رواية ذئاب لا تعرف الحب الفصل الحادي والثلاثون31بقلم نجمه براقه
بدر
لما دخلت عنده لقيته قاعد علي الارض وبيرفع عينه وبيبصلي من غير كلام ف قولت وانا واقف مكاني
: مين قتل شحاده؟؟
مردش ف قولت
_ مش وقت سكوتك ولا وقت لأي خلاف عاوز تعمله ، باين اكده ان في حد تاني غير شحاده وفهيم ليه دخل باللي حصل ل فاطمة ولو مش انت اللي قتلته يبقا هو عشان محدش يعرفه
اتغيرت ملامحه البارده وهو بيقوم ويقولي
: يعني ايه ، عاوز تقول ان مش انتوا اللي قتلتوه
_ واحنا لو قتلناه هندارو ليه ، احنا كنا بندور عليه علشان نقتله اصلا
سكت وكأنه بيفكر في حاجه ف قولت
: شكلك افتكرت حاجه
بصلي وقت بنرفزه
_ افتكر مفتكرش ، انا عايز اطلع من هنا ، وشحاده انا اللي قتلته
: كداب ، مقتلتهوش انت عاوز تروح تقتل التالت ده بس انا مش هخليك ، سيبهالي انا دي
قف قدامي وقال بغضب
_ انا معرفش مين التالت ده ولا شكيت في حد ، وهطلع يعني هطلع
حاول يوسعني ف مسكت فيه ورجعته قدامي وقولت
:انت لو فلت مني مش هتفلت من الغفر اقعد واختك تخف وهسيبك تاخدها
_ ايه قلتهالك انها مش عاوزاك
: يعني حاجه زي اكده ، اقعد يومين وهقولهم يطلعوك
مسك فيه وقال بحده
_ مش هتمشي من غيري، انا طالع يعني طالع
فلت يده وقولت
: له مش هتطلع ، وده اعتبره حساب انك بصيت لاختي مع ان غلطك اقل حساب ليها الجلد
_ يعني اجلدك انا دلوقتي ، او اقتلك مانت خطفت اختي
: انت اللي بدات بالغلط
زقيته وطلعت وقفلت وراي وقولت
_ يومين وهخليهم يطلعوك
_ ماشي يا بدر!!!! ماشي!!!
سبته ورجعت كنت هروح ل وفاء الاول اشوف اذا كانت قلقانه وخايفه من قعدتها لوحدها ولا لا كان وقتها بعد الفجر في بداية دخول النور وانا في طريقي سمعت صوت بينادي عليه بصيت نحيته لقيتها تماضر جايه تشد في رجليها وهلكانه قربت منها بسرعه ف مسكت فيه تسند علي درعاتي وتقولي
: الحمدلله إني لقيتك ، احب علي يدك احميني
قولت باهتمام
_ احميكي من مين ، انتي كنتي فين
: شحاده خاطفني وحبسني في اوضه فوق الجبل
_ ليه حبسك
: علشان مقولش اللي عرفته
_ ايه اللي عرفتيه اتكلمي
: فاطمه اخت جنابك مهربتش هي اتقتلت
كان كلامها عادي متفاجأتش لغيت ما قالت اللي صدمني صدمة عمري
_ ليلي قتلتها وشحاده دفنها وبعدها راح قتل الدكتور
: ايه!!!!! ليلي؟! ليلي مين
_ الخدامه اللي عندكم ، هي اللي طلعت عليها اشاعات في النجع وراحت وراها ضربتها في راسها بحجر قتلتها شحاده اللي قالي اكده
رجع لبالي شكل راس فاطمه المفتوحه ف قولت بانكار وانا مش مستوعب كلامها ومش مصدقه
: اكيد له
_ والله شحاده قالي اكده بلسانه لما لقاني بقرر فهيم وبعدين حبسني يكونوا قدرو يقتلوا ورد لأنها بتدور وراهم وعارفه حاجات عنهم "
وقت مر وانا واقف مكاني مش قادر اصدق والاحداث عماله تدور في راسي لغيت ما افتكرت وقعت شبل وانه كان عارف بقتل فاطمة ف قولت
معقول يكون عرف و واجها ف وقعته ... مفكرتش تاني وقولتلها تيجي وراي
#عبيده
مقدرتش اشيل من راسي ان ورد كانت عارفه بقتل فاطمه وساكته وحاولت اسكت لغيت ما يجي بدر بس مقدرتش ف قومت وروحت عند اوضتها خبطت علي الباب خبطه صغيره ف جاني صوتها بتقول
: مش هفتحلِلك
مفهمتش هي تقصد مين بس اكيد مكنتش تقصدني لأن كلامها كان موجه لواحده ف قولت بصوت واطي
_ انا عبيده مستنيكي في الجنينه
قولت اكده وطلعت وبعد ما وقفت شويه جت و وقفت عندي وقالت
: عاوز ايه جنابك
قولت وانا بفتكر لما شوفتها اول مره لما كانت رايحه عند بيجاد وتاني مره بعد ما هربوا
_ انتي ايه اللي جابك عند بيجاد في اول مره شوفتك فيها يا ورد
_ دي دردشه ولا تحقيق
قولت بنرفزه
_ اعتبريها زي ما تعتبريها!! ، انتي كنتي تعرفي حاجه تخص فاطمه ، بس انا عايز اعرف دلوكتي ، انتي كنتي عارفه انها اتقتلت؟!
