رواية اسمهان
الفصل الحادي عشر11
بقلم ريم ابو القاسم
فعلا ورتني استعملو كيف و طلع ساهل أسهل من الربيكا حقي🐸💔💔 احي يعني كنته قدر ده بعيده عن العالم ...
تاني يوم الصباح قمته احترته البس شنو للجامعه شلته لي عبايه كده بالبيجي وطرحه نفس اللون و اسبورت اسود و شنطه بنيه كده لقيتا شلتها طلعته لقيت مرت عمي قالت لي ما شاء الله منوره اتحصني ما يسحروك لي😍😍😉 ضحكته فرحتني ياخ ...
طلعته اول مره اركب مواصلات براي بس مرت عمي ورتني الحافله البركبا ياتا ركبته و كان الطريق طويل ولا انا حسيت كده ما بعرف 💔🐸 وصلته الجامعه بقيت اسرع لانو زمن المحاضره باقي لي دقيقتين بس و المحاضره كانت مع دكتور اشرف اها وصلته كده هو وصل اتلاقينا في باب القاعه سلم علي قال لي ما شاء الله طق مع الزمن😂 قلته لي ايوا اتاخرته المواصلات صعبه شديد ده كلو نحنا واقفين لاحظو معاي ....
من دخلنا العيون كلها لي انا وبس قربته اجري بس بقيت ماشه و رجولي تتطاقش مع بعض ما بعرف فيني عيب يمكن او اللبسه ما سمحه💔🐸 يعني لحدي ما قعدته بعدين وروني اعراض اكتافهم بري من الزي ده اها الدكتور بدى المحاضره و كل انا اصلا بطبعي بحب أشارك مع الدكاتره وكده بس عشان جديده كنته محترمه نفسي بس دكتور اشرف عشان بعرفو بديت اتفاعل معاه و هو كمان ما بقصر ايوا خليكم زي اسمهان قاعدين لي زي الطوب شاركو😡 اتلفته ساي بالصدفه لقيت شلت البنات ديك بعاينو لي و بتضاحكو ما اشتغلته بيهم بقيت مواصله مع الدكتور ...
المحاضره انتهت كلهم جوني الشله الكريمه زي الحاجه السمحه قالو لي قاشره كده ماشه وين 🐸 وحده قالت لي ابقى معانا والتانيه دكتور اشرف ده كان ضحك الا يكون عضم خشمو زاع 💔🐸✋️ كيف بضحك معاك ضحكته التانيه قالت ليها اكيد حبيبتو قلته ليهم اعصابكم مش بتقولو كده😂😂😂 ادوني نفس دكتور اشرف ولا بعرفو اتعرفت علي هنا في جامعتكم دي والله ما بعرف انو ما بضحك يمكن عشان شكلي الليله وحده تانيه جات ناطه بري انتي حلاتك ليو حق عاد🐸 بس المفتريه ديك قالت ليهم ما أحلى مني لاكن😌... قالو ليها لو ما أحلى منك ما كان عاين ليك من زمان شنو الما عملتي عشان تلفتي نظرو😂😂😂💔
اتعاظت منهم قامت خلت ليهم المكان قالو لي تفطري معانا قلته ليهم تمام انا اصلا بكون شايله من البيت المصاريف حقت ابوي ما بتكفي والله افطر و اركب مواصلات منها 💔 وما كنته عارفه هنا بضحكو علي الناس يلا قعدنا في كافتريا كده كلهم طلبو قالو لي انتي ما عايزه قلته ليهم فكوني هنا و طلعتو عايزه افتحو عشان اكل لقيتهم بضحكو بصوت لمن وحده دمعت و وقعت من الكرسي و الناس دي كلها بقت مركز معانا ولا كضبته طوالي قمته مشيت الاستراحه بقيت ابكي لمن بشهق اثناء ما ببكي حسيت بيد في كتفي رفعته راسي اشوف دي منو ....