رواية اسمهان
الفصل التاسع9
بقلم ريم ابو القاسم
اول صباح للجامعه بلد مختلف وناس مختلفين وكل شي غير كنته مبسوطه ما عارفه الراجيني شنو 🖤 لبسته عبايتي وطرحه سوداء و اسبورت فاتح بالجمبه مرت عمي وقت شافتني قالت لي ما شاء الله ح تنوري الجامعه ابتسمته ليها قالت لي بعدين ذكريني عندي ملابس كتيره و جزم حقت الجامعه ما قعد البسا اديك ليها😘 حسيتا بتشفق علي قلته ليها لا لا ما ضروري قالت لي لا اخليها أعذب بيها بعدين بري اخير ادفعا قلته ليها تسلمي والله قالت لي يلا اشربي سريع قلته ليها شيماء وين قالت لي صحت من قبيل مشت الروضه ما سامعه الصريخ من تقوم الا تعمل لينا حفله و فضايح 😅 قلته ليها والله نومي شين ما بحس٠🐸💔 ضحتك قالت لي يلا نمشي قلته ليها طيب اول يوم قالت توديني اصلا محاضره واحده تنتظرني لحدي ما اخلص نجي سوا قلته تمام عشان احفظ طريق الموصلات و كده ....
اول ورتني القاعه بتاعتي وين و دخلته بقيت راجيه المحاضره و الدكتور ما بعرف زول بقيت اعاين في شله بنات كده قاعدين بتونسو بقيت اسمع فيهم اظين بتناقشو في موضوع سرقه و ما سرقه ده الفهمتو وحده فيهم انتبهت لي جاتني قالت لي ازيك انتي جديده ولا داخله غلط و جرر فكو الضحكه قلبي وجعني تهيني كده قدام أمه محمد و كمان في اولاد يعني قلته ليها داخله غلط😒 قالت لي أعصابك يا بيبي بس جيت اتعرف عليكي و دايرنك تكوني في شلتنا رايك شنو قلته ليها لا لا افضل براي يلا عاينت لي صحباتا 😉 كلهم جو زي خمسه بت بقو يوروني اسماءهم ما حبيت احرجهم بقيت اتونس معاهم و كده ظراف شديد يلا فجاءه الدكتور جاء ادانا محاضرتو و كانت ظريفه و طلعنا لقيت مرت و اقفه بره معاها واحد اظين دكتور في الجامعه عرفتني بيهو انو اصغر دكتور و اشطر دكتور ممكن يلاقيني و الظريف بدرسنا في مجالنا قال لي حبابك في جامعتنا قلته لي تسلم والله قال لي بكره المحاضره معاي ما تتأخري ما بدخلك😂✋️ قلته لي اكيد ما بتاخر مرت عمي قالت لي ما تشيل هم بتي دي نشيطه بعدين اتكلمو عن الجامعه زمان انو مرت عمي خلت الدراسه بدري اسي كان بقت شي تاني لانو مجتهده و انو هو حضر الدكتوراه واسي عايزه يحضر بروف حقيقي زول عندو طموح زي ده ما قابلني قام استأذن قال لي بالمناسبه ما عرفته اسمك قلته لي نونا قالت لي نعم😅 قلته لي اسمهان🐸 احي من لساني بري غايتو نونا قال قال لي انا دكتور اشرف قلته لي اتشرفنا قال لي الشرف لي وفات رجعنا البيت مرت عمي لقيتا مجهزه لي عصير بارد بعد فطرنا ما كان بتخليني اشتغل نهائي تقول لي راحتك و قرايتك اهم يلا سأقتني غرفتا طلعت لي ملابس كتيره شديد و معاها زي خمسه جزمه كل واحده لون مختلف و شنط و طرح قربته ابكي عيوني رغرغرت والله 🥺💔💔 قلته ليها بجد انتي ما اختي انتي نعمه و عوض ربنا و قعدته ابكي ليها 🐸✋️ قالت لي نونا يا هبله والله ما عملته شي قشي دموعك دي ما اشتقتي لي امك قلته ليها شديد قالت لي هناك اضربي ليها انا تلفوني من جيت ما فيو شبكه حتى رصيد ما عندي غايتو الحمد لله 💔 اتصلته لي امي سلمته عليها قالت لي ابوكي بجي العصر مالك ما بتضربي الخرطوم غيرتك بالسرعه دي قلته ليها ما تقولي كده والله الايام كلها جارين من هنا لي هنا يداب الليله نزلته دراسه قالت لي اللع يوفقك 💔 قالت لي مرت عمك كيف معاك حكيت ليها قعدت تبكي قالت لي اديني ليها سلمت عليها و شكرتا لقيت مرت عمي دمعت ما تكون امي دي حكت ليها اصلا خشما ما بتمسك🐸💔💔💔 ....