رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الاسيره الفصل الخامس5بقلم نجمه براقه

 

- وقفو  ،  محدش يضرب !!!  ،  استنا يا بدر 

وقف بدر وباقي الغفر علشان يوجهو انظارهم نحيته وهو بيتقدم لعند ابوي ويقول 

:  مش هما اللي حرقو الأرض يابوي  ،  الراجل  ده فهم غلط   

:  كلام ايه ده  ،  في ايه يا راجل انت  

- والله يا كبير انا كنت فاكرهم هما  لما شوفت كام  راجل متلتمين بيولع في الارض  

:  كيه يعني كنت فاكرهم   مش قولت انك شوفتهم بعينك 

قال عبيده 

- يابوي هو شاف كام واحد متلتمين   ف فكرهم هما   والدنيا كانت ليل  مركزش قوي  ، وهو معذور بردم مجاش علي باله ان ممكن يطلعو ناس غيرهم   "

كمل مشير لراجل التاني 

: و انا جايبلك  الراجل ده تسمع اللي هيقوله  ، هو قال انه كان عندهم في  بيتهم لما ولعت النار في الأرض وساعتها كان  هو وعياله  بيتعشو مش اكده؟! 

:  ايوه يا كبير انا كنت اهناك وبعد شويه سمعنا صوت زعيق وصراخ  وطلعنا نجري لقينا الناس بتجري ناحية الغيطان ولما روحنا وراهم  لقينا النار ماسكه في الغيط  

- ومجتش قولت اكده ليه من بدري  

: غصب عني والله يا كبير   ، انا بعد ما جنابك خدتهم المندره  رجعت  البيت لقيت امي عيانه قوي  وخدتها المركز اكشفلها ولسه راجع من شويه  وسمعت اللي اتقال وعلي طول جريت علي السرايا اقولك  ، مكنتش اعرف ان جنابك  جيت اهنه لسه وعبيده بيه قابلني وحكيتله اللي حصل  "

مجرد ما الراجل قال كده سابنا عبُيده   وراح لراجل المتكتف في العمود فكه وكنت شايفه بيقوله حاجه  و بيجيبه ويجي بعد ما خد هدومه من الغفير وادهمله يلبسهم  علشان  يوقف الراجل  بعدها و يقول  وهو  بيمسح دموعه 

- تأمرني بحاجه تانيه يا كبير  ولا امشي انا وعيالي 

اتنهد ابوي وقال وهو بيحط يده علي كتفه 

:  حقك علينا  حصل غلط بس الراجل ده هيعوضك  وليك مني انا كمان تعويض  "

- له يا كبير  معوذش تعويضات  ،  ولو جنابك مش عايز  مني حاجه  انا عايز امشي 

حط عبيده دراعه علي كتفه وهزه وهو  بيقول 

:  جرا ايه  الكبير بذات نفسه بيقولك حقك عليه وهعوضك  ، خلاص عاد  قدر  

قال ابوي

- انت لو متجدلتش عشان الحرق هجلدك عشان عنجرتك امعاي  ،  اكتم مسمعش حسك  

قال كده وبعدها رفع ايده يكلم الناس ويقولهم ان حصل غلط وان الراجل وعياله محرقوش الارض  وانه هيعوضهم عن اللي حصلهم  واتوعد انه هيجيب اللي عمل العمله دي  وبعد خطبه طويله كان حاضرها معانا بدر قال لراجل بصوت مسموع 

- ادعي لعُبيده  من غيره كان الكرباج علم علي جسمك 

حط يده علي كتفه وقال 

:  عفارم عليك  ياد كبير ولد كبير  صُح  ، عرفت توقفهم قبل ما الكرباج يمسهم 

بص لبدر وقال 

- شوفت  ابقا اتعلم من اخوك 

ابتسم بدر وقال وهو بيبص ل عبيده 

: نتعلم منتعلمش ليه  ،  شكلنا اكده هنتشاركو الكبرانيه انا وهو  ،  عفارم عليك يا خويا  عافيتنا من ذنبهم "