: له مكنتش عارفه ، وعشان اريحك هجبهالك من الاخر ، شحاده كان همه يخلص منكم ولما حس بأن فاطمه وبيجاد حابين بعض بعتني ازن عليه علشان يهرب امعاها ، بما اني بضرب الودع واكده
_ اممم وبعدين يابت عمي كملي باين عليكي تعرفي كتير
: هو ده اللي اعرفه بس
_ ايووه
كملت بزعيق مش متاملك اعصابي
_ يعني افهم من اكده انك ساعدتيه وروحتي تقولي ل بيجاد يهرب امعاها ؟! يعني انتي مشتركه امعاهم في قتل فاطمه اهو!!!
: متزعقليش اكده!!!! ، انا مليش دعوه بحاجة ، انا صح قولت ل شحاده أني هروح ، بس انا روحت وبدل ما اعمل اللي طلبه عملت العكس و حذرت بيجاد وقولتله علي نيتهم وخوفته من انه يهرب زي ما هما عاوزين "
كنت لسه شاكك فيها ف قولت وانا مطول بالي للاخر
_ طيب وبعدين عمل ايه شحاده
: معرفش مقاليش اي حاجه بعدها وانا لما شكيت في شحاده ، وشكيت ان فاطمه مهربتش كنت جايه اخدم عندكم علشان اعرف ايه حصلها واتأكد من شكي في شحاده بس اتضربت بمطوه وانت شوفت بنفسك
_ له له استني متلخبطنيش انا متلخبط وحدي!! ، فهميني كيه يعني كنتي جايه عندنا تتأكدي من شكك في شحاده ، تتأكدي من أيه اهنه ، هو شحاده عندنا ولا عندك
: عندي بس كان في حد بينقله الاخبار من اهنه
_ كلام ايه ده؟! بتقولي ايه انتي؟! كيه يعني حد من اهنه بينقله الاخبار؟! ، تقصدي مين
: مش هقولك عشان ده اللي انا كنت محتجالك فيه وانت بنفسك قولتلي اقول ل بدر ، ف انا هقول ل بدر صح
جت تمشي ف مسكت يدها ورجعتها وقولت
_ مش هتمشي غير لما تفهميني في ايه وتقصدي مين؟!
: مش هفهمك حاجه ، انت اللي اخترت
شدت يدها مني ومشت وبعد ما بعدت عيني شوفت دعاء واقفه عند السرايا وقتها مكنش فيه مخ ليها ومكلمتهاش ولا سألت فيها علشان كنت عارف هتقول ايه ، ولكن......
#ورد
لما رجعت لقيت دعاء عند باب السرايا ولما بقرب منها بتمشي وتسيبني وهي زعلانه ف روحت وراها لغيت اوضتها وقولت
: دعاء!
