رواية عدس بالقدحه
الفصل السادس6
بقلم ريم ابو القاسم
قريت الرساله قلته ده منو رسلته ليو انت منو كان متصل فتح الرساله قال لي حبيبك قلته ليو احترم نفسك انا مره متزوجه قال لي و يعني لو متزوجه طوالي حظرتو قلته بلاي ناقصني انا.... عثمان جاء سخنته الاكل و جبتو اكلنا قال لي المره جات قلته ليو ايوا ما حكيت ليو حركات اختو قلته ما في داعي طلما انا مرتاحه .... بعد اكل رقد سمعته صوت رساله في تلفونو قلته اشوف ساي فضول لقيت مكتوب فيها ولدك عيان ليك شهر قاطع مننا تعال شوفنا حق بكره ساي ما عارفين نجيبو من وين.... انا بقيت اقرى و دموعي نازلات كيف يعني عثمان يطلع متزوج😭😭😭😭😭
بقيت راجيه عثمان يصحى و اصلا الكلام لسه ما دخل راسي بعد صحى قلته ليو دي اخر حاجه اتوقعا منك ده شنو ممكن تفهمني.... قال لي شنو اديتو التلفون قراء الرساله قال لي ده اول تلفون صحبي مسافر و اداني ليو اشتغل بيو لانو عندو ناس مهمه ح تتصل و انا اتعامل معاها .... قال لي معقوله ما عاينتي شكل التلفون فعلا شوفته لقيتو ده ما حقو طلع لي حقو قال لي هدى حقي ... الحمد لله بقيت ابكي قلته لي قايلاك بتخوني قال لي دي اخر حاجه تطلع مني🥰.... اطمنته شديد حسيتو متضايق قلته اعمل شي مشيت المطبخ بعرف اعمل كيك و حلويات و كده عملته لي كيكه رهيبه و جبتها قال لي ما كان تتعبي نفسك قلته لي ما في عذاب و عملته شاي لبن و جبتو ....
انبسط شديد حسيتو فتحته فلم ظريف بقينا ناكل و نحضر 🫶❤️... بعد خلصنا قال لي معقوله تشكي فيني قلته ليو ما كنته مصدقه والحمد الله طلع ما صح قال لي نمشي نشوف مرت صحبي لانو مرسله الولد عيان قلته ليو طوالي😍😍🫶 لبسته لي عبايه و طلعنا مشينا بعيدين وصلنا بعد ساعه ونص بعد نزلنا دخلنا بيتهم بسيط و ناس علي قد حالهم في سري قلته شغال مع عثمان مفروض علي الاقل يكون شويه البيت معمر ... ضيفتنا ما عرفتنا عثمان عرفنا عن نفسو بعرف راجلا وامس قرى الرساله رحبت بينا قالت وينو صديق ليو شهر مختفي عثمان قال ليها كويس مسافر معموريه ما وراكي قالت لينا لا حسيتا اتحرجت حنيت عليها عثمان قال ليها البسي و لبسي الولد نمشي المستشفى... فعلا لبست و مشينا كان عيان شديد يبكى ساي عمرو اقل من سنه ...💔
دخلت هي و عثمان الدكتور صرف ليها ادويه عندو نقص دم ما بياكل عثمان قال ليها ما خلى ليكم مصاريف نزلت راسلا دمعت قال الخلاهو خلص الولد صغير طلباتو كتيره مرات زاتو ما باكل عشان اوفر لي ولدي في سري قلته الحمد لله يداب حسيت بالنعمه الأنا فيها ياخ في رجال زي ديل معقوله ما عندك اهتمام بي ولدك 😭😭💔..... رجعناها البيت و عثمان ادها ظرف قال ليها دي حاجه بسيطه و طلع اكياس فواكه و خضار قال ليها خليك مع ولدك الفتره دي مره مره بمر اطمن عليكم ... في اللحظه ديك عثمان كبر في عيوني 😍😍😍❤️ رجعنا البيت لقيت البيت فاضي قلته لي عثمان مشو وين ناس امك قال لي دقيقه اتصل عليهم عزيزه قالت ليو مشينا لي وحده قريبتهم عثمان قال لي مشو لي قريتهم ... ما صدقته دخلته بقيت امشي براحتي اليوم كلو مخمخمه بالتوب عملنا الجبنه في الحوش و البخور ده فوق🤣🤣🤣💃 قلته يومي ما افوتو ....
سمعنا صوت الباب فتح بعدين جات عزيزه قالت لي ما شاء الله تحبي ورا اخوي و تجي تعملي نفسك كانك ما عامله شي قلتا ليها نعم احترمي نفسك ة انتبهي لي كلامك قاصده شنو بحب وراء اخوكي😡😡💔 عشان بسكت بس ما ح اسكت المره دي تتهميني بي حاجه زي طلعت تلفونا قالت لي شوفي .... ختفطت التلفون شوفته الرسائل انصدمته طبعا😳😳😳😳