الفصل الاول1
بقلم ريم ابو القاسم
انا واحدة عند امي عمري 19 سنه اسمي اسمهان بقولو لي نونا ابوي عبد القادر وامي حنان عايشين في الولايات وفي الاقاليم كمان يلا زمن كنت في تانيه ثانوي كنت عامله علاقه مع ود خالتي وهم ساكنين جنبنا يلا هي م علاقه عاديه يعني نظام حاجزني وكده وحتى أهلنا عارفين والناس كلهم
هو النوع الشهم شديد وسمح م شاء الله اي بت بتشوفو بعجبها لكن هو والله زول صعب وحازم وعندو واحد +واحد بساوي 2 المهم ابوه متوفي وعندو اخواته اتنين اصغر منو المهم شايل بيتهم وامي عايشه اللهي خالتي بس مسكينه شديد حتى ما بتقدر علي مرات..
هو بحبني لكن م بتونس معاي ولا بتكلم معاي كتير الا بس سلام عليكم وكده عشان بقول حرام فعلا لسه بينا ما في ارابط شرعي و هو محرم علي يلا انا كنت مفتريه شديد لاني حلوه وبحب البس ع كيفي وهو م برضى وبشاكلني بقول لي م تلبسي كده وبتاع
وانا بزعل لكن كنت عارفه بحبني قمت قلت ليهو انت م بتحبني لو بتحبني ونسه م بتتونس معاي بالتلفون قال خلي بالك في قرايتك اي شيء ملحوق وبطلي خفه....
المهم كنا مخططين نعمل العرس بعد تالته طوالي
انا بقيت بعمل علاقات وبتونس مع اولاد غيرو وهو عرف وزعل زعل شديد وجا اتكلم معاي قال لي قبل م تكوني خطيبتي انتي عرضي وبت خالتي والله العظيم لو م خايف عليك مني كان قتلتك وم في زول كان عارف انا ختيت كلامو ده ب استهتار كأنه ناتج عن غيرة وقلت ليهو كويس و مشيت علي كده....
تاني مرة مشيت لاقيت لي ولد من العامله معاهم علاقه ديل يلا هو في الحله كده عشان القريه صغيره لو بكيت ساي خبرك بكون منشور سلمته علي و انا صح بتاعت امور بس جبانه شديد في الحاجات دي قلته لي يلا انا ماشه و طلع في زول مراقب الوضع بعرفو ود خالتي مشى وصل ليهو الكلام......