مردتش ف قربت منها وقولت
_ مالك ياخيتي
بصتلي وزعلها مالي عنيها وقالت
: ملقتيش غير جوزي ، طيب اديكي عرفتي انه جوز اختك مبعدتيش عنه ليه!!! بلاش عشاني اكده اكده انتي متعرفنيش علشان تعملي حاجه عشاني ، افتكري طيب انه محرم عليكي ولا الغجر ميعرفوش انه مينفعش الراجل يتجوز اخت مرته طالما عايشه
_ والله ياخيتي انا....
مقدرتش اكمل ف قالت
: معرفاش تقولي إيه ، والمشكله اني مش هقدر اقولك امشي لأنك مهمه عندي ومش هحب انك تمشي ، ليه تكرهيني في رجوعك وتندميني اني اتمنيت انك تكوني عايشه
بكيت وانا بقول
_ حقك عليه ، وانا همشي واريحك مني
جيت امشي ف لحقتني ومسكت يدي وقالت وهي تبكي
: له معوذكيش تمشي بس انا تعبانه بسببكم انتوا التنين ، كيه يعني جوزي واختي ميالين لبعض وميفكروش فيه
_ والله ما كنت اعرف ، ولما جيت حاولت ابعد
: متكدبيش هو كان عندك وقت وقوع شبل ودلوك طلعلك وانتي روحتيلوه وشكلها حصلت كتير من ورا ضهري وانا نايمه علي ودني "
سكت وحتي مسألتهاش عرفت كيه انه كان امعاي وشديت يدي منها وطلعت وانا مش قادره احبس دموعي ف لقيت ليلي في وشي سيبتها ودخلت المطبخ من غير ما اكلمها ف جت وراي تقولي
_ هتيجي نروح لاختك ، انا طالعه دلوك اشتري سمك وهقولهم انك متضايقه وهتروحي امعاي
قالت اكده ف دخلت علينا دعاء ولما لقتها عندي قالت
: عاوزاكي في اوضتي
قالت اكده ومشت وانا رجعت ابص ل ليلي اللي مش مرتحالها وقولت
_ هتوديني ل تماضر؟!
_ ايوه علشان ارتاح من بصاتك وكلامك
: ورد !!! خيتي
قالتها تماضر اللي دخلت علينا فجأه ف جريت عليها وحضنتها وانا فرحتي مش سيعاني وقولت
_ ياحبيبتي ياخيتي جيتي كيه
: هربت وجيت ، شوفتي المنعول شحاده ، حبسني في الجبل
_ جبل؟!!!
رجعت بصيت ل ليلي اللي بقت مش علي بعضها ومتوتره وقولت
: حبسينها في الجبل؟!
اتقدمت ناحية الباب وقالت بتوتر
_ هروح اجيب سمك واجيلك
جت تطلع ف مسكتها وقولت
: رايحة فين
_ بتعملي اية وسعي هروح اجيب السمك
: مريحاش تجيبي حاجة
تماضر شالت يدي عنها وقالت سيبيها وهي
فلتت يدها مني وطلعت وانا قولت لتماضر اللي بتمنعني عنها
: هتهرب يا فقر دي هي اللي وقعت شبل
_ له وانتي الصادقه هي اللي قتلت فاطمه
وسعت عنيه لاخرهم وانا بقول
: قتلت فاطمه!!!
زقيتها عني وقولت
_ وسعي
طلعت اجري علشان الحقها ف لقيتها عند البوابه المقفوله بتقول ل الغفير يطلعها وهو مش راضي
ف روحت عندها وقولت
: رايحه فين مش هتمشي ورضوان وعياله هيعرفو كل حاجه
#دعاء
لما رجعت من المطبخ شوفت بدر وعبيده داخلين بسرعه عند شبل ، شكلهم قلقني ف دخلت وراهم ولقيت بدر بيوقف جمبه من ناحية و عبيده من الناحية التانيه وبيقول بدر
: شبل جاوب علي سؤالاتي
ليلي هي اللي زقتك من فوق
رمش وبصله ودموعه في عنيه
_ كنت عارف ان هي اللي قتلت فاطمه
رمش تاني وفكه ارتجف وانا كنت هتجنن لما شوفت وسمعت اللي بيتقال وزاد جنوني اكتر لما افتكرت ان ورد عندها ف جريت عليهم وانا بنادي علي ورد ولما ملقتهمش في المطبخ طلعت تاني وروحت الجنينة لقيتهم واقفين قبال بعض
و ورد ماسكه فيها وبتقول
: مش هسيبك تمشي
صرخت في وشها وقالت
_ بعدي عني يا ورد!!!!
