رواية اسمهان
الفصل الخامس5
بقلم ريم ابو القاسم
مشيت البيت وانا مصدومه من السمعتو اكيد سمعته غلط دي توته ياخ نحنا كبرنا سوا و اكلنا في صحن واحد هي قبل صديقه هي قطعه منى انا متأكده قصدها فهد واحد تاني💔 ...
مشيت البيت دخلته الغرفه بقيت سرحانه شويه اسمع ليك صوت فهد الصوت ما بعيد جاي من بيت توته لبسته توبي قلته امشي اشوف ياتو مسرحية عايز يحكيها لي...😔 طلعته من الباب سامعه بقول لي عمي جم باب ناس توته بتك شالت مني قروش قال لي قروش شنو تشيلا منك بتي قال لي قالت للشيله و الحنه وانا اديتا عشان قالت ما بعجبا زوق زول عايزه تجيب جزء من شيلتا اسي و العيد اجي اطلب يدها منك بس اسي جايه تقول سرقوني انا شافع تكذب علي .. 😡 قال ليها والله ما تطلعي يا تقوى اجي اضبحك امي جات جاريه قالت لي سجمي ده فهد الجابو شنو حكيت ليها قالت لي ووب علي اصلا البت ام عيون منطنطان دي ما ارتحته ليها الفتره دي ما ياها توته بتي يغسي عليها تخونا 😒 طوالي جررر دموعي جات نازله امي قالت لي بري غايتو العاجبك في التور ده شنو كل يوم نافض ريشو طوالي دخلته جوه ما قدرته استحمل الكلام ..
فهد ،، طلعتي طلعتي ما طلعتي عارفاني كويس تقوى جات مارقه وانا ده كلو سامعه بيت ناس توته قريب شديد لو صحن وقع نحنا بنسمعو جات منزله راسا قال ليها اسي دي تطلعي لي قروشي و البينا خلاص انتهى✋️😡 لا اشوفك ولا تشوفيني فاهمه قالت لي والله العظيم سرقوني اسال نونا كمان😭😭😭 قال ليها لا بسأل نونا ولا زفت داير قروشي اديتك 50 الف تعب جبيني ابوها قال شنو الكلام ده صح يا بت نزلت راسا بقت تبكي ابوها أداها كف قال لي نزلتي راسي و كسرتي عيني يعني انا ما مكفيك قروشي ما ماليه عينك صح انا علي قد حالي بس عمري ما حرمتك من شي انتي بزات معزتك غير عندي تشيلي قروش من واحد غريب بالنسبه ليك ولا شي وكمان تتفقو لقروش شيله و ما بعرف 😡 لا جاء البيت وانت ما عندك عندنا قروش في البيت ده وقت اديتا بدون اذنا وعلمنا ... لو عايزا و جاهز تعال مع اهلك الجمعه نقعد ليكم و نخلص من القصه دي و نغطيها وكلامي مع ابوك تاني... فهد طوالي مشى هايج اصلا عارف الكلام لو وصل ابوهو معناها منتهى انا سمعته كل ده وبقيت ابكي بحرقه ابكي عشان عقد فهد حبيبي و حب حياتي ولا توته صحبتي وقطعه من روحي ولا ابكي علي انا الاتنين طعنوني ولا عملو لي خاطر 😭💔💔💔💔