رواية اسناب شات
الفصل الرابع4
بقلم ريم ابوالقاسم
قلته ليهم اقرو ايه الكرسي قالو ما حافظين قلته ليهم خليكم جادين ياخ اقرو بديت إقرأ و هم يقولو وراي .... من عتبنا القرايه ظهر لينا كتاب قوف فجأه بدت الصفحات تفتح بسرعه يقين قالت الليله وب سجمنا و رحاب مسكتني من طرحتي و حنقتني بيها يمكن انا كنته الوحيده المقويه قلبي .... الكتاب وقت علي صفحه معينه جانا صوت ... الصفحه دي بابكم البخليكم ترجعو .... بس قبل تحلو اللغز ده القريه الجيتوها دي فيها ناس بس ما بظهرو الا بكلمه معينه ... اللغز هو لم اكن موجود بالامس وولد اليوم وسوف اموت غدآ .... لو حليتو اللغز ح تتخطو المرحله الأولى... و اختفى الكتاب فجأه....
يقين بقت تبكي قالت بلاي لغز زي ده منو بحلو لم أكن موجود الأمس وولد اليوم و سوف يموت غدا بلاي في شي بولدو الليله و بموت بكره .... رحاب قالت ده معناها ما عايزنا نطلع جاب شي مستحيل قلته ليهم دقيقه هو قال المرحله الأولى يعني اكيد في مراحل تانيه .... خلونا نفكر بقينا ماشين فعلا القريه الأسواق فاتحه المطاعم اي شي حتى في كركبه بس ما ظاهرين الناس ... يقين بقت تقول اكيد شياطين انا الجابني ليكم شنو كلو بي سببكم اسي في داعي تقولو تحرقو الكتاب .... قلته ليها الحصل حصل خلاص ما ح نقعد نندم و نفكر في الماضي لازم نشوف حل لغز ده ....
بقينا ماشين مسافه القريه كانت حلوه من حيث المباني و النظام و النظافه حتى من دخلنا ما في تراب صح باين قريه صغيره و المباني ما عمارات بس مصممه بطريقه تخليك تقول انك في عالم تاني .... شفنا تلاته كراسي و طربيزه في نص الشارع مشينا عليهم قلته ليهم نقعد هنا احتمال ديل لينا لانو من قبيل لافين يقين قالت لي لا لو قاعد فيها شيطان بري ما بجازف قلته ليها خلاص انا بمشي لو قعدته وما جاني شي انتو الحقوني قالو طيب مشيت قعدته ما في شي حصل بالعكس ظهر قدامي صحن كبسه دجاج و عصير ... ابتسمته ليهم جو جارين يقين قعدت ظهرت ليها قروش ... قالت قروش دي اسوي بيها شنو رحاب بقت تضحك فيها ... وقت رحاب قعدت ظهرت ليها عظام الدجاج ... يقين قالت ليها تضحكي فيني اخير انا هههه عرفوكي شرفانه ظهر ليك ده ....
قلته ليهم يا جماعه فكرو اكيد لو عايزننا ناكل كان اي زول ختو ليو اكل ... بس ده ما حصل انا ختو لي دجاج و انتو قروش و كراع دجاج اكيد عندو علاقه باللغز ... الدجاج اسي بناكلو بخلص بكره يبقى كراع دجاج صح لحدي ما يتحلل حتى لو رميتي ح يفضل كراع دجاج و انتي يا يقين ظهرت ليك قروش كانت في الغد قبل نشتري القروش اللغز ما صعب محتاج نفكر بس ... يقين اخدت خمسه دقايق قالت لي فيوزاتي طقت و راسي لفى وجوعته صراحه .....ح اشيل من الرز ده من دخلته يدها ضربتا كهرباء قامت تصرخ ....