مسكت تماضر في ورد وشدتها وهي بتقول
_ سيبيها
: انا قولت كل حاجه للكبير وهو قال للغفر ميطلعوعهاش
انصدمت من كلمتها وبقت تشد في نفسها وتزعق وتقول
: بعدي عني لا اموتك
قربت منها وقولت وانا بجيبها من شعرها
_ وحيات امك يابت الخدامه ما حد مموتك غيري بقت تشد في نفسها وتصرخ وانا مكمله شد في شعرها وبعدين خبطتها في الباب الحديد وضربتها بالقلم وانا سمعاها بتصرخ وتقول
: اااه ، بعدي عني.. هقتلك يا دعاء... بقولك هقتلك!!!!
مسكت فيه ورد في الوقت اللي انا سامعه صوت بدر وعبيده ورايا ف قولت وانا بديها القلم التاني
_ الله في سماه ما حد قاتلك غيـ.....
: حاسبي يا دعـ................
#تماضر
كانت دعاء مسكاها وزنقاها بالباب بتشد في شعرها وتضرب وفي وسط الصراخ وبعد طلوع عبيده وبدر من السرايا بثواني طلعت ليلي سكينه كانت حطاها في حزام جيبتها وفي ثواني وقبل ما يكمل عبيده كلمته وهو بيجري مع بدر ناحيتها ويقول
: حاسبي يا دعاء كانت السكينة مغروزه في قلب دعاء وبعدها يديها ارتخو ومنطقتش بكلمه تاني ويدوب قدرت تدير وشها وتبص لعبيده قبل ما يلحقها ويسندها علي درعاته ويقول في الوقت اللي الكل مصدومه مش متحرك
_ دعاء ؟!!
مردتش ف هز جسمها ورجع يكلمها وبردو مفيش رد وعنيها مفتحه وزايغه ف قام وشالها وهو بيزعق بعلو صوته في الغفير علشان يفتح ولما فتح كانت ليلي هتجري لكن الضبع مسكها وعبيده و ورد جريو ب دعاء علي العربيه ومشو وهي بقت تشد في يدها وتزعق وتقول
_ سيبني يابوي هيقتلوني!!! يابوي سيبني احب علي يدك هتقتل
قال ببكاء
: خليكي تتقتلي انا معنديش عيال عليه العوض ومنه العوض
وقفت فتحيه بعيد تبكي ومتحركتش من مكانها ورضوان وشجر اتقدموا نحيتهم محدش فيهم عارف اكتر من انها قتلت دعاء قبل ما بدر يتقدم نحيتها ويقول للغفير يقفل البوابه ويمسك دراعها ويشدها وسط صراخها قدام ابوه ويقول
_ تحكم عليها بأيه يابوي
: الاول عايز اعرف عملت اكده ليه وايه سبب العركه دي!!!
قالت وهي بتبكي وتترجي
_ احب علي رجلك يا كبير ما تقتلونيش انا كنت بدافع عن نفسي هي كانت هتموتني قدامكم كلكم
ضربها بدر كف بعزم ما فيه وقعت علي الارض ف قال وهو بيرفعها تاني
: وفاطمه؟!!! قتلتيها ليه؟!!!! ، عملتلك ايه علشان تقتليها
بحلق رضوان عنيه وهو بيقول
_ قتلت فاطمة؟!!!!! بتقول ايه يا بدر
قالت وهي بتبكي
: مقتلتهاش والله مقتلتهاش!!!
قال بدر
_ قتلتيها!!! ولما شبل واجهك رمتيه من فوق ، وكنتي توصلي اخبارنا ل شحاده واللي امعاه !!!
اتقدم رضوان وقال بجنون
: كمان!!!! يعني هي اللي كانت هتقتل شبل وهي اللي قتلت فاطمه ، طيب كيه!!!
اتقدمت انا وقولت
: وكانت هتقتلك انت كمان بس مقدرتش
بصتلي بغيظ
_ اسكوتي انتي لا اجيلك !!!