كان واقف بيسمع مدحهم بإبتسامة باهته بتروح بسرعه وبعدين بيقول 

- حصل خير  ، بالاذن يابوي هروح اخلص شغل ضروري وهبقا الحقك علي السرايا 

ـــــــــــــــــــــــــــــــــــــ 

رجعت علشان الاقي شحاده  مستنيني عند اول الخيام  وبيقولي 

- تعالي يا نجمه اتأخرتي قوي  ،  عملتي ايه طمنيني  

: عملت اللي قولت عليه بالظبط  واستنا وهتشوف كيه هياخدها ويهج من النجع  كله  ،  بس بعد ما يحصل عاوزة الحلاوه  

ابتسم بشيطنه وقال 

- هديكي اللي تطلبيه بس هو يحصل   ،  ياسلام لما النجع ينضف منهم واكون انا.... 

كان بيفكر بصوت مسموع وناسيني ف قولت وانا عامله اني مش فاهمه 

:  ينضف من مين  ،  انت بتقول ايه انا مفهماكش 

- هه  ، لا مفيش  يلا  روحي امك بتسال عنك من الصبح  

:  حاضر  

مش مستنيه اشوف شكله لما يعرف ان الدكتور سافر وحده واللي مخططله مش هيحصل  ده يمكن يموت فيها  

ـــــــــــــــــــــــــــــــــــــ 

#عُبيده 

محستش بالسعاده اللي كنت متخيلها في اول مره اتمدح ويتقال عني كبير من ابوي وسط الناس  يمكن علشان كل اللي حصل كان تلفيق مني من اول ما حرقت الارض لغيت ما دفعت لواحد علشان يقول انه كان عندهم وقت الحريق وبرئهم   ولغيت ما كلمت الراجل التاني وقولتله هدفعله تمن محصوله مقابل انه يغير كلامه  .. 

 مكنش عاجبني خالص ولا شايف اللي ابوي والناس شافوه.

 وبسبب اللي حصل وعدم رضاي ده  راح من بالي حاجه ومفتكرتهاش غير لما روحت البيت وبدات بتغير خلقاتي في اوضتي و دعاء واقفه ورايا بتقولي  

:  اهو اللي انت عاوزه وبتسعاله اتحقق والنجع كله بيحكي عن اللي عملته في الساحه وشويه شويه هتكون انت الكبير  "

ولما سمعت كلامها ده فوراً جت في بالي الغجريه والكلام اللي قالته وبقيت اقول لنفسي  معقول تكون بتفهم صح  ،   وبعد وقت وانا مش قادر اشيلها لا هي ولا كلامها من بالي  قومت فجأه  لبست لبس الصيادين تحت الجلبيه قبل ما دعاء ترجع من اوضة العيال وروحت ارضنا قلعت الجلبيه وسيبتها اهناك وحطيت الطقيه فوق راسي والشال علي رقبتي داريت  بيه نص وشي وروحت في منطقتهم  كان المغرب اذن و الليل خلاص داخل    و وقفت في النص بين الخيام مش عارف ممكن الاقيها فين ولا هقولها انا مين ولا جاي ليه  لغيت ما بدء صوت الطبل والزمر يطلع من جوه خيمه كبيره  والناس بقت تجمع وتدخل اهناك ف فهمت ان دي الخيمه اللي بترقص فيها و روحت وراهم وبقيت قاعد شويه مستنيها تظهر لكنها مظهرتش وفي بتين غيرها بيرقصو  ف طلعت من الخيمه وبقيت ابص يمين شمال لغيت ما شوفتها طالعه من خيمه تانيه  ورايحه ناحية البحر  ف روحت وراها وانا بحاول اكون بعيد ومعملش صوت لغيت ما وصلت و وقفت اهناك  شويه ولما حست بيه دارت وبصتلي بفزع  وقالت 

:  وه  مش تكح يا جدع انت  ،  الدنيا ليل 

قربت خطوات منها وانا بقول 

- ما اديكي عارفه ان الدنيا ليل ايه جايبك اهنه مش خايفه تطلع سمكة قرش تاكلك 

:  وليه سمكه   ،  ليه ميكونش  حوت وجاي لابس لبس صيد  ،  انت مين يا راجل انت  "

كشفت وشي وقولت وانا مكمل قرب منها لغيت ما وقفت قدامها وشافتني زين 

- انا  

:  ايوه مين يعني  

- لحقتي تنسي  ،  انا اللي قابلتك قبل العصر وقولتيلي ان اللي انا عاوزه هيحصل بعد خطوه 

:  هههههه ايوه ايوه عرفتك  ،  محصلش وجاي تعاركني ولا ايه؟! 

