رواية اسناب شات
الفصل الحادي عشر11
بقلم ريم ابوالقاسم
رفعته راسي عاينته لي..... قال لي رحاب صحبتك انتبهت لي كلامو ... بلهفه قلته لي مالا قال لي قاعده في مكان و كالعاده لغز لو حليتي اللغز ح تلقى رحاب وتربحي و ترجعو التلاته قال لي ح تمشي نفس الشجره الكبيره ... قلته لي بي استياء الطفل قال لي لا ما الطفل رحاب هناك ... فتحته عيوني قلته لي و اللغز قال لي اللغز هنا الشجره ما ح تظهر الا وقت تحلى اللغز ....
انت في داخلها ولكن لا تستطيع الدخول اليها ... وقت تحلى الحاجه دي ح توجهيها في الشجره ... ح تظهر رحاب طوالي و تقدرو ترجعو .... طوالي اختفى ...
بقيت افكر ده شنو كمان انت في داخلها ولاكن لا تستطيع الدخول إليها.. الحياة مستحيل لانو الحياة ما بقدر المسا حسب كلامو اكيد شي بتلمس و بتهبش .... بقيت افكر و انا ماشه في الشارع لحدي ما وصلته المطعم دخلته لقيت يقين جسما بقا أخضر عديل من ابيض قلب أخضر جيت جمبها بقيت اكورك مرت همزه جات جاريه قالت لي مالك قلته ليها يقين و كنته ببكى ... قالت لي للاسف طبيعي يحصل كده لانو يقين ... و سكتت عرفتها عايزه تقول شنو بس معاها حق بقيت قاعده جمبها و بعاين ليها ده كلو بي سببي لو ما قلته نحرق الكتاب ما كان ده كلو حصل ان شاء الله يقين تتحسن تاني حتى ح ابعد عنهم لاني بقيت عارض عليهم مسكته رأسها و حضنتها علي و كنته ببكي شديد فجأه حسيت بي يد في كتفي قبلته لقيتو ده همزه... قال لي دي ما ولاء الأنا اتعرفته عليها معقوله تضعفي في الوقت الصحباتك محتاجنك فيو عاينته لي بكل حزن قلته لي ما انا السبب في كل ده ... قال لي انتي السبب معناها انتي لازم تنقذيهم و لازم تبقى أقوى من كده الاستسلام في لحظه زي دي غير بضرك و بضر يقين ما بعمل شي عاين لي يقين قال لي شوفيها ... عاينته ليها اتاثرته شديد لقيت فعلا كلامو صح لازم اكون واقفه جمبها... و انقذا و ترجع و تبقى احسن ...
قلته لي اداني لغز تاني قال لي شنو قلته ليو اللغز قال فكر مسافه قال لي هم انتين ( انت في داخلها ولكن لا تستطيع الدخول اليها )...الحياة و المرأة الحياة ما بنقدر نهبشا حسب وصف الكتاب ليك ... معناها المرايه فتحته عيوني قلته لي فعلا😳😳... عندكم مرايه هنا قمته من مكاني قال لي بصراحه لا الا في .... محل هنا قلته لي طيب ارح😍 ... مشينا سريع هو جاري وانا جاريه وصلنا المحل قلنا عايزين نشرتي مرايه .....