رواية رغم فرق السن الفصل الثالث3والرابع4بقلم حنين عادل
ناهد بعد ما قال جمال أنه هيجوزها لحمزه بيه
ناهد: يلهوي دا قدك هتجوزها واحد قد أبوها
جمال: ما لو كانت صانت نفسها وحفظت شرفها ما كانش يبقي ده الحال منك لله يا جميله
ناهد سكتت لأن كلامه صح وقالتله اللي تشوفه
جميله طلعت من أوضتها: لأ مش هتجوز حمزه بيه أشرف هيجوزني هوا قال كده وعمره ما هيسيبني
جمال: أشرف مين اللي هيتجوزك هوا في واحد بيتجوز واحده بعد ما اخد منها اللي هوا عاوزه وانهال عليها بالضرب
بعد ما هدي شويه
جميله: ابوس ايدك يا بابا اديني الموبايل بس أكلمه وان ماجاش هتجوز حمزه بيه علطول اديني فرصه بس
جمال : ماشي بس أن ماجاش هجوزك حمزه بيه واعطاها التليفون
جميله بترن علي أشرف : رد بقا يا أشرف
أشرف: الوووو
جميله: أشرف وحشتني اوي
أشرف: وانتي كمان وحشاني اوي
جميله حكت ليه كل اللي حصل وإن هيا حامل وأنها لو مجاش هتجوز حمزه بيه
اشرف: اوعي يا جميله انتي حبيبتي وام ابني انا هجيب اهلي وهاجي اطلبك بكره
جميله بفرح : ماشي اوعي ما تجيش حياتي انا والبيبي مرتبطه بيك يا أشرف
اشرف: اطمني انا عمري ما هتخلي عنك
...................طمنت جميله أبوها أن أشرف هيجي هوا وأهله بكرة وهيطلبوها وأبوها حاسس ان الكلام ده مش هيتم بس بيحاول يصدق....
عند أشرف في البيت
ابوه عاصم بيه شخص قاسي مش بيهتم لمشاعر وحب وكلام فاضي علاقته بمراته أولاده فقط زير نساء فاسد بمعني الكلمه
أمه شاهيناز هانم رغم أن هيا ام لكن هيأتها كفتاه في التلاتين من عمرها رقيقه المشاعر بتحب أشرف جدا ويتوافق علي أي طلب وأشرف هو ابنهم الوحيد
راح أشرف وحكي لأمه كل اللي حصل
شاهيناز: بتحبها يا أشرف
أشرف: بموت فيها ساعديني اتجوزها يا اما هتتجوز حد غيري وهتسبني لوحدي وهيا حامل كمان ابني يا أمي
شاهيناز: انا مش عندي مانع عشان عارفه أن الحب مش بيتعوض بس ابوك هيبقي أكبر عائق ..
أشرف: لازم نقنعه انا قلتلهم هجيب اهلي وهروح بكره
شاهيناز: لما يجي من الشغل ونفاتحه في الموضوع وربنا يسهل ربنا ينولك اللي في بالك يا حبيبي
أشرف: يارب يارب يوافق وما يعملش مشاكل بس هوا وافق أو موافقش هتجوزها لو ايه
فضل أشرف قاعد يستني عاصم يرجع من الشغل علي أحر من الجمر...
عند جميله
جميله أبوها حابسها في الأوضه مانع عنها التليفون والتليفزيون وامها تدخلها الأكل وتطلع تقفل عليها أسوأ فتره عاشتها جميله في حياتها ومنعوها من انها تروح المدرسه ..
ناهد بتكلم ابو جميله (جمال) : أن شاء الله الواد هيصدق وهيجي يتجوزها
جمال: قلبي بيقولي أنه مش هيجي اصل الأغنياء دول الفلوس بتمحي الضمير من عندهم الا من رحم ربي حد زي حمزه بيه ده عمري ما شوفت في كرمه ولا في أخلاقه...
