رواية ميان
الفصل الخامس5
بقلم ريم ابو القاسم
الو واقف لي وين انت ، دي انتي الماسكه معاك بت صغيره ، ايوا دي اختي ، تمام انا راكب في الركشه الوراك دي تعالي جيت ركبته كان صحبو سايق ووهو قاعد وراء عاينته ليو وعاينته لي صحبو قال لي ما تخافي ده صحبي و ح يعمل نفسو اطرش واعمى اركبي سريع عشان ما في زول يشوفك ، فعلا كلامو صح لو بقيت واقفه احتمال اي زول من ناس الحله يلاحظ لي قام جراء لي حلا شعرا وقال ليها كيف يا حلوه، قالت ليو اااي وجعتني ، وجعتك ههه حركات اختك بالضبط، اها يا هيثم عايز شنو مش قلته البينا انتهى عايز تقول لي شنو تاني ، عايز اقول ليك اني مستحيل اخليك فاهمه حتى لو زعلان منك حتى لو قلته ده ، بس انا ح اخليك عارف لي لاني زهجته منك و من تعاملك و تصرفاتك معاي ياخ كل مره مشكله و كلها مشاكل تافهه ، اسي انسي و لمس لي وشي تاني نزل يدو لي يدو انا بحبك وانتي عارفه البحب بعذب حبيبو زحيت يدي بحركه سريعه عارفه بس ما للدرجه دي يا هيثم كل يومين نحنا متشاكلين ، بالنسبه لي يدي دي مالك زاحاها ما عايزاني ولا شنو، لا بس كده غلط و انا مستحيل اسمح ليك تلمسني بالطريقه دي صح بحبك بس ما رخيصه لو عايز الحاجات دي كلها بالحلال بتكون تعال اطلبني من ابوي ، تتوقعي اتزوجك يعني انتي جاده 😂 وبقى يضحك هو وصحبو ، يعني ما عايز تتزوجني، لا طبعا وحده طلعت معاي في ركشه و دست علي اهلا و قادره تعمل كل ده تتوقعي اتزوجا يعني حبيبتي انا بقضي بيك زمن و عايز حاجه واحده بس ، عايز شنو ، عايزك طبعا و بقى يجر في التوب قال لي صحبو اتحرك بقيت ابكي هو يجر وانا اجر قلته لي عليك الله فكني اعتبرني اختك حرام عليك ياخ و الدنيا ضلمت و الشارع فاضي الماشين فيو كان و صحبو سايق بسرعه لحدي ما قلع مني التوب نهائي و شعري جاء نازل بقيت ابكي حلا كمان بقت تبكي معاي و تصرخ بس لا حياه لمن تنادي وقت لقى حلا بتبكي أداها كف هنا انا اعصابي باظت و ما بعرف جاتني القوه من وين حضنته حلا و اتفكيت منو ووقعته من الركشه الحمد لله كان المكان تراب بس برضو انجرحت في وشي و رجولي و حلا لسه بتبكي مسكتها حضنتها بقيت اقول ليها قومي قبل يجونا جريت جوه الحله مسافه بعدين وقفنا جمب زير غسلته لي نفسي و غسلته ليها وشها و اديتا شربت بتاع الدكان يعاين لي ساي خفته منو في البدايه قلته لي حلا اشربي سريع عشان نمشي البيت لقيتو جاي علينا انا لسه طالعه من تجربه اكيد ح اخاف مع انو راجل قدر ابوي شلته من حلا الكوز و عايزه اجري قال لي اقيفي يا بتي انتي بت معاذ قبلته عليو قلته ليو بتعرف معاذ ابوي قال لي معاذ ده اشتغل معاي زمان و اسي عرس و بي عيالو ووقت شفتك ملامح معاذ زمان وقت كان شاب اطمنته شويه بس برضو ما مرتاحه قال لي جايين من وين ، قلته لي ضعنا و عايزين نرجع البيت بس ما عرفنا الطريق قال لي طيب ساكنين وين بالضبط انا بوصلكم لحدي البيت و منها اسلم لي معاذ وصفته ليو البيت عرف الوصف بعد تعب وصلنا ابوي وقت فتح الباب كان باين عليو القلق بزات وقت شافني قال لي كنتي وين يا بت خايفين عليكم ليكم ساعه ونص و ده شنو الجرح في راسك كنتو وين انتو حلا عايزه تفتح خشما قاطعتها كنا ماشين الدكان و لقانا كلب و سكانا لحدي ما وقعنا ده ،كلو كلب لا لا ضيعنا الطريق الا عمو ده وصلنا ابوي يداب انتبه للراجل من شافو انصدم قال ليو كولا ياخ و حضنو بعض ابوي حلف عليو طلاق الا يدخل يشرب شي مع انو الزمن اتأخر بس دخل قال لي خليكم انتو ارتاحو انا بعمل ليو شاي دخل عملو شاي اتونسو ..
طوالي مسكته حلا شوفي عليك الله ما تحكي لي ابوي الحصل ، لي ما اقول ليو الولد داك جرى لي شعري و اداني كف 🥺 ، معليش حبيبتي بس بابا لو عرف ح يدقنا الاتنين عرفتي قولي سكانا كلب سمعته صوت باب الشارع قفل عرفته الراجل مشى و قلته لي حلا لو قلتي كده بكره بجيب ليك إندوني قالت لي طيب فجأه ابوي جاء قال لي تاني انتبهو و لي ما قلتو طالعين الدكان ، كنته بتحضر وانا كنته دايره بس مرقه من الدكان ولاقانا الكلب، حلا قالت اي والله يا بابا اها يا ليلى ح تشتري لي اندومي صح انا قلته لي بابا😍 ، حلا ياخ😡 ابوي قال لي في شنو في شي انا ما بعرفو ، قلته لي لا لا كان وعدتها اجيب ليها واسي عايزه تشكيني ليك هاك بكره الصباح نمشي شالتا و قامت مبسوطه مشت لي حنان ، جاء قعد جمبي ده مصروفك صح يا ليلى ، نزلته راسي ما تشيل هم يا ابوي زي ما انت شايل همنا وانا شايله هم اخواتي الصغار لازم اكون ليهم ام ، الله يسعدك يا بتي بجد انتي واعيه ربنا يحفظك و اثبتي لي كلام عمتك غلط في غلط ، عمتي قالت شنو ، ما قالت شي بس تاني ما تشيلي من مصروفك فاهمه انا ابوكم ومن واجبي اصرف عليكم حتى لو عايزين اي حاجه تعالي لي حاضر ، حاضر يا ابوي ان شاءالله باسني في راسي وطلع خلاني حاسه بالندم و بالخوف و الوحده كل الاحاسيس كانت جواي فجأه جاتني رساله صدمتني زياده (اي قرش احمر اديتو ليك تجيبي بعد اسبوع عايز قروشي والا ح اكلم ابوكي بالمكالمات و الرسائل يا تافهه فاهمه بعد اسبوع نتلاقه ...)