بصتلهم وقالت
: كدابه كل ده كدب انا معملتش حاجه دول عاوزينكم تقتلوني ، متصدقهاش يا كبير وربنا ما عملتها
قال بدر وهو بيمسك درعاتها ويهزها
_ كنتي حاطه السكين في وسطك ليه؟!!! كنتي هتقتلي مين تاني .. وشحاده مين اللي قتله مش انتي!!!
هزت راسها وهي بتبكي وقالت
: له انا مقتلتش حد مقتلتش حد صدقوني يا ناس ده كله افتري عليه.. الحقني يا بوي
مردش عليها ابوها وقال بدر بانفعال
_ قتلتي!!! قتلتي فاطمة بعد ما اعتبرتك اختها حتي شبل اللي اتضرب واتهان عشانك ومحبش غيرك كنتي هتقتليه ليه!!! ليه مخترتيش حد فينا علي الاقل كان بقيلك عذرك ، عملولك ايه علشان ترديلهم جميلهم اكده
بقت ساكته وفجأه زقت يديه وقالت بصراخ وكأنها متأكده ان مفيش مفر
: ايوه قتلتهم!!!! وكنت ناويه اقتلكم انتوا كمان بس ملحقتش ، وخدت السكين علشان اقتل ورد علشان كانت عاوزه تفضحني قدامكم ، وايوووه انا اللي رميت شبل من فوق لما كشفني وبعدين خليت شحاده يبعتله واحد يقتله في المستشفي زي ما هقتلكم دلوقتي
قالت اكده وفجأه شدت المسدس من جيب بدر وصوبته عليهم وهي بترجع لورا وتقول
: لو مبعدتوش عني هضربكم كلكم بالنار واريح الناس منكم
قال رضوان في وسط زهول الكل
_ وه يابت الضبع !!! بترفعي علينا المسدس كمان فكرك هتعيشي
قالت
: ايوووه يا رضوان هعيش ، ولو هموت يبقا انت تموت قبلي
قالت اكده وقبل ما تضرب بدر زق يدها والرصاصه جت بعيد ف مسكها وشد منها المسدس وضربها بقفا يده وقعت علي الارض ف اتقدم نحيتها رضوان وهي واقعه وبتبصله بغيظ وقال
_ مع انك صغيرة بس غلبتي الشياطين "
قالت بغيظ وهي بتصك علي اسنانها
: تربيتك انا اتعلمت كل حاجه منك ولو عشيت هقتلكم كلكم وانت اولهم
_ مش هتعيشي
بص ل الضبع وقال
: افتح قفل القفص يا ضبع
بقا واقف مكانه يبكي ف قال رضوان
_ لو مش هتفتح القفص وتدخلها بنفسك هتدخلوا كلكم امعاها
بقت بصاله بغيظ ف رفعها بدر من دراعها وقال
: تستحقيها ، وانا اللي هرميكي بيدي "
قالت وهي بتشد في نفسها
_ ايوه صدقت ما لقيتها ، عاوز تعقدني زيك ولو عيشت اصحي مفزوع زي العيال الصغيره كل يوم ، له يا بدر انا مش هطلع جبانه زيك!!!!!
: وه وه !!! طيب والله طلعت قادره وما في حد زيك ، طيب حد يصدق ان ليلي الطيبه يطلع منها كل ده.. بس لو اكده اذنك يابوي هعمل حاجه
_ خلص يا بدر ارميها لديب خليه ينهشها حيه
: سامحني يابوي بس لازم نشوف القويه هتعمل ايه قبال الديب ، ولو قتلتيه هتكوني حره يا ليلي
قال رضوان
_ بدر!!!!!
: دقيقة يابوي
طلع خزنة المسدس وطلع منها الرصاص مخلاش غير رصاصه ورجع الخزنه تاني في المسدس ورجع يبص ل ليلي
_ تعالي
شدها لعند القفص و وقفها قدامه ماسك دراعها وبيدلها المسدس ويشاور علي القفص ويقول
: مسدس فيه طلقة واحده ... وديب جعان.. وانتي وهو جوه قفص مقفول عليكم لأما تقتليه لأما يسد بيكي جوعه... قتلتيه يبقا كلنا جبنات وملناش عازه ، قتلك وسد بيكي جوعه يبقا وفرتي كيلو اللحمه اللي ممكن ياكله ، افتح القفص يا ضبع!!!!!
