رواية ذئاب لا تعرف الحب الفصل الثامن والعشرون28بقلم نجمه براقه
بدر
كنت نازل اطمن علي شبل قبل ما انام وقبل ما ادخل سمعت كلام ورد ف دخلت وانا حالف ما هسيبها غير لما تقول في ايه ومين دول اللي خاطفين اختها وايه دخلهم بمحاولة قتل شبل ولما دخلت وكلمتها اتوترت ومردتش ف قربت وقولت بحده
: سامعك احكي
بصت ل شبل ف مسكت وشها ورجعتها ليه وقولت
' سااامعك ، احكي!!!
بقت واقفه قدامي خايفه وبتترعش ف قولت
: يلا ساكته ليه ، مين دول اللي خاطفين اختك وايه دخلهم ب شبل ، قووولي!!!!
قالت بخوف
_ معرفش حاجه
جت تمشي ف مسكت دراعها ورجعتها قدامي ف قالت بلجلجه
: ايه ده!!! بقولك معرفش ، مشيني من اهنه
_ مانتي هتقولي يعني هتقولي
: اقول ايه!!! معنديش حاجه اقولها
_ عندك كتير تقوليه ، مين اللي عاوز يقتل شبل وليه وانتي تعرفيهم منين
قالت بخوف وربكه شديدة
: قولتلك معنديش حاجه اقولها ، معنديش احلفلك بأيه
_ طيب نشوف رأي الديب
مسكت يدها وشديتها ف قالت وهي بتبكي
: خلاص هقول بس بلاش الديب ، هقول
رجعت بصتلها وقولت
_ قولي
بقت واقفه تفرك في يديها قبل ما تقول بخوف
: طـ.. طيب انا عندي شرط الاول
_ انتي هتتشرطي عليه كمان
: ايوه لأما اكده لاما خلاص
_ اممم طيب ايه شرطك
: ارجع اختي الاول واطمن عليها وبعدين اقول
_ ترجع من فين!!! ومين خاطفها
: مش هقول ، انت تفسحولي الطريق انا الاقيها بنفسي وبعدين هجيلك واقولك
_ ماشي فلنتفرض اني وافقت ، ف متنسيش انك انتي كمان حد عاوز يقتلك ده انتي جرحك لسه مطابش
: ايوه بس هقدر اجيبها
_ له... قوليلي هي راحت فين او حاجه تساعديني بيها وانا اللي هجبهالك
: قالت رايحه السوق ومرجعتش
_ امال عرفتي كيه انها مخطوفه وخايفه عليها
: حسيت
_ حسيتي؟!!
: ايوه وريح نفسك وخليهم يطلعوني وانا لما اجيبها هقول علي كل حاجه ده اللي عندي
_ له مش هتطلعي قبل ما اعرف كل حاجه واختك انا هعرف كيه اجيبها بمعرفتي
: مش هتعرف .. ونبي قولهم يسيبوني وانا هعرف اجيبها
_ له ممشياش من اهنه قبل ما اعرف في ايه ، واختك انا هعرف اجيبهالك
قولت اكده وطلعت من البيت وانا بتصل ب جلال عشان يقابلني عند المندره وفعلا قابلني اهناك ف قولت بعد ما سألته عن صحته
: عاوزك تجمع كل الغفر وتقلبوا النجع كله عن بت غجريه اسمها تماضر بت متولي
_ ايوه انا اعرفها البت دي بس مالها يا كبير
: عاوزها الليله
_ حاضر يا كبير هعرف هي فين واجبهالك
: بس حاول تداري شوية لأن هي مخطوفه ومش عاوزين اللي خاطفها ياخد حذره ودسيها تاني
_ مخطوفه؟!
: ايه مش هتعرف
_ والله هحاول يا كبير ، بس مش نعرفوا مين خاطفها او اي حاجه نمشي وراها
: ما انا معرفش بس انت اقلب النجع كله وخيم الغجر خيمه خيمه
_ مش عارف كيه بس حاضر انا هعمل اللي هقدر عليه
: تعيش يا جلال يلا دلوك والناس نايمه مش عايز حد ياخد باله قبل ما تطب عليهم
_ حاضر يا كبير
سابني ومشي وانا بقيت افكر لو ينفع اتصل بالواد اللي اسمه فارس دلوك ولا له وبعد تفكير اتصلت ف جاني رده فايق وهو بيقول
: الو ، مين معايا
_ انا بدر العربي اللي انت لحقت اخوه في النجع
: ايوه افتكرت ازي حضرتك
_ زين الحمدلله ، بقولك!
: اتفضل
_ عاوز اعرف منك حصل ايه يومها ، وعاوز اعرف الواد اللي حاول يقتله شكله إيه
: اللي حصل اني كنت رايح المستشفي وشوفته وهو بيداري وشه ويتسحب لجوه ولحقته دي كل الحكايه
_ طيب مشوفتهوش جاي منين
: اه كان جاي من منطقة الغجـ...
