رواية اسمهان
الفصل العشرون20
بقلم ريم ابو القاسم
بعد أديت اسمهان الحليب بقيت افكر فعلا اسي لو اتزوجته دكتور اشرف ح يقبل يربى أطفال ما منو ولا ممكن يقبل بس اهلو هل ح يقبلو 💔...
بقيت قاعده بفكر العصر عمي جاء عملته الجبنه و قعدنا نشرب متعودين اصلا قال لي يا نونا انا قررته اتزوج قلته بس يا عمو انا قاعده مع البنات قال لي لا يا بتي انتي عندك مستقبل وراكي عندك دراستك و زواجك قلته لي بس قال لي خليني اكمل اتا طول عمري بعتبرك زي شيماء واحد يعني عايزه افرح بيكي ❤️ و مسؤولية زي دي كبيره انتي لسه صغيره علي مسؤولية زي دي قلته لي موافقه بس بي شرط قال لي شنو قلته لي العروس لو ما اطمنته علي تعاملا مستحيل اخلي البنات معاها ح اقعد شهر قال لي بس يا بتي قلته يا عمو ده شرطي لة موافق خلاص لو ما موافق انسى بشيل بناتي بيتي بقى يضحك قال لي خلاص موافق😂😂😂... قال لي العروس خلاص اختيارك عشان بعدين ما ترمي اللوم فيني قلته لي ابشر تب يا عمو ....
[ ] لميت الحاجات بعد شربنا غسلته العده لقيت شيماء بتلعب مع اختا بقت تمشي شويه شويه قدام ابوها شغال ليها تعالي هاك و كل مره يرجع وراء بعدين مسكا شيماء قالت لي انا كمان شيلني قام شالهم الاتنين و بضحك معاهم ٠🥺🥺🥺💔 واي قلبي يا جماعه ابوهم بحبهم مستحيل اخدهم منو ... اتصلته لي امي بعد رقدته شيماء و اسمهان عشان نامت لسه صاحيه بتلعب راقده بعد سلمته ليها قلته ليها عمي ده قال عايز يعرس قالت لي خير ما عمل قلته ليها عايزه لي عروس من اختيارك قالت لي ما عارفه بشوف بس ما اظين وحده ترضى قلته ليها خلاص شوفي ة اديتي تلفون و قفلته منها فتحته الواتس لقيت رساله من دكتور اشرف طلع بجهز للخطوبه نزل لي مجموعه من الخواتم حقت اولاد وبنات قالت لي اختاري ليك و اختاري لي قلته لي طيب بس كان تختار براك ما مشكلة قال لي نسيت مقاسك اعرفو كيف قلته لي بعد تجي تتقدم اول بعدين نمشي نقيس 🐸 قال لي صح نسيت طبعا بكره مسافر قلته لي وين قال لي مفاجأة طبعا انا عرفته مسافر البلد😂😂😂 عملته نفسي ما عارفه قلته لي توصل بالسلامة قال لي يعني ما بهمك اسافر ولا لا قلته ما كده قال لي كده كلامك واضح يلا زاتو ما داير معاك كلام و قفل 🐸🐸💔 ...قلته الجن ولا النفسيات...
بلسان اشرف....
وصلته حي ناس اسمهان المغرب ضيفوني و دخلوني كان معاي الحاج و عمي و اخوي رجال بس سلم علينا كانو بعرفنا من زمان هو و معاهو رجال اقتعد اعمامها او خيلانها ابوي عرفو عن نفسو و انا كمان هو افتكر في البدايه ابوي العريس بقينا نضحك قال لي انت العريس صغير كيف بقيت دكتور قلته لي بعد خلصته جامعه طوالي عينوني ادرس معاهم قال لي ما شاء الله ربنا يوفقك قلته لي تسلم يا رب هو كمان عرفنا عنهم وانهم ده بيتهم من زمان بناهو بي الزراعه دي و عرفنا واحد عمها و التاني خالها 😍قعدنا غدونا شربنا الشاي ابوها كان طيب بعتقد هي الوحيده عند اهلها انا ما حصل قعدته معاها عشان أسألا لو عندها اخوان بس ابوها طلع ظريف كان بحكي لينا عن زمان والزراعة ماشه كيف ابوي كان متحمس شويه و ح يقول لي نجي نسكن هنا بعد صلاة العشاء قلنا نمشي حفل لينا الا نبيت فعلا نومنا هناك الجو كان سمح و السماء صافيه و الهواء نقى ما فيو تلوثات حقت الصناعه و العربات حقيقي كان احلى يوم الصباح شربنا الشاي وابوي قال لي ابوها الجمعه الجايه ح نجي كلنا و المدام نجي نخطب ابوها قال ابشر خير 😍✋️...و طلعنا الخرطوم ابوي قال لو جينا الا نعقد لانو اسره زي ما ح نلقى زيها وقال عايز يشتري ارض هناك عجبتو البلد😂❤️...
الصباح امي ضربت لي قالت لي اشرف جانا و اهلو و الجمعه الجايه جايين خطوبه قلته ليها والله 😍😍😍😍 قالت لي ايوا قالت لي يدي واحده بكره او بعدو تجي انتي و البنات قلته ليها طيب ان شاء الله 😍❤️..
حقيقي كانت احلى ليله انا انوم فيها مرتاحه شديد لقيت اسمهان نامت و شيماء في السرير التاني نايمه ❤️ بقيت سرحانه انا كنته وين و بقيت وين جيت الخرطوم عشان ارجع بي عربيه اسي ح ارجع بي بناتي بجد الدنيا أقدار و أقسام و ديل بالنسبه لي أغلى من العربيه بي كتير... 🥺🫶❤️