- له مش جاي اعاركك ولا حاجه  ، انا جاي اجبلك الحلاوه  ،  اصله حصل  يا مبروكه 

:  صح ولا بتقول اكده علشان تفتح امعاي حديت زي غيرك 

- حديت ايه اللي افتحه امعاكي وانا اعرفك  

: ايه؟!  كيه يعني متعرفنيش مش بتقول انك زبون

- ايوه  بس بردك معرفكش علشان افتح امعاكي حديت 

:  هههههه  افهمتك  ،  طيب ينفع تقولي اللي انت عاوزه وحصل كان ايه طيب 

- حاجه كنت نفسي فيها بقالي زمن  ،  هي محصلتش بالظبط لكن بدايه لانها تحصل 

:  زين قوي ربنا يزيدك  ،  فين حلاوتي عاد 

- امعاي يا ست الشيخه "

طلعت فلوس من جيبي وادتهالها وانا بقول 

- خدي حاجه قليلة  

بقت تقلبهم في يدها وتقول 

:  ده كله حاجه قليله  ، وه  ، طيب ايه قولك ان انا دلوكيتي بقيت عاوزة اعرف اكتر   ايه  هو اللي انت كنت بتسعاله   ، ليكون لقيه   ، بس لاااا  لو اكده ف الحلاوه دي متنفعش انا عاوزه تمثال دهب وعقد ملكه كمان 

- هههههه كل ده  ، ده انتي باين عليكي طماعه قوي   ،  بس له مش لقيه  حاجه  تانيه  ..  يلا عاد  اسيبك  ،  بس خلي بالك من الحوت  

:  مهيكولنيش اصلي عامله صحبه مع البحر وسكانه 

- ايوه امال إيه  ،  مانتي مبروكه عاد 

:  هههههه 

ضحكتها بريئه زي شكلها وتخلي اللي يشوفها ميقدرش يداري بسمته  لجمالها ويستعجب ويقول كيه دي غجريه  وبتلف وتدور وترقص لرجاله   ، وبعد ما شوفت ضحكتها اللي مقدرتش اخفي اعجابي بيها وبان في نظرتي ليها  دورت وكنت همشي  ف وقفتني وهي بتقول 

:  استنا  

:  ايه  

-  اسمك ايه 

- عـُ...  عواد   ،  اسمي عواد 

:  ايوه  عواد  ،  طيب  بالسلامة 

-  بالسلامه 

#ورد  

راجل زي بقيت الرجاله بس اول مره حد منهم يكلمني اكده من غير تلميح وغزل ومدح في جمالي.. 

بعد ما مشي فضلت واقفه ابص للبحر وسرحت بخيالي  وفجأه بتيجي تماضر من وراي  وتقولي وهي  بتزغزني في  جنابي

: امسك عروسة البحر 

صرخت في وشها وانا بمسك شوية رمله مبلولين وارميهم عليها 

- آآآه  يخربيت بيت اللي جابوكي  ، هموت في مره منك   

:  هههههه ما انا لقيتك سرحانه بعد ما الواد  مشي ف قولت افوقك  ، هو مين ده يابت  وليه كان واقف امعاكي اهنه  ولا مداري وشه  انطقي 

- يجيكي حصبه دكر تموتك  ،  يابت ده زبون عقلك ميروحش بعيد  ، ومتنسنيش كنتي فين  ،  من الضهر وانا ادور عليكي "

ابتسمت بهيام وقالت 

:  كنت في ساحة الجبان بتفرج 

- وهو اللي حصل في ساحة الجبانه وجلد الراجل وعياله يخلوكي هيمانه اكده ما تلمي روحك 

