رواية اسناب شات
الفصل الاخير
بقلم ريم ابوالقاسم
فعلا اشتريناها ... و جرينا للشجره كانت شويه بعيده بس مع الفرحه و الحماس وصلنا ... كنته بلهث و نفسي قايم من الجري قال لي الشجره كانت هنا في المكان ده وجهته المرايه فعلا مسافه قنعته عايزه امشي بياس سمعته صوت قال لي ولاء .... قبلته ليتا رحاب جريت عليها مسكتها من يدها قلته ليها ما مصدقه رحاب دي انتي و دموعي جاريات حضنتها شديد عشان اتأكد بجد دي رحاب كانت بتبكي قالت لي يعني انا ما مته قلته ليها لا يا قلبي قالت لي يقين وين قلته ليها قاعده ... غمضته عيوني قلته ليها اقرصيني ....فجأه احس القرصه فيها ضربه في يدي و زول بقول لي يا بت ولاء يا بت قومي ...فتحته عيوني لقيت دي امي ... انصدمته شديد انا وصلته هنا كيف... سألتني وانا بعاين ليها بصدمه ... صحباتك ديل مش قلتي جاينك😒😒😒 .. قومي اتجهزي بلاي من الصباح نايمه بالغه منوم قلته ليها اسي الساعه كم قالت لي نفسك فاتحه كمان الساعه 4 عصر مساهره مع منو ما يكون الصايع ده..😒 طبعا انا يداب عرفته ده حلم و انو يداب ناس يقين بقيت اتبسم و قلبتها ضحك ادتني لبعه في ضهري قالت لي ابوك بجي اصبري بس😒.. جابت ليها ضحك و جنون قامت طلعت دخلته استحميت كل ما اتذكر الحلم و الاسناب بضحك يعني ده كلو حلم 🐸😂💔 .....
فجأه الجرس ضرب سمعته صوت ناس يقين بقولو تمام الحمد لله وين الكسلانه دي امي قالت ليهم جوه قاعد ... كانت نايمه طبعا الا اسي صحيتا ... قلته امي دي ما بترتاح الا تفضحني💔🐸 ... مرقته ليهم سلمو علي قلته ليها ارح الغرفه مشينا ... سألوني من عصام قلته ليهم خلو غسان اسي... الليله حلمته بيكم رحاب ضحتك قالت لي ان شاء الله عرسنا بس قلته ليهم بس ده همكم
حلم اكبر من كده يقين قالت لي احكي نسمعك ... حكيت ليها مره يضحكو مره ينصدمو مره يبكو ... يقين قالت واي يا ولاء انتي جاده قلته ليها اي والله جاده رحاب قالت لي انا خفته يقين قالت حتى انا والله... قلته ليهم ده رعب 💔🥺....قالو لي معقوله قلته ليها اي والله عشان تعرفو بحبكم كيف😘😘 ... قالو لي بس ده حلم 😒💔 ... قلته ليهم اصلا حلم بس حته في الحلم بخاف عليكم اتونسنا مسافه قلته ليهم ارح نتصور اسي تذكار لليوم ده يقين قالت لي مش ده الأسناب مسحتو رحاب قالت حتى انا ده مش الاسناب انا كمان مسحو بقيت اضحك فيهم مسكته تلفوني عايزه اصورهم غصب بقو جارين و جاريه وراهم جارين و جاريه وراهم....... 😂😭 كانو و ح يفضلو سندي❤️ و اخواتي في الحلم او في الواقع🫶❤️ ....
تمت