خدت المسدس وقالت
_ اديك قولت انك هتسيبني امشي لو قتلته
: ايوووه هتمشي وانا بنفسي هوصلك لغيت المعديه ده لو كنتي عاوزه تسيبني النجع
قال رضوان
: بدر ايه اللي بتقوله ده!!!
قال بدر وعينه عليها
_ استنا يابوي ، ايوه يا ليلي لو قتلتيه هتكوني اشتريتي حياتك
قالت بقوه وعِند عمري ما شوفته علي حد
: ماشي هقتله وهتشوف
_ يا مسهل
بقينا كلنا مستنين وهو واقف قبالها عينه في عينها لغيت ما اتفتح القفص وفجأه زقها جوه ف صرخت وقوام بصت لديب بهلع وخوف ورفعت المسدس وحاولت تضرب بس من لخمتها مشدتش اجزاء المسدس وهجم عليها
#بدر
عمري ما كنت اتخيل اني اعمل حاجه زي دي بس بعمايلها اطرتني ارميها بيدي انتقام لاخواتي وسمعتنا وخيانتها لينا وشيطانتها رغم صغر سنها ، في دقايق اتحول شكل البت الصغيره البريئه اللي ربينها لشيطانه كلها شر .
شكلها وهي بتتكلم وحقدها في الكلام مكنتش هصدقه لو الدنيا كلها حكتلي عنه بس انا شوفت بعيني محدش قالي زي ما شوفت وسمعت صراخها لغيت ما ماتت تحت الديب وهو بيغرز انيابه في جسمها وينهش فيها قدام نظرات الكل حتي ابوها وامها اللي هما الاتنين رجليهم مشالتهمش تاني و وقعوا...
بعد ما بقيت مكاني شويه ابص عليها سيبتها وطلعت علي المستشفي اشوف دعاء حصلها ايه ف لقيت عبيده و ورد واقفين بره وحزنهم ماليهم.......
« اليوم التالي»
وفاء
من وقت ما مشي مرجعش تاني وانا قلقي كل شويه بيزيد ومش عارفه مجاش ليه ، كنت خايفه يكون في حاجه جديده حصلت او ان يكون اتصدم في حد من البيت او ان حد يكون حصله حاجه ، وبعد دوشه وقلق قومت ومشيت من المستشفي وبعدت شويه ف لقيت نفسي تايهه مش عارفه انا فين ولا عارفه طريق السرايا وبعد شويه لف في الشوارع قابلت واحد سألته اروح منين ف وصلني لغيت اول الطريق وانا كملت لوحدي ولما دخلت لقيت الضبع قاعد شبه الميتين منطفي تماماً والحزن ماليه بس مقدرتش اسأله ماله وكملت لجوه ، كان الباب مفتوح ودخلت ف لقيت ستات كتير لابسين اسود خلوا قلبي انقبض وخوفت يكون شبل حصله حاجه ف دخلت جوه وبقيت ادور علي ليلي علشان افهم منها في ايه لكن ملقتهاش ف خرجت من المطبخ روحت اوضتها لقيت امها نايمه وباصه لسقف من غير ولا كلمه قربت منها وقولت وانا مش فاهمه في ايه
: فتحيه.. إيه اللي بيحصل
فضلت باصه لسقف ومردتش عليه ف سيبتها وخرجت عند الستات ولما شجر شافتني قامت وجت عندي تقولي وحزنها ماليها
_ حمدالله علي سلامتك يابتي ، ده انا قولت انك مشيتي
: إيه اللي بيحصل هنا مين مات يا حجه
_ بدر مـ....
