الفصل الاول1
بقلم ريم ابو القاسم
بيتي فيهو غرفه ومطبخه وعندي 3اطفال وجايه علي ولاده المطبخ حقي عملتوا غرفه للبنات وجهزتها تمام اخدته لي جوز سراير راقي بالقسط و ستاير فخمه يعني ح ادفع دم قلبي وعندي عريشه عملتها مطبخ جانا حماي زياره دخل الغرفه نام فيها والمساء طلع من الصباح الركشه وقفت جاء شايل هدوموا و حاجاتوا دخلم الغرفه طلع لي هدوم بناتي من الدولاب ودخل هدومو جيت سالتوا انته جاي زياره قال لي لالا حااقعد معاكم قلتا ليو ماعندنا ليك مكان والبيت ماشرعي شوف ليك مكان اقعد فيهو ولااشتغل بي كلامي الشغله بجي من الصباح ويطلع الشغل المساء ، خلاص انا زهجته قعدته زوجي قلتا ليهو شوف لينا بيت واسع لانو انا جاياني ولاده والبيت ضيق قال لي ما بأجر واخوي يقعد محل يعجبو قلتا ليو تمام انا ماشه الد مع اهلي وامشي انت المدرسه لمن تفتح جيب لي منها النقليه وبعد الاربعين اجر لينا بيت هناك وانا تاني ماجايه وياريت لوترسل لينا العفش كلوا قال لي جدا قمتا في الليل داك ستفته الشنط وجهزتها قال لي اصبري يومين لحدي مااشوف ليك حق التزاكر قلتا ليو دقيت لي ابوي حجز لي وكلمته بتاع العربيه بجيني الصباح قال لي انتي جاده قلتا ليو اي جاده قال لي قلتي لي ابوك شنو قلته لي حكيت ليو اي حاجه حصلت قام زعل وطلع مشي ...