رواية عدس بالقدحه
الفصل الثاني2
بقلم ريم ابو القاسم
اكل وطلع اها احترته اعمل شنو للغدا بقيت افكر قلته خلاص اعمل عدس ورز ما بعرف المشكله خلى لي قروش جاتني حماتي قالت لي لو دايره خضار للغداء تعالي شيلي قلته ليها طيب ... مشيت عاينته للتلاجه لقيت أصناف كتيره ما بعرف اطبخ انا عشان اعرف اسماء الخضار وقفته مسافه لقيت اسود بس ده بعرفو اسود بس ما بعرف بعملو كيف🐸💔...
شلتو ومشيت حماتي قالت لي واو اسود بعدين لزي صحن قلته ليها حاضر في قلبي قلته وب علي الليله💔... شلته الأسود ختيتو في صينيه و جبته السكين بقيت اقلبو يمين شمال ما فهمته فيو شي اتصلته لي اختي ... قلته ليها الأسود قالت لي منو الأسود اتخيلو ده انا ما سلمته ولا شي ودموعي عشره عشرة فضيحتي الليله راجلي يجي يلقاني كده قلته ليها الأسود بعملو كيف ... البت بقت تضحك من كل قلبا قلته في سري ما مشكلة اسي عشان محتاجه ليكي ما بسألك بس بعدين ليك يوم قلته ليها عليك الله يا آثار قولي🥺💔 .... بعمل اي شي تطلبي مني قالت لي اي شي متأكده قلته ليها ايوا كان عادي افصل الخط واسأل اي زول بس هي بتعمل اسود رهيب🐸🫶.....
قالت لي جيبي الأسود قشري الطبقه السوداء البره دي عملته زي ما قالت غايتو مره اشيل سمح و مره اشيلو بالاسود حقو وقالت لي يلا قطعي مربعات صغيره قلته ليها زمن مافي قالت لي عايني دايره تتفلسفي اسي بفصلا منك اصلا ما فاضه ليك قلته كويس الإهانات دي كلها مسجله💔✋️🥲... وصفت لي الطريقه كامله طلع حلو شديد بس برضو ما زي حقها....
العصر عثمان جاء قلته ليو ارح نتغدا مع ناس امك قال لي ما شاء الله دي مرتي الأنا بعرفا يلا انا هناك تعالي بالصينية في سري قلته صحن هو🐸💔.....
جيت بي صحن كبير زي حق العصيده داك ملان سلطه و كم عيشه كده ختيت الصحن ولقيت اخت عثمان (عزيزه) عامله بطاطس وقت دخلو يدهم في الأسود عزيزه قالت لي امها اوعك تدخلي يدك هنا انا بقيت منططه عيوني😳 قالت لي انتي الشطه دي عايزه تقتلي امي عثمان ياكل ساي بحب الشطه وانا كمان بس نسيت امها ما بتاكل 🥺... عثمان قال لي الأسود تحفه حتى عزيزه ما بتعرف تعملو كده فرحته فرح و عاينته لي عزيزه لقيت شرار طالع من عيونا عرفته النظره دي ما منها خير اكلنا مشيت عملته الشاي جبتا ليهم عزيزه من اول شربه دفقتو قالت لي مسيخ زيك و تقيل. زي دمك شالت حق امها و كشحتو قدام عثمان ...
عثمان عيونو مرقت قال ليها عزيزه ده شنو 😡😡😡