رواية عدس بالقدحه
الفصل الخامس5
بقلم ريم ابو القاسم
حماتي طلعت عثمان قال لي اتصلته لي واحد قال بشوف لينا شغاله تنظف و تطبخ ليك و حده للغسيل دي في الاسبوع مره قلته ليو ما كان تعذب نفسك كده علي الاقل بنظف برأي قال لي لا عايزك ترتاحي وبس و تهتمي بالبيبي ده الدايرو منك فرحته شديد ربنا اداني زوج حنون زي عثمان 🥺💛....
كملنا اليوم عادي الصباح بعد عثمان طلع سامعه جوطه قلته يا ربي في شنو مرقته لقيت عزيزه واقفه مع وحده شغاله ليها منو الطلبك نحنا هنا بنشتغل برانا و عثمان ده ما بعرف حاجه ساي اطلعي بره... المره شغاله ليها اداني القروش عزيزه قالت ليها جيبي القروش و اطلعي المره قالت ليها ما بجيب القروش ده ح تقلعو مني يعني المره جنوبيه ... جيت قلته لي عزيزه عثمان جابا لي انا انتي بتتدخلي لي ارح معاي .... عزيزه جرتني من شعري قالت لي هوي يا بت انتي لسه ما بتعرفيني كويس انا شعري حسيتو ح يطلع في يدها ... وانا بقيت اصرخ الا امها جات ادتا كف بعدين فكتي امها قالت ليها يجيب ليها شغاله ما يجيب ما دخلك ما شال منك قروش ادخلي جوه يلا....
جريت غرفتي المره جات وراي قالت لي متحمل المره ده كيف انا لو مكانك بقطعو حي 😡... ضحكتني قلته ليها بري شوفي حجمي و حجمها ما بقدر عليها قالت لي تقدر عليها مالك ما تشيل حقك ..... قلته ليها راجلي يجي يتفاهم معاها انا حامل ما بخاف تنزل لي ولدي مشت قالت لي أبدى قلته ليو ايوا بقت تنظف و انا راقده شغاله بالتلفون... خلصت مشت تطبخ عثمان جاب خضار و حاجات تانيه قالت لي تاكل شنو للفطور قلته ليها اي شي ما مشكلة قالت لي حاضر مشت عملت وجابت لي الصينيه قلته ليها أقعدي أبت قالت تاكل في المطبخ قلته ليها لو ما قعدتي ما باكل و البيبي يبقى جعان🥺💔... بعدين قعدت اكلنا و اتونسنا ظريفه ياخ قلته ليها خليكي مشيت وديت الصينيه عملته الشاي جبتو اتونسنا مسافه الظهر قالت لي يلا امشي اعمل ليكم الغدا قلته ليها بجي معاكي عملتو و اتعلمت منها الجيمه و المكرونه ما صعبه 🐸💔 قلته ليها طبعا ما بعرف اطبخ تاني كل يوم بخش معاكي قالت لي طوالي ادخل بعلمك اي شي .... انتهى اليوم اثناء ما انا شغاله بالتلفون و المره طلعت جاتني رساله محتواها (كيفك معقوله تنسى حبيبك الزمان ولا عرسوك )