اول ما قالت كده وقبل ما تكمل حسيت الدنيا بتلف بيه ف مسكت ايدي وقالت
: يابتي كنت هقولك بدر مقالكش امسكي نفسك
بصتلها وقولت وانا جسمي كله بيترعش
_ حرام عليكي يا حجه
: هو زين وراحلك من شويه
: طيب مين اللي مات
_ دعاء
_ مين؟!!! دعاء ماتت طيب ازاي دي كانت كويسه إيه جرالها
سكتت شويه وبعدين بصتلي وقالت
: ليلي الله لا يرحمها ، قتلتها وطلعت هي اللي قتلت فاطمة ورمت شبل من فوق وكانت هتقتل رضوان ، طلعنا مربين حيه في بيتنا يابتي
ملقتش كلمه اقولها ولا استوعبت اللي بسمعه وحسيت اني بتخنق من المكان ده اتمنيت اهرب بس رجليه مكنتش شيلاني ودموعي بدأت تنزل ف قالت شجر
_ اطلعي فوق ارتاحي يكون جه بدر
هزيت راسي بعد ما صوتي اتخنق مطلعش وطلعت فوق قعدت علي الارض وانا خايفه من المكان ده وبقول ازاي ده يحصل معقول ليلي العيله كل ده يطلع منها الناس دي عايشين ازاي
ضميت رجليه وداريت وشي وبقيت ابكي لغيت ما اتفتح الباب ف بصيت ولقيته بدر باصصلي نظرات مختلطة بين الحزن و اللهفه ف قومت ولما وصلني قولت بصوت متحشرج
_ ازاي ده حصل ...
مردش وحضني وبعدها قال بصوت مخنوق
: مشيتي ليه من غير ما تقولي ، هو انا ناقص
قولت ببكا
_ لو اعرف ان كل ده حصل مكنتش جيت هنا "
خرجت من حضنه وقولت
: مشيني من هنا عاوزه امشي
نزلت دموعه وهو بيقول
_ مش هتستني تخفي
قولت ببكا
: لو قعدت دقيقة تاني انا هتعب اكتر
هز دماغه وقال بصوت مخنوق
_ ماشي هبعت اجبلك اخوكي وامشي
: بسرعه
_ لدرجه دي
: واكتر الحياه هنا تخوف
بعثر نظراته وبعدها غمض عنيه وقال بصوت مخنوق
_ صح تخوف ، مخوفاني انا كمان ، انا محتاجلـ.....
مكملش وقال بعد ما خد نفس
: هروح اجيبلك اخوكي
حسيته محتاج لوجودي جمبه ف قولت
_ استنا
رجع وقال
: إيه
_ سيبه انا هستناه هنا لغيت ما يرجع ومنها يكون خفيت واقدر علي مشوار السفر
: صح؟!
هزيت دماغي وانا مش قادره اوقف بكا وقولت
_ صح
: طيب بتبكي ليه دلوك
_ علشان خايفه بجد حاسه اني ممكن اتقتل في اي لحظه من اي حد
: مش ممكن ده يحصل ، انتي بأمان ، مش هيحصلك حاجه لغيت ما تحبي تمشي "
بقيت بصاله ودموعي بتسيل ف نها المسافه اللي بيني وبين وحط ايده علي وشي وقال وعينه في عيني
_ طول ما انا عايش مش هيحصلك حاجه "
شردة في نظرة عينيه ومردتش ف قال وهو بيتنقل بين عينيه
: نورتي البيت
مسكت ايده ونزلتها وقولت وانا عيني في الأرض
_ متشكره ، بس انا نفسي انام
: اه .. طيب نامي وانا هطلع واسيبك
مشي ناحية الباب ف قولت
_ بدر
رجع بصلي وقال
: ايوه
_ اممم.. خليك قريب ، قصدي يعني بلاش تخرج من البيت ، مش قادره احس بالامان هنا
: وجودي في البيت هيطمنك يعني
هزيت راسي من غير رد ف لمحت ابتسامه علي وشه وقال
_ مش هخرج
قولت بإبتسامة
: شكراً
« اليوم التالي»
#عبيده
مخرجتش من الاوضه من وقتها وبعد يومين لقيت بشر جاي عندي وقف قدامي وقالي
: قال امي مش هتيجي تاني يابوي
مقدرتش ارد وخدته في حضني ف بعد وبصلي وقال
_ جدتي بتقول انها ماتت ومش هترجع تاني
قولت بصوت طلع بجهد
: ادعيلها هي عند ربنا دلوك
سكت شويه وبعدين بصلي وقال
_ يعني هتجوز خالتي علي اكده
: مين قالك انت الكلام ده
_ امي قالت قبل اكده انك مش مستنيها تموت عشان تجوز خالتي