قال كده وسكت قبل ما يكمل كلمته بعد ما واحد جمبه كلمه وكأنه بيمنعه ف قولت
_ منطقة الغجر؟! ... الوو
بقيت سامع وشوشه جمبه قبل ما يرد ويقول
: لا اقصد كان جاي من نحيتها لكن مشفتهوش جاي منين بالظبط
رجع يتوشوش مع اللي جمبه ف قولت
_ انت بتكلم مين ، ليه اللي جمبك معوذكش تقول ، انت مين؟!
: مفيش حاجه ، ده اخويا بيكلمني
_ اخوك؟!!... طيب ادهوني
: ايه؟! ادهولك؟! لا مـ....
قال اكده ف جاني صوت واحد تاني بيقول
_ اممم
: انت مين
_ انا اللي بتدور عليه
صوته كان زي الصاعقه اللي نزلت عليه ف قولت
: بيجاد؟!!!
_ ايوه بيجاد
: انت فين!!!! و فاطمة فين؟!!
_ فاطمة مسابتش النجع
: انت بتقول ايه؟!! كيه يعني مسابتش النجع وهي هربت امعاك؟! ... الوووو
قفل في وشي ورجعت اتصل تاني لقيت تليفونه مقفول كنت هتجن ومش عارف في ايه ولما جيت اطلع من المندره واحد قابلني بعصايه في وشي وقبل ما اخد بالي لحقني بالتانيه والتالته واخرها ضربه علي راسي وبعدها محستش بنفسي تاني
#ليلي
كانت فكراني ممكن يجيني نوم وخدت راحتها وهي بتحكي لبدر بس علي مين انا سمعتها وجريت كلمت شحاده وقولتله انه هيدور علي تماضر ف قالي
_ يعني عرف الحكاية؟!!!
: لا هي مقالتش اكتر من ان اختها غابت وهو فهم انها مخطوفه لكن معرفش مين خطفها ، بدر لازم يموت قبل ما يعرف حاجه يا شحاده ، دي فرصتك عاد
: صح ، طب هو راح فين
_ معرفش بس لو هيجمع الغفر ف هيكون في المندره ، الحقه قبل ما يروحلوه
: طيب اقفلي
قفلت امعاه وروحت علي اوضة ورد وانا ناويه اخلص عليه واخنقها بيدي بس كانت قافله الباب من جوه ، خايفه مني ، ف سيبتها ومرضتش اعمل صوت ورجعت الأوضة ومحاولتش ادخل عند شبل عشان الممرضه عنده وبعد وقت اتصل بيه شحاده وقال
: الغبي مقدرش يخلص عليه وكان هيتمسك كمان
_ نهار اغبر!!!! وعرفوه
: لا بيقول هرب قبل ما يمسكوه وهو كان مداري وشه بس لحق يضربه كام ضربه فتحله راسه
انتفست براحه وقولت
_ خلعتني يخربيتك ، طيب زين حلوين اهم يلهو عن تماضر شويه
: انا شايف اننا بنعك و نهايتنا شكلها قربت ، بقولك ايه ما تولعي في البيت بلي فيه احسن
_ وده كيه يا فالح ، اسكت متشغلش راسك تاني بلا هم اقفل!
#وفاء
مجش الليلة دي يبات عندي ف قولت يمكن مش هيجي تاني بعد اللي حصل امبارح وجه تاني يوم وطلعت وبقيت ادور عليه بعنيه لأني كنت عاوزة اشوفه و حسيت انه واحشني ولكن مشفتهوش خالص وبعد ما فطرت مع ليلي في المطبخ عملت شاي ف خدت الشاي بتاعي وطلعت في الجنينة علي أمل اني الاقيه هناك بعد ما عجزت عن اني أسال عنه ف يقولو بتسأل ليه وبعد وقت وانا مستنياه شوفته داخل راسه مربوطة وهدومه مليانه دم وساند علي كتف جلال وبالعافيه قادر يمشي وحسيت قلبي خرج من مكانه حرفياً اعصابي سابت وكباية الشاي وقعت مني ف جريت عليه من غير ادراك للي انا بعمله وقفت قدامه ابص لشكله واقول بلهفه
: بدر! مين عمل فيك كده؟!
كان دايخ قوي ومردش ف قال جلال
: بسيطه فسحيلي الطريق بس خلينا ندخله
بعدت ف دخلة جوه وقعده في الصاله ولما امه شافته جت تجري وتقعد جمبه تسأله بقلق شديد
_ مالك يا ولدي مين عمل فيك اكده
نطقها بصعوبه
: مفيش يامه انا زين "
طلع عبيده ولما شافه جه يجري نحيته ويقول
: بدر ايه حصلك ، مين عمل فيك اكده
قال بتعب
: ترسيكل فات فيه... عاوز اطلع فوق
بص ل عبيده وقال
_ تعاله وصلني
#عبيده
طلعت امعاه فوق واهناك اترما علي السرير ف قولت وانا مستتقلها ومش قادر انطقها بسهوله
: تعبان قوي؟!