الفصل الرابع
جميله قاعده بتفكر يا تري يا أشرف هتيجي ولا ايه
اشرف
عند أشرف في البيت قاعد مستني عاصم بيه أبوه وقلقان من رده فعله خلاص عاصم اجي
اشرف: عاصم بيه ممكن اكلمك
اشرف عمرة ما قال لأبوه يا بابا
عاصم: انا تعبان النهارده يا أشرف
اشرف: خمس دقائق بس معلش
عاصم: ماشي يلا عشان عايز انام
أشرف : انا بحب واحده وعايزه اتجوزها ونروح نطلب أيدها بكرة ضروري
عاصم: بسرعه كده
اشرف: أيوة
عاصم: طب مش تقولي مين وعيلتها مين مستواها اي عشان اعرف هتقدر تشيل اسم عيلتنا ولا لأ
اشرف: مش مهم عندي عيلتها المهم اني بحبها
عاصم: ايوه تبقي فقيره كحيانه ويا تري أبوها شغال ايه عربجي ولا سواق ولا نجار ولا ايه اهو ده النسب اللي يشرف
اشرف: يعني أي مش هتيجي معايا
عاصم: انسي الهبل ده كله وشوفلك بنت ناس تشرفك
اشرف بغضب : بس دي حامل مني
عاصم: كمان رايح تتجوز واحده غلطت معاها يا مغفل وانت متأكد أن دي ابنك ما اللي يخليها تعمل معاك كده تعمل مع غيرك
اشرف بغضب: عاصم بيه شوف نفسك بتقول ايه دي مراتي بس عرفي وانا عايز اشهر الجواز عشان العقد اتقطع
عاصم ببرود: كمان مراتك لأ خلاص طالما العقد اتقطع ما عدش فيه جواز اهدي بقي وشوفلك واحده شريفه صانت نفسها ليك وحافظت عليها
اشرف بزهق: مش هتيجي معايا انا هاروح ومن امتي كان ليك في حياتي دور يا عاصم بيه كنت عمرك جنبي وفي ظهري عشان تيجي النهارده.......؟
عند جميله
جمال قاعد بيستناه وبيقول :يارب يكون ظني غلط و يجي عشان الموضوع يتلم بقا
ناهد: أن شاء الله هيجي ونخلص من الكابوس ده بقي
جمال : يارب
جميله مقفول عليها في اوضتها محرومه من التلفزيون والتليفون ومن كلمه كويسه من ملذات الحياه
جميله: يلا يا أشرف اثبت لهم اني حبيت الشخص الصح اني اخترت صح خلي ابننا رمز حبنا يتربي ما بينا ويعيش....
اتفق أشرف مع أمه أنهم يروحوا لجميله وعاصم طبعا مش موافق وركبوا العربيه وخدوا بوكيه ورد ورايحين ...........
جمال دخل لجميله : الوقت أتأخر والزفت ده ما جاء
جميله بتبكي وساكته
جمال: احنا علي اتفاقنا بقي هتتجوزي حمزه بيه
جميله ببكاء: اللي تشوفه يا بابا
خرج جمال من اوضه جميله وساب جميله بتعيط بحرقه
جميله لنفسها: كده يا أشرف كده يهون عليك كل الحب اللي انا حبيتهولك كل اللحظات الحلوة اللي بينا طب أن كل ده هان عليك هان عليك برده ابننا هان عليك ربنا يسامحك يا أشرف ربنا يسامحك يا رب ما انا مش هقدر ادعي عليك
جمال بيمسك تليفونه وبيكلم حمزه بيه
جمال: الووو
حمزه : ايوه اذيك يا جمال
جمال: الحمد لله يا حمزه بيه انت كنت طلبت مني ايد جميله بنتي
حمزة: ااه يارب تكون وافقت
جمال: ااه بس تيجي تتقدملها
حمزه بفرح: بس كده دا انا اقدملها حياتي علي طبق دهب
جمال: ربنا يقدم اللي فيه الخير
وانتهت المكالمه علي كده
جمال دخل لجميله: انتي لازم تنزلي اللي في بطنك ده
جميله: ايه حرام نقتل روح
جمال : ومش حرام اللي عملتيه ده كلام منتهى هينزل يعني هينزل
جميله: مش هنزله لو علي جثتي يا بابا عايز تموتني موتني بس مش هموت ابني
جمال ضربها جامد وخرج وسابها مغمي عليه من كتر الضرب
عند حمزه
نعرفكم الأول عن حمزه
حمزه ابو العز
45 سنه هيئته شاب ثلاثيني مهتم بصحته جدا وسيم ورياضي أسمر بشعر ناعم ما تجوزش انشغل بعمله ومالقاش البنت اللي تملي قلبه قبل عينه بس من يوم
لما شاف جميله قلبه دق ليها وحبها من اول نظره
حمزه مبسوط جدا أن حلمه هيتحقق في أنه هيتجوزها وحتي أن كان في فرق في العمر بس هيخليها تحبه وتعشقه زي ما بيحبها ويعشقها..
حمزه بيفتكر اول لما شافها في يوم ............؟..