رواية اسمهان
الفصل الحادي والعشرون21
بقلم ريم ابو القاسم
الصباح قمته حكيت لي عمي قال لي طيب بس ناخد اذن لي شيماء قال لي امشي معاها مشينا اخدته ليها اذن عمي الوصلني ح يقوم الساعه 12 بالظهر يلا عملته الفطور سريع فطرنا و غيرتهم و غيرته الساعه كانت 11 ونص بقين منتظرين بعدين جانا 12 و نص قال لي معليش يا بتي اتاخرته عليكم قلته لي ولا يهمك يا عمو شاف بت سلوى شالا بقى سايق بيها و هي كل مره تهبش تعبتو شديد و بقى يحكي لي عن طفولتي و نضحك شيماء تضحك ساي قاعده وراء وانا جمب عمي وصلنا الساعه 7 باليل الطريق كان طويل و نص الطريق اسمهان بتبكي ما عرفته مالا اول مره تبكي كده ما سكتت الا وقت اتصل لي ابوها سألنا وصلتوا كيف فتحته الاسبيكر عشان شيماء تسمع و تسلم لي ابوها اسمهان من سمعت صوتو سكتت بعدين ضحكت شغاله بابا بابا🥺💔....
عرفته انو مشتاقه لي ابوها شديد قلته ليو ان شاء الله ما ح نقعد عشان روضه شيماء و اسمهان مشتاقه ليك ضحك قال سلمو لي ناس البيت كان شارع واحد ونصل البيت ...
وصلنا كميه الفرحه سنتين انا ما جيت البلد سنتين ما شوفته امي وابوي البيت زي ما هو وقت وصلنا استقبلنا ابوي قال لي امك جوه خشو امي جات سلمت علينا و جابت لينا مويه ابوي كان شايل اسمهان شغاله لي بابا بابا 😂❤️ ... ابوي قال لي مع انو ما في شبه بيني و بين ابوها قلته لي اي راجل بتقول لي كده ضحك قال لي لو كده معليش😂💔✋️....
عمي استأذن لانو بيتو قريب ابوي قال لي يتغدا بس قال منتظرنو وطلع امي جابت الاكل اكلنا اشتقتا للكسره حقتا اسمهان شغاله تقابض في الصينيه امي قالت لي ما بتلحسيها شويه قلته ليها لا 🐸 قالت لي سجمانه كيف الكلام ده طوالي شالتا منى بقت تدي فيها اكلت والله و ادتا رز برضو اكلت اها امي من ادتني ليها اغسل ليها بقت تبكي ما دايراني عايزه امي بس😂😂🐸✋️💔 يا ناكره العشره بس عشان امي اكلتك امي قالت لي ايوا الطفل بحس تمت سنه معقوله حليب بس عشان كده البت ناشفه زيك😒 بلعتها في قلبي لميت الحاجات خليت امي مع اسمهان و شيماء اسمهان متعبه شديد بزات لانو كراعا جديده عايزه تمشي اي مكان و تهبش اي شي لو سالوها تبكي 😂.....
الصباح امي قالت لي باقي يومين بس و خطوبتك ما اعتقد نلحق بس يلا ننادي خالتك و وحده هنا بتعرف للخبائز تجي تعمل معانا قلته ليها ما مشكلة امي مشت تكلمهم انو بعد الفطور كده ❤️... فعلا جات خالتي من شافتني تبكي حضنتني قالت لي انا ذنبي شنو مالك ما بتضربي لي قلته ليها والله يا خالتي زي ما شايفه شافت اسمهان بقت تبكى قالت لي ما انو ما بعرف مرت عمك شديد بس بسمع بي طيبتا و باب بيتا الفاتح للقريب و الغريب 😭😭😭 قلته ليها حال الدنيا يا خالتي قالت لي فعلا... اها شويه كده جات البت البتعرف للخبائز سلمنا عليها ظريفه و وناسه الونسه كلها علي حسابا تحكي و نحنا نضحك يلا بدينا الخبيز انا بقطع مع البت و امي خالتي برضو في مفرمه قلنا نعمل بسكويت شاي عشان ما معروف احتمال يبيتو وكده يلا اسمهان جاتني قالت لي ده وشالت وحده قلته ليها اسمهان اقعدي ساي مشت لي شيماء ادتا البسكويت اللسه ما دخل النار و شيماء تاكل تاني جات شالت وحده بنهره قلته ليها اسمهان اقعدي ساي😡😡😡...
عاينت لي مسافه و عملت وش الزعل داك و هي عايزه تبكي☹️ اللحظه اتفقعت بالبكاء لمن بتشهق يا جماعه احسن فيها تزح يدي جرت للبت اشعبطت بي رقبت البت قلته ليها اسمهان حبيبتي يعني ما عايزاني قالت ماما ماما والله انا زاتي بكيت البت قالت لي خليها حضنتا بقت تغني ليها سكت نامت عايزه ترقدا أبت الا البت رقدت جمبها عاينت لي قلته ليها ما مشكلة قربنا بنعمل الباقي ... قالت لي يتيمه صح قلته ليها ايوا امها ربنا يرحمها قالت لي منو البربيها اسي قلته ليها انا بس بنفتش في وحده لي عمي قالت لي انا عايزه اربى البتين ديل عملته ليها كده😳😳😳 قالت لي انا عمري 30 سنه اطلقته عشان ما بجيب اولاد بس وقت البت دي اتعلقت فيني حسيت كانو قطعه مني بقيت ابكي قلته ليها اسمهان اصلا كده اي زول بحبها بس انتي ح تبقى قدر المسؤوليه قالت لي ان شاء الله 😍❤️..
عاينته لي امي امي قالت لي توسل دي ما ح تلقى زيها خالتي قالت لي والله يا نونا توسل بت و ست بنات ادب و أخلاق و زوله خدومه و وناسه و دمها خفيف زي ما شايفه و ما حصل سمعنا منها كلمه قلته ليها فعلا توسل قالت شكرا ليكم والله بعدين عملنا الخبيز كلو و الناعم و البتي فور وكل شي بقى جاهز ❤️
تاني يوم قلته اتصل لي عمي قال لي مالكم في شي يا بتي قلته لي ما في شي بس لقيت ليك بت الحلال وهي براها شافت البنات قالت عايزه تربيهم بس مشكلتا ما بتلد قال لي ما مشكلة انا بس عايز وحده بي بناتي ديل قلته لي دي احسن وحده قال لي انا اصلا جاي بكره ان شاء الله تحضر خطوبتك قلته لي و منها تشوف توسل قال لي اسمها توسل قلته لي ايوا😂❤️ ... قال لي تمام وقفل مشيت لي امي لقيتا بتدي اسمهان عصيده حاره و هي تاكل لمن امي وقت تتأخر في اللقمه تمد راسا 😂😂💔 امي قالت لي البت دي معقوله حارماها كده الله بسألك ياخ قلته ليها يا أمي حكيت لي عمي عن توسل قال بكره جاي قالت لي خلاص منو و يشوفا قلته ليها ايوا اسي انا ماشه افرق معاها خليت اسمهان مع العصيده بقت ما شغاله بي سقته معاي شيماء و مشينا. .....