:  راجل وعياله ايه  ياللي ما تتسمي انتي  ، له مش هو ده اللي مخليني هيمانه  ، انا هيمانه عشان شوفت بدر العربي  ، ياااابوي يابت يا ورد لو تشوفيه لما ابوه خلاه يمسك الكرباج علشان يجلد الراجل  والله كنت حاسه انه هيبكي وهو واقف شويه قلبه ممطوعهوش يضرب يا حبة قلبي 

- يابوي علي الغلب تاني بدر 

:  تاني وتالت وعاشر  ، انا حبيته وهتجوزه 

- تجوزيه هههههه  وهو هيوافق  طيب  اقعدي ساكته 

:  يخرب مطنك يا ورد دايما  كاسره نفسي اكده  ،  وفيها ايه لما يتجوزني  ،  ماهي عادتهم مقالتش ميتجوزوش غجريه  يعني ممكن اعجبه ويتجوزني 

- له مهيتجوزكش   ،   بدر او اي حد من النجع عمرهم ما هيتجوزو غجريه ريحي نفسك   وابعدي عن المشاكل اللي ممكن تجيكي من اللي في راسك ده  عشان انا عرفاكي زين لما تمسكي في حاجه 

:  مشاكل ايه  ،  انتي فاكره كلامي عن بدر يجي من وراه مشاكل  ، لاااا دي المشاكل اللي من صُح لسه جايه وشكلها هتخرب   

- تخرب كيه  يعني؟! 

:  اقولك  ،  بعد ما الساحه اتفضت  روحت مع كام بت من النجع  و وقفنا نحكو  عن اللي حصل  ، كلمه عن بدر وهيبته  ،  وكلمه عن حلاوة شبل  ،  وكلمه عن شهامة عبيده واللي عمله النهارده  لغيت ما جت سيرة فاطمة اختهم 

- ايوه وبعدين كملي  ،  قالوا ايه؟! 

:  يختاااااي يا ورد علي اللي اتقال  ،  انا اهو وانتي اهو لو ما سمعتي بكره او بعده بالكتير عن قتل في الساحه 

- يابت في ايه اتكلمي  ،  ايه اللي اتقال  

: يوه ما انا جيالك في الحديت اهو  

- هااا قولي 

:  بيقولوا ان فاطمة بت رضوان العربي مرافقه الدكتور البيطري اللي جاي من مصر ومش بس اكده  ده بيروح وراها البر التاني ويتقابلوا اهناك  ، وبيتقابلو كمان  في الجبانه  ومعرفش بيعملو ايه مع بعض  ،  بس الكل عرف هما بيعملوا ايه  حتي لو مقالوهاش صريحه "

سمعت كلامها ده ودمي غلي في عروقي وانا بقول  

: الله يجحمه  ، مفيش غيره  جرس الدنيا عشان يقضي علي رضوان وعياله  ،  فاكر لو رضوان ساب الكبرنيه حد هيعتبره كبير 

- هو مين ده  

:  هو في غيره شحاده  

- له يابت مش هو الكلام ده داير بقالو شويه   بس كانوا بيقولو انه عينه عليها وبس لكن النهارده الكلام زاد  وعارفه طلع من مين الكلام ده 

بصتلها باهتمام وقولت 

:  له وهو في حد غير شحاده قاصد يأذيهم  ،  مين اللي قال الكلام ده يابت انطقي 

ـــــــــــــــــــــــــــــــــــــ 

#فاطمه 

رجعت من الكلية ولحسن حظي ان بيجاد مكنش موجود في مكتبه  ومن اول ما دخلت وانا شايفه نظرات غاده ليه  ،  نظرات شككتني في نفسي وخوفتني في نفس الوقت  وبقيت قاعده قدامها بحاول اظبط نفسي وانا للأسف علي راسي بطحه زي ما بيقولو و اي كلمه او نظرة هتربكني واحسها قصداني واللي زاد خوفي وتوتري اكتر واكتر كلمتها لما قالت في نص الكلام واحنا قاعدين مع بعض وشجر مرت ابوي امعانا  

