شرفك لازم تبقى قويه و تردي باي طريقه حتى لو العالم كلو ضدك لازم تثبتي نفسك انك ما غلطانه بقيت ابكي اتاثرته شديد قالت لي ما تبكي اسي ابكي بعد الانتصار لازم الزعل ده كلو تردي بي شرفك اوعك في الدنيا دي تبقى ضعيفه فهمتي قشيت دموعي قلته ليها طيب من بكره ح امشي قالت لي ايوا دي نونا بتي الأنا بعرفا يلا تعالي نحضر في فلم ظريف شغال ....😍😍😍❤️