رواية اسمهان
الفصل العاشر10
بقلم ريم ابو القاسم
جاتني مرت عمي قالت لي والله يا نونا امك حكت لي اي شي وقلبي و اجعني عليكي 🥺💔 قلته ليها نسيتهم من دخلته هنا لانو ما يستاهلو اني افكر فيهم ديل انا ما زعلني انو اتزوج لانو هو قال لي ح يتزوج الزعلني عرس صحبتي و لا هي ولا هو جو قالو لي نحنا عايزين بعض بس ما مشكلة انا ح اجيب الارجل منو قالت لي اكيد اسي قومي اعرفك علي جاراتي ونشرب الجبنه بالمره ظراف شديد 😍... قالت لي ما تلبسي عبايه هاك ده ادتني توب جديد يحليلا لبسته ومشينا العقده كانت حلوه ما فيها قلنا و قالو 🐸 صراحه فرقته شديد معاهم والله و كلهم ما أكبر مني شديد عشان كده ....
بعدين رجعنا المغرب كده عمي جاء قال لي مرتو وين نونا قالت لي جوه جاني بعد ضرب الباب دخل لقاني براجع لانو هم فاتوني كتير💔🥲 قال لي موفقه يا بتي قلته لي اتفضل يا عمو كيفك والله نادر ما بقيت اشوفك قال لي حال الدنيا و الشغل كده قلته لي ربنا يسهل عليك قال لي عشان انتي بتي و انا في مقام ابوكي لازم اكون موفر ليكي كل البتحتاجي قلته لي اكيد يا عمو انت اسي ابوي والله 🥺❤️ قال لي بس خلاص دي هديه صغيره حقت نجاحك انا ما باركته ليك ولا جيتك قلته لي مقدره ظروفك 🥰 قال لي هاك التلفون ده ما كبير بس بمشي ليك حالك و شهر كده اغيرو ليكي❤️😍✋️ قلته لي بس يا عمو قال لي ما داير كلام والله بزعل منك انتي براك قلتي انا ابوكي لو ابوكي بترفضي قلته لا قال لي خلاص قلته لي شكرا والله يا عمو ربنا يخليك لي و ما يحرمني منك 😔 انت و( سلوى ) اسم مرتو والله خجلتوني بكرمكم ما عارفه اقول ليكم شنو 😭😭😭💔 قال لي ده ما كرم ولا شي ده واجبنا✋️ يلا قشي دموعك دي زمان كنتي شريره بس اسي حساسه شديد ياخ زمان لو مديت يدي تغضيها لي و قرصيني 😂😂😂 بقيت اضحك قال لي ايوا خليك كده و فات ....
بقيت اقلب في التلفون عايزه ارقص ما بقدر اعبر عن فرحتي كده طوالي مسكته التلفون و بقيت ارقص معاه 🐸💔 عارفه نفسي معاقه سامعه صوت ضحك لقيت دي شيماء واي يا فضيحتي جريت امسكا قبل تفضحني جرت سامعه يا ماما يا ماما ما سفتي نونا بترقص مع التلفون 🐸✋️ يا جماعه ما معقوله اصلا البت دي اسرع من الرادار سامعه مرت عمي صوت مشيها طوالي عملته نفسي بقرى 🥲 قالت لي نونا ما خلصتي قرايه لسه قلته ليها من جبيل بقرى قربته 🐸💔 بقت تضحك قالت لي خلاص بعد تخلصي تعالي اركب ليك الشريحه و اعلمك تستعملي كيف قلته ليها حاضر .....