:  خدتي بالك من اللي حصل في المسلسل يامرت عمي 

- مسلسل مين  

: يوه  ، المسلسل اللي كنا بنسمعه من يومين  ، لما الراجل لقا بته مع واحد غريب وقتلها   ،  ابااااي ما فرحت فيها  ، البت كانت سهتانه ولا يبانش عليها خالص وهي طلعت خرباها من ورا اهلها  ، ابنته عاوزه  حش رقبتها حش "

لما سمعت اكده وشوفت نظراتها حسيت  اني هقع من شدة الخوف  ف قومت وسيبت مرت ابوي ترد عليها ورجعت اوضتي عشان مكنتش قادره الم نفسي وبان عليه  وبعد وقت قعدته في اوضته اترجف من الرعب وجسمي قف ودمي سخن طلعت وروحت ل ليلي في اوضتهم وقولتلها تيجي ورايا ورجعت تاني وبعد دقيقة لقيتها عندي ف جريت قفلت الباب وقولتلها وانا بمسك فيها ودموعي مموقفاش 

:  الحقيني يا ليلي  ، نصيبه  ، دعاء بتلمح لحاجه  وشكلها اكده عرفت   

مسكت يدي وقالت وهي بتحاول تهديني 

- اهدي ياست فاطمه براحه  ،  فهميني ايه اللي حصل  ولمحت لايه  ، وهي تعرف ايه  من اساسه عشان تلمح "

قولتلها وانا مش قادره امنع نفسي من البكا 

:  عرفت بحكايتي مع بيجاد  ، طريقتها بتقول اكده انتي مشوفتهاش  ،  دول لو عرفو ولا هي قالت حاجه هيدبحوني  دبح اعمل ايه  يا ليلي  قوليلي  

اتوترت وهي بتقول 

- له تفي من خشمك   ،  ومتخوفنيش  اكيد  مفيش حاجه  ، و حتي لو طلع انها عرفت وقالت   انتي كدبيها  ،  كله عارف انها بتكرهكم وبتقصد تضايقكم بأي طريقه  ومحدش هيكدبك ويصدقها 

:  ازاي بس يا ليلي  ، مانتي عارفه اني مش بعرف اكدب  وهيبان عليه  ،  اعمل ايه   قوليلي  اعمل ايه انا هموت من الخوف  

- ياستي اهدي شويه  ، اكيد مفيش حاجه وانتي خايفه وحدك   يمكن متقصدش اللي فهمتيه  ، هدي نفسك اكده الكل هيشك فيكي  

:  مش قادره  اهدي  مش قاااادره   ، دي بصتلي بصه اكده وقالت ان بت في المسلسل قتلها ابوها علشان لقاها مع واحد  اكيد تقصدني  والا ليه تقول اكده  ،  وليه تبصلي انا مش مرت ابوي "

قولت كده وانا شبه منهار علشان تحضني وتقولي  

- تقول اللي تقوله واحنا نقول كدب محدش يعرف حاجه ولا شاف حاجه  ،  روقي وتعالي نامي دلوك ومتفكريش   

بعدت عنها ومسكت يدها وانا ببكي وجسمي كله بيترجف 

- متسبنيش وخليكي معايا الليله دي  ونبي يا ليلي  انا مش هقدر ألجاء لحد غيرك 

:  حاضر مش هسيبك  ،  روقي بس متفضحناش ياست فاطمه  افرضي سمعوكي او حد دخل علينا نقول ايه "

مكنتش قادره اهدا والخوف كان بياكل فيه  وكل  ، حاولت كتير اقنع نفسي انها مكنتش تقصدني بس مقدرتش وانا عارفه ومتاكده انها قصداني  ،  فكرت اكلم بيجاد واقوله اني ههرب امعاه قبل ما تحكي حاجه  بس خوفت  ورجعت اقول له يمكن لو اللي حصل بينا اتعرف اتضرب او اتمنع من التعليم  ، بس لو هربت اكيد فيها قتل  ، ف تراجعت عن الفكره دي وقومت اتوضيت وصليت قيام الليل  ودعيت كتير ان ربنا يسترها   ولما هديت شويه و نمت حلمت انهم هيدبحوني ف صحيت مفزوعه 

