رواية اسناب شات
الفصل التاسع9
بقلم ريم ابوالقاسم
يقين مسكت يدي شديد قلته ليها اهدي بصوت واطي ... واصل كلامو معانا قال عرفتكم ح تجو و تقولو عايزين تغير للغز ... قلته لي عرفته كيف ضحك نفس الضحكه... قال لي انا عيوني معاكم في كل مكان بتمشو ليو اي حركه اي كلمه اي نفس بي اذني ...قلته ليو اسي عايزين تغير للغز لانو صعب و ما بنقدر عليو .... قال لينا حلو منو فيكم الح تضحي اكيد همزه حكي ليكم عن التضحية... قلته لي فعلا حكى لينا انا ح اضحي .... قال لي تمام التضحية كبيره شديد افضل الطفل ... بس لو ما عايزه ما مشكلة قلته لي لا ما بتراجع قال لي طبعا ما في تراجع اي تراجع ح تموتي انتي.... خفته شديد وقلبي قبض ... بس اخدته نفس عميق قلته لي موافقه ....
قال لي ح تجي نفس المكان ده بكره الصباح ح تلقى شخص عزيز في حياتك ... الشخص ده في منو نسخه واحده حقيقه انتي ح ترمي في سهم في النسخه الغلط ولو اصبتي الشخص نفسو ح يموت علي طول... وانتي ح تخسري اللغز و تموتي و تبقى في خبر كان في اللحظه دي تكونو خسرتي الشخص ده و روحك انتي واصلا ما في انسحاب واختفى ... هبشته يقين لقيتا محمومه و بترجف قلته ليها يقين انتي محمومه مسكتا و ديتا مطعم همزه من شافونا مرتو جات قالت لي مالا قلته ليها بترجف وعندها حمه شديد هبشت راسا قالت لي عيانه شديد دخلتها غرفتها و قالت لي همزه ينادي الطبيب مشى ما طول جاب واحد كبير في السن شايل شنطه سوداء متوسطه لابس نضاره جاء هبش يدها وهي لسه بترجف أداها شراب كده فجأه عيونا قلبت احمر شديد زي الدم ... قلته لي يا دكتور ده شنو طبعا مع الخوف ما انتبهت لي كلمه دكتور همي كلو يقين بقيت ابكي و ماسكه يدها....
قال لي اختك روحا عايزه تمرق انا وقت سمعته كده اتشليت... قلته لي كيف روحا عايزه تمرق قال لي كده روحا ما متعوده علي العالم ده لازم بأقصى سرعه ترجع بلدا قلته لي كم كده قال لي اسبوع بس بعدو احتمال تموت بقيت ابكي بطريقه مؤلمه مرت همزه ماسكه كتفي شديد زي بتقول لي انا جمبك..... قلته ليها يقين كنته بمشي يدي في راسا ما بترد بس فاتحه عيونا ولونهم حمر .... الدكتور قال لي ما ح تتكلم الا بعد تطلع من هنا وتبقى كويسه دي أعشاب و شراب ح تفيدا في الاسبوع ده قلته لي تمام....