رواية ميان
الفصل الحادي عشر11
بقلم ريم ابو القاسم
زعلانه شديد من ليلى و ح اواجها بالحاجه دي و اقول ليها اني عايزه عمران و لازم تفضى لينا الجو ما ممكن مشيت بره وقفته قبل الحفله تنتهي وقفته جمب العربات وتحديدا عربيه عمران طلع لي ابوي انتي مالك مرقتي يا بت ، الحفله قربت تخلص يا ابوي و الزحمه بعدين ما بقدر استحمل ، تمام مدام طلعتي نمشي انا وانتي نتقدم ، في اللحظه دي قلبي اتكسر و احلامي اتحطمت و تختيطاتي فشلت٠٠💔🐸 شافني ساكته و سارحه ،ولا منتظره صحباتك الكتيبه 😒 ،لا يا ابوي كرفسته مشاعري كده ما اسمها صحباتي الكتيبه اسمها زوله اجتماعيه😌 اداني ضربه في راسي يلا ارح قبل الزحمه بلا اجتماعيه معاك مشيت ركبنا أمجاد وصلتنا للبيت نزلنا و دخلتا لقيت البيت فاضي الا النسوان الكبار من شافوي بقو يكابسو فيني العروس جات العروس جات وحده قامت جاريه خمشتني و البعديها وانا دي بقيت افتش اليمرقني منهم بقيت احاول امرق راسي منهم عشان اقول ليهم انا ما العروس 🐸💔💔 يا الله قلته ليهم ابردن انا ما العروس انا اختا 😌 وحده قالت لي نان مالك متظبطه كده ، كيف يا حبوبه انا اخت العروس ولازم اكون منوره و نجفه كده ، كويس نورتي صحي😹 و الله جابك قومي اعملي لينا شاي من قبيل نعاين في السكه قلنا تجي وحده من البنيات نمسكا و نجيبا تعمل لينا شاي عشان ننوم قلته في سري اها يا الجاسوسات قلته ليها حاضر يا حبوبه ح اجيب ليكم كلكم بس اغير الفستان ده عشان تاني ما يكابسوني كده 🐸✋️ ، سمح يا بتي ، مشيت غيرته الفستان و لبسته لي جلباب دخلته المطبخ ختيت المويه وبقيت راجياها فجأة سامعه صوت البوري والزعاريت قلته وصلو ركبته في المسطبه و اتعلقته في الشباك بقيت اعاين و ارقص مع اغاني البنات و ده كلو انا في المصطبه فجأة زحيت رجلي ناحيه البتوجاز جيت واقعه و المويه الحاره كلها جات في وشي قوله وااااااي تاني ما وعيت بي شي ..
بلسان عمران ...
بعد طلعنا كنتا بفتش ميان ما بعرف مشت وين قلبته الصاله فوق تحت و بره بس هي ما في قنعته قلته اكيد رجعت بس لي ما انتظرتني ٠٠💔 قطعت تفكيري ليلي وقت جات مسكت يدي قالت لي وين انت ارح بعد ده بس برانا قبل البنات يجو يملو العربيه 😒 قلته ليها ويعني نشيل معانا و نخفف 🥰 قالت لي لا 😌 انا عايزاك تمشي معاي قلته ليها ليلي بي نهره نادي البنات الهناك مشت تتافاف نادتم ركبو و هي ركبت الطريق كلو صاره وانا ما بهمني البهمني كلو اشوف ميان و اعرف لي ما انتظرتني نرجع سوا وقت وصلنا عيني ما وقعت الا علي شباك المطبخ لقيتا واقفه بترقص و بتعاين لينا و باين قدر شنو هي مبسوطه بالاغاني و الدلوكه بس فجأة سمعته صرخه و ميان ما في طوالي جريت ناحيه المطبخ لقيتا مرميه و وشها مظلت من اثار الحريق شكلها مويه حاره ادفقت فيها رفعتها و وديتا العربيه سريع و معاي امها سلوى و عمتا ليلى و ابوها و امي كلهم ركبو و ليلى اختا و مشينا وديناها دخلوها سريع بعد طلع الدكتور قال هي كويسه بس للاسف خسرت ملامح وشها لانو وشها بقى زي اثار الحريق الحمراء ديك و بيضاء ليلى اختا كانت بتبكي بي هستريا و ابوها متاثر الا مسكته ليلى و حنستها وقت دخلنا لقينا وشها ملفوف بشاش من عيني وقعت في عيونا تاني ما عاينت لي زول الا وقت ابوها جاء قريب مسكا من يدا قال ليها ميان!! بقت تعاين ليو ودموعا بقو جاريات ....