ـــــــــــــــــــــــــــــــــــــ 

#بيجاد 

بعد ليل طويل مر في التفكير في اللي  بيحصل خدت قراري وهو اني هسيب النجع  وانهي المشكله قبل ما تبدء وابعد المشاكل عني وعنها  ، ايوه مش سهل عليه اهرب بالشكل ده واسيبها بس انا لوحدي مش هقدر اعمل حاجه وهأذيها وهأذي نفسي  وجه تاني يوم وبدأت ألم حاجتي وكنت مقرر ان مهما يتقال مش هتراجع عن قراري  وتكمله للي ناويه محاولتش اكلم فاطمه ولا دورت انها تشيل البلوك  مع اني كنت في امس الحاجه للكلام معاه  ،  وبعد شويه اتصلت ب بدر وطلبت اقابله  ف  بيجيني علي طول ونقعد في المكتب ولما شاف الشنط ومكتبي فاضي قالي وكأنه فهم اللي فكرت فيه وقراري اللي  خدته 

:  ناويت تمشي  

- ايوه  

:  امممم  ماشي زي ماتحب بس اصبر لبكره يكون جبتلك حسابك  

- انا كده كده مش ماشي غير بكره لسه في شوية حاجات هخلصها قبل ما امشي 

:  ايوه  زين قوي 

سكت وبعدين قال

-  ممكن اعرف السبب اللي مخليك عايز تمشي فجأه اكده  

قولت وانا بطرقع صوابعي محاوله مني اني اكون طبيعي قدامه 

- حاجات كده وأهمهم ان اختي هتجوز يوم الخميس  

:   اختك اللي كانت خايفه عليك مننا  ،  انا كتير بسمعك بطمنها انه مش هيحصلك حاجه اهنه

- اه هي  ، وهي مش خايفه ولا حاجه بس هي بتحبني  اصلنا صحاب وملناش اخوات تاني ، وعاوزاني جمبها ف بتقول كده عشان ارجع 

:  ايوه  كلام معقول  ،  يبقا لازم تكون جمبها صُح  أكيد محتاجه لاخوها  وصاحبها  ،  والف مبروك  وعقبالك انت كمان  

- متشكر وليك 

:  شكرا  ،  اسيبك تخلص اللي وراك وهقابلك النهارده او بكره الصبح علشان تاخد حسابك 

- ماشي يا كبير  متشكر

ـــــــــــــــــــــــــــــــــــــ 

#بدر 

كل خلافي عليه انه غريب عننا انما هو شخصياً انا بحترمه جداً وطول الاربع سنين اللي قضاهم معانا مقابلتش حد زيه في احترامه بس نعمل ايه الحلو ميكملش جوازه من بت من بناتنا يعتبر عار حتي لو كان نبي  

                     ***

بعد ما سيبته روحت المندره اقابل اهل النجع واشوف شكاويهم اللي مش بتخلص وفي طريقي كنت شايف الناس بتبصلي ومركزين امعاي  ساعتها فكرت ان بصاتهم دي بسبب اللي حصل في الساحه ومهتمتش وكملت مشواري 

ـــــــــــــــــــــــــــــــــــــ 

#شبل

مش فاهم ايه اللي بيحصل وليه الاحلام دي بس الليله دي اتكرر معايا حلم قلقني  بخصوص فاطمه ولخامس مره تقريبا من وقت ما جيت بس احلم بيها تعبانه او بتبكي او حاجه بتحاول تأذينا  انا وهي  ، يمكن عشان احنا تؤام ف دائما بحلم بيها  وبحس لو فيها حاجه  ، ف جه تاني يوم وبعد ما صحيت من النوم  روحتلها وفتحت من غير ما اخبط علشان اتفاجيء ب ليلي اللي مشوفتهاش من وقت اللي حصل  ولما هي شافتني اتوترت وكانت هتمشي ف رفعت ايدي علشان تقعد وانا اللي مشيت وطلعت وقفت عند قفص الديب ابصله وافكر في حالي معاها بعد ما شوفتها نستني فاطمه  وانا بقول لنفسي ان كده خلاص  مش هينفع حتي احاول  ولازم اقتنع انها مش هتكون  ليه  وبعد وقت دام في قعدتي جمب القفص شوفتها طالعه وتقريبا كانت رايحه السوق  ولما شافتني هناك وقفت تبص عليه بشكل لا ارادي  وبعدين بتمشي  وانا بعد ما كنت ناوي اختصرها نسيت كل اللي كنت ناويه وندهت عليها علشان توقف عند المدخل وتبص حوليها بتوتر لغيت ما وصلت ليها وكلمتها 

