رواية ميان
الفصل الرابع4
بقلم ريم ابو القاسم
اليوم التاني كانو مع عمتهم بايتين حتى ميان اصلا بعد فطموها و جابتا خالتا بطلب مني حابي اربيها براي الصباح ليلى عمتهم جابتم لي كان يوم جمعه قالت لي شوف يا معاذ انا فترته خلاص من بناتك ديل بزات ميان مراتبي كلهم وسختهم لي و حلا كمان مع انو ما صغيره ، براحه كدي فهميني الحاصل شنو، الحاصل الليله جيت اصحى حلا وميان لقيتهم بايلين لي في المراتب ، طيب يا ستي بناتي يقعدو معاي ما غالبني اربيهم براي 🥰✋️ انتي ما مجبوره تتحمليهم ، ده ما قصدي، بس خلاص ليلى الموضوع بالنسبه لي منتهى ، شوف تعال كدي معاي ، في شنو تاني ، دايراك في موضوع بس ما قدام البنات ديل ميان كانت بتبكي ليلى ادخلي جوه مع اخواتك و شوفي ميان عايزه شنو اسي بجيكم عاينت لي وعاينت لي عمتا و دخلت اها عايزه شنو ، بالنسبه لي بناتك دي كلهم صغار و انت مستحيل تقدر تربيهم براك لي ما اقدر بناتي لحدي اخر نفس لي انا ح اكون متفرغ ليهم 🥰و مستحيل اجيب وحده طيب راحتك بعدين تقول ليلى قالت🙂 وطلعت خلتني شايب فوق الشيب العلي ..
مشيت دخلته ليهم جوه قلته يا ليلي تعالي اعملي لينا الغدا ما سمعتني تاني بقيت انادي ما جات مارقه اطريت اطلع اشوفا بتعمل في شنو لقيتا بتتكلم بالتلفون وبتقول ايوا ما قلتا ليك بعدين ياخ قلته ليها ليلى بتتكلمي مع منو انتي ، قلبت علي مخلوعه وقفلت التلفون ما مع زول عايز حاجه يا بابا ، ايوا عايز تجي تعملي الغدا من قبيل بنادي معقوله ما سامعه ، والله ما سمعته خلاص حاضر و مشت المطبخ قلته الحمد لله يا رب لقيت ميان نايمه جيت قريب ليها بتشبه مروه شبه ما عادي نفس الجمال واللون و الصحه وكل شي حقيقي حتى العيون مسكته ليها يدها و بقيت امشي يدي في شعرا بكل حب عايز امشي أبت تفك يدي قدر ما حاولته أجرها أبت تفكها اطريت فكيتا بي يدي التانيه و بستها تاني ومشيت قعدته مع حنان وحلا براجعو في الدروس حنان قالت بابا حلى معاي المسأله دي ، حاضر تعالي جات قعدت جمبي حليناها سوا و شويه كده ليلى جابت الغدا اكلنا لاحظته ليها اكلت حبه و قامت دخلت الحمام حاسي بيها ما طبيعيه الايام دي ولازم اعرف مالا قلته ليها ليلى تعالي يا بت ده اكل شنو ، ما جعانه بس باكل بعدين، متأكده ما جعانه ، ايوا بس لو جعته باكل ومشت ، حنان قالت لي بابا ،نعم يا عيون البابا ، ليلى اكلت نوتيلا و ما ادتني معاها ، لقت حق النوتيلا وين و من وين جابتا ، ما بعرف قول ليها عايزه نوتيلا عايزه نوتيلا😭😭😭😭 قول ليها يا بابا ، ليلى يا بت ، نعم ، تعالي دقايق، ايوا ناديتني ، ايوا انتي جبتي نوتيلا من وين ، ما عندي نوتيلا، كيف حنان شافتك اكلتيها و ما اديتيها ، لا لا ما عندي صحبتي ادتني ابرى مبلول للعروكه حقت جسم وكده🥰 و حنان مصره انو نوتيلا عشان العلبه ، شايفه يا حنان ظلمتي اختك ساي اعتزري ليها ، اسفه يا ليلى ، ما مشكلة حبيبتي بس انا مستحيل اجيب حاجه و ما اديكم معاي عرفتي 😘 ...
بلسان ليلي ...
لميت الحاجات اثناء ما انا في المطبخ تلفوني ضرب ، الو الف مره قلته ليك ما تضرب لي وانا في البيت ابوي قرب يكشفني...، لا لا دقايق بس اسي طالعه ، تمام باي غسلته العده سريع و لبسته توبي الساعه ديك جوه بحضرو عايزه اطلع الا احس ليك بي شي صغير ماسك لي رجولى🐸💔 عاينته تحت لقيتا ميان قلته ليها يا مشاغبه ماشه وين بقت تقول كلام ما مفهوم شويه كده جات حلا قالت لي ماشه وين لابسه توب، ماشه هنا وجايه ، سوقيني معاك ، ما بقدر يا حلا شيلي ميان و ادخلو جود ، بقول لي بابا ليلى طالعه بااا عايزه تفتح خشما الا قفلتو ليها بي يدي🐸💔💔💔 قلته ليها خلاص ودي ميان سريع وتعالي مشت ودتا وجات بابا وين ، بابا بحضر تمام يعني ما انتبه ليك ، لا لا ارح يلا نمشي، خلاص نمشي ارح سريع و نجي و كويس زاتو جات معاي حلا عشان اتحجج بالدكان والوقت داك كان المغرب قرب ...