راجلي سكني مع امو و اختو فصلته مطبخي و حمامي عشان اخد راحتي بعد رجعنا من شهر العسل قال لي انتي عروس ما تعملي اي شي اختي تقوم بالواجب انا طبعا ما رفضته ... تلاته يوم اختو تجيب لينا الاكل ناكل و نودي ليها العده تغسلا...🐸💔 و الجبنه و الشاي راجلي بس يمشي يقول دايرين كده تمشي تعمل تناديو و يجي يرفع مرتاحه شديد لا بغسل ولا بطبخ ... اها اليوم داك جاتني من الصباح قالت لي كيفك قلته ليها كويسه ما عندي عوجه لوت لي خشما و قعدت حبه و مشت .....
مسحته كريمي و رقدته في المكيف شغاله بي تلفوني .... اصلا راجلي برجع مع الفطور يفطر و يرجع الشغل شغال سواق اسمو (عثمان) يلا بعد جاء قال لي الليله يا ايه ح تقومي تسوي لينا الفطور انا من جيت ما اكلته من يدك طبعا هو لمن بكذب بكون ظاهر في وشو قلته ليو اختك قالت ليك صح😒 جاتني الصباح مكرفسه وشها اصلو ما عجبتني قال لي ليها حق انا معرسك انتي عشان تهتمي بي و بي اكلي و تقومي بالواجب قلته لي قصدك خدامه يعني قال لي حشاك والله قصدي من واجبات الزوجه دي ولا كتيره علي قلته ليو لا خلاص امشي جيب لي فول و زبادي قال لي ايه بنهره😡...
انا جاي من الشغل هاك القروش دي امشي جيبي الدكان هدى جمب البيت و تعالي اطبخي لينا ... قلته ليو صراحه انا جعانه بطبخ ليك الغدا قال لي خير امشي ... مشيت افتح الباب لقيت اخت راجلي الما بتغباني وقعت في كراعي قلته ليها بتسمعي علينا بصوت عالي بس عثمان في الغرفه و التلفزيون عالي ما بسمع قالت لي ايوا وامشي جيبي اكل لي راجلك بي ضحكه مستفزه كده قلته ليها خير ... قلته اطول بالي لانو ما تميت شهرين راجلي يطلقني ... طلعته لقيت نسيبتي قاعده اتونسته معاها شويه قلته ليها ماشه الدكان ....
قالت لي طيب مشيت جبته لي فول و زبادي دخلته البيت سامعه صوت اختو معاهو في الغرفه شغاله ليو نحنا بنخدم رقبتنا برانا نصاح بس مرتك مالا تتمسح و ترقد تخدمك انت راجلا وصاها عليك طوالي مرقت لقتني في وشها قالت لي خليك مره مع النسوان اسي ده فطرو تجيبي لي راجلك مع انو ما عدم قبل ما يفكر يعرس فيكي ومشت خلت خشمي ملح ملح🥺💔...