:  عامله ايه 

- زينه يا استاذ شبل  ،  حضرتك عاوز مني حاجه 

:  عاوز اقولك انا اسف علي اللي حصل 

- انا نسيت خلاص  تعيش  ،  همشي 

دارت علشان تمشي وقبل ما تخطي خطوه قولتلها وانا حاسس الكلمه بكل ما فيه 

:  وحشتيني يا ليلي  ،  انا تعبان من غيرك 

بصتلي وقالت وهي بتحاول تحبس دموعها 

- تعيش يا استاذ شبل  اتوحشتك العافيه  ،  بس ملهاش لازمه توقفني ولا تكلمني تاني  بزياده اللي حصل   مش مستعده اسمع كلمتين تاني 

قالت كده  ومشيت وانا وقفت مكاني العن الحظ اللي خلاني ابن كبير النجع  والعادات اللي مش واخدين منها غير الذنوب و وجع القلب 

ـــــــــــــــــــــــــــــــــــــ 

#بيجاد 

كنت في المكتب بكلم وفاء واحكيلها عن اللي بيحصل وعن قراري في الرجوع وبعدي عن فاطمه اللي واجعني من قبل ما ابعد  ف قالتلي  

:  انا حاسه بيك وعارفه ان مش سهل انك تسيبها  بس انت خدت القرار الصح وعمره ما كان هروب زي مانت بتقول  بس ده حمايه ليها وليك وهي اكيد هتفهم 

-  انا عارف انها هتفهم  وده كان كلامها  ، طول الوقت تقولي سافر  ولما قولتلها نهرب زعلت وعملت بلوك كمان  بس انا بحبها يا وفاء  مش عارف ازاي همشي ومش هشوفها تاني 

:  حبيبي طول مانت عارف انك بكده بتبعد عنها الاذي هتحس براحه  ،  معلش يا حبيبي ربنا يكتبلكم الخير انتو الاتنين 

- يارب  ،  خلاص انا بكره هاجي عاوز اقعد معاكي شويه قبل الفرح  

:  طبعا هنقعد  ،  ترجع بالسلامة يا حبيبي  

- الله يسلمك  ،  يلا خلي بالك من نفسك  

:  ماشي ياحبيبي وانت ابقا كلمني لما تطلع من عندك طمني عليك  

- حاضر  

:  لا اله الا الله  

- محمد رسول الله  

بعد ما قفلت معاها بشويه شوفت ليلي  معدي قدام المكتب ف ندهت عليها وانا بقوم من مكاني علشان توقف بره تستناني 

:  ازيك يا ليلي 

- الحمدلله يا دكتور  

:  فاطمه عامله ايه  

- زينه  

:  اها  ، طيب ابقي سلميلي عليها 

- اسلملك عليها ليه انت مش بتكلمها 

:  لا رجعت عملت بلوك  

- ايوه  ،  حاضر هوصلها سلامك 

مشيت وانا رجعت مكاني افكر ليه مقولتلهاش تقولها اني هسافر  وانا من جوايا نفسي اشوفها مره اخيره قبل ما امشي  وبعد وقت وانا برتب حاجتي علشان منساش حاجه  سمعت صوت البنت الغجريه بتنادي وتقول اضرب الودع  ف سيبت اللي في ايدي وطلعت بسرعه لقيتها بعيد ولما شافتني بصت حوليها وبعدين جت عندي وقالت 

:  انت لسه اهنه 

- خلاص مسافر بكره  ،  في جديد  

بصت حوليها ورجعت بصتلي وقالت بخفوت 

:   الجديد مش هيعجبك  ،  انت لازم تمشي النهارده مش بكره  لو استنيت دقيقة كمان متضمنش هيحصلك إيه 

- أيه هو   ..  لحظه!  الاول عاوز اعرف انتي ايه مصلحتك في اللي بتعمليه  ،  ليه عاوزاني امشي  

:  هتقول عليه مجنونه بس انا الوحيدة في كل النجع اللي راضيه عن حكم رضوان  ومعوذاش اللي بيحومو حوليك انت وبته ينجحو انهم يغيرو الحكم ده 

- هما مين دول  وايه دخلي بحكم رضوان انا 

:  دخلك ان لو بته هربته امعاك عمره ما هيقدر يتحكم في حاجه ولا هيكون كبير هو وعياله  هما من مصلحتهم انها تهرب امعاك  وبعد اكده مش مهم تتقتل او لا المهم ان رضوان ينتهي وخلاص فهمتني يا دكتور 

- فهمتك  ، بس مقولتيش مين الناس دي 

:  هقولك  

بعد ما قالتلي اللي عندها ومشيت وقفت مكاني مصدوم من كلامها  وبقيت عاوز اقابل فاطمه بأي شكل علشان اقولها  لكن مكنش في طريقه وبعد تفكير جريت علي الشنطة خدت منها دفتر وقلم وكتبتلها رساله كبيره  وطلعت استنيت ليلي يكون رجعت علشان تدهالها 

#ليلي 

رجعت من السوق ف لقيت الدكتور واقف قدام باب مكتبه ولما بيشوفني بيرجع خطوتين ولما بوصل للمكتب بيشاورلي علشان اروحله ف دخلت خطوه جوه وقولت 

:  ايوه يا دكتور  

مدلي يده ب ورقه وقال 

- ممكن تدي دي ل فاطمه  

خدتها منه ودسيتها جوه كومي وقولت 

:  حاضر هدهالها 

- متشكر يا ليلي   

سيبته ورجعت البيت وسيبت الحاجه جوه المطبخ ودخلت عند فاطمه ادتلها الورقه وقولتلها 

:  الدكتور بعتهالك 

خطفتها مني وقالت وهي بتفتحها

- قولتيله حاجه ولا ايه  

:  له

قولت اكده علشان توقف قرايه و تبصلي بتوتر وتقولي  

- اقفي بره  لا حد يجي ويزنقني وانا بقرا 

:  طيب قوليلي فيها ايه الورقه دي  

- لسه هقراء وبعدين اقولك  يلا  لو حد جه كحي  وانا  هفهم 

:  طيب  

قولت اكده وسيبتها وطلعت وبعد شوي ابوي عيط عليه ف روحتله اشوفه عاوز ايه ف لقيته بيعمل حبل من ليف النخل وعاوزني ابدل معاه وبعد وقت وانا ببدل شوفتها طالعه من السرايا  ف فهمت انها اكيد رايحه تقابله 

فاطمه 

الكلام اللي قاله في  الرساله  صدمني وكان قادر يوقف قلبي لما قريته  ف كان لازم اقابله واسمع منه بالتفصيل  بعد ما سابلي رساله في اخر الورقه بيقولي فيها 

: انا كتبتلك كل اللي عرفته يمكن متقدريش تيجي عشان تسمعيه مني  ، و انا ماشي دلوقتي وهستناكي ساعة جمب الجبانه  همشي    ف طلبت من  امي   اني اروح اجيب دفاتر من المكتبه اللي في النجع  لان محدش هيعرف يجيب النوع اللي عاوزاه  وبعد إلحاح كتير وافقت  ف لبست نقابي ومشيت حتي من غير ما اخد التلفون  ولما وصلت الجبانه جمب صف شجر غزير   لقيته واقف وجمبه  شنطتين كبار وشنطه علي  كتفه  ولما شافني جايه اتقدم لاستقبالي وقالي 

:  كنت خايف مشوفكش قبل ما امشي  ،  الحمدلله انك جيتي 

- مش وقته  قولي  كلام ايه اللي انت باعته ده مين اللي قالك  أنت

و

                    الفصل السادس من هنا

                     

لقراءة باقي الفصول من هنا

تعديل المقال