_ له بقيت زين اسمعني! ، عاوز اقولك حاجه بس قبل ما اقول ، عاوز اللي هقولهولك ميخرجش لأي بني آدم حتي مرتك ، انا زي مانت شايف مش هقدر اتحرك دلوك عشان اكده هقولك
: ايوه قول
_ بيجاد كلمني
: مين؟!!! بيجاد بنفسه كلمك
_ ايوه ، الواد اللي لحق شبل كان من طرفه
: كيه ده ، وهو فين
_ معرفش انا عرفت بصدفه لما اتصلت ب الواد ده أسأله عن اللي حاول يقتل شبل
: طيب وقالك إيه
_ قالي ان فاطمه مسابتش النجع
: كيه يعني مسابتش النجع؟!!! ، هو فاكرنا عيال هنصدق ، انا هروح اجيبه في شوال "
جيت اقوم ف قال
_ اصبر انت معرفش مكانه ، انا عاوزك تاخد الرقم بتاع فارس ده وتشوفه بأسم مين وتتصرف وتوصله ، تاخد جلال واتنين من الغفر وتجيبوه لغيت اهنه اذا كان هو او بيجاد وفاطمه لو كانت امعاه
: طيب فين الرقم ادهوني
_ اهو
اداني التلفون خدت من الرقم وبعدين رجع يحرج عليه ويقول
: محدش يعرف يا عبيده
_ اكيد مش هقول لأي حد ، و انا هروح واجيبهم ميتين هما التلاته
: له له اوعي ، لو لقيتهم هاتهم من غير دم ، وحتي لو ملقتش فاطمه معوذش حاجه تحصل لتنين ، باين اكده في حاجات كتيره قوي منعرفهاش لسه
_ ايوه بس بردك فاطمه امعاه
: هنعمل حسابنا لكل الاحتمالات
_ تمام
#ورد
من وقت ما دخلت الاوضه بعد ما سابني بدر امبارح لغيت الصبح وانا قافله علي نفسي بالمشكال وحتي لما جت وحاولت تفتح الباب مرديتش عليها وبقيت بدعي ربنا انها متكونش سمعت ف تروح تقتل تماضر.
وتاني يوم طلعت وشوفت بدر رابط راسه والدم مغرق جلبيته وبعد ما طلع والمكان فضي لقيتها جمبي بتقولي
: كان هيموت يا حبة عيني
بصتلها وقولت
_ انتوا اللي عملتوا فيه اكده؟!!
: ايوه وهجيلك من الاخر عشان تعرفي ، الكبير كان هيموت ، ودي خبطه صغيره متجيش حاجه في اللي هعملوا فيكي انتي واختك لو قولتي حرف واحد
_ انا مقولتش حاجه
: قولتي بس هسامحك في دي لكن مش هسامحك كتير
مردتش ف قالت
: ومتبقيش تقفلي علي نفسك تاني لو عاوزتك هعرف ادخلك من تحت عقب الباب"
#وفاء
بقيت تحت مُحرجه اطلع عنده بعد اللي حصل امبارح وفي نفس الوقت كنت عاوزه اطمن عليه بعد ما شوفت امه طلعت دقيقه ونزلت تاني ومحدش جمبه دلوقتي وعدا الوقت وانا مش لاقيه حجه اطلع بيها وفي الاخر قولت المفروض ان دي اوضتي وحاجتي كلها هناك هلاقي ايه حجه اكتر من كده ف طلعت وخبطت علي الباب مردش ف فتحت لقيته متمدد بس صاحي ف قولت بربكه
_ انا كنت جايه اخـ....
: بتقدمي تفسيرات ليه ادخلي دي اوضتك "
_ متشكره
دخلت وقربت منه وقولت بتردد
: عامل ايه دلوقتي
قال من غير ما يبصلي
_ زين
_ طيب مغيرتش هدومك ليه
: لما افوق
_ اه ، طيب تحب اجيبلك تاكل ، اكيد جعان
: لا لما تيجي امي هقولها
_ انا هجبلك
سيبته من غير ما اسمع رده ونزلت جهزت الاكل وطلعت تاني حطيتهم علي الكوميدينو وقولت وانا مش قادره احط عيني في عينه
: اتفضل
_ شكرا بس مكنتيش جبتي
: انا معملتش حاجه ، قوم علشان تاكل"
بقا ساكت شويه وبعدين قالت بتنهيده
: طيب شكرا بس متكررهاش تاني
_ طيب
اتعدل في قعدته وبعد وقت وهو ساكت ومش بيعمل حاجه مد ايده للأكل وقبل ما يلمسه وقف وبص لأيده اللي مليانه دم ف قولت
: لحظه هجبلك تغسل
_ له له ، خليكي انا هروح اغسل
مردتش بكلمه وبعد خطوتين علشان يعدي وهو قام وداخ وبسرعة سند بأيده علي السرير ف اتقدمت نحيته ومسكت دراعه ف وقف دقيقه يبصلي وعينيه جت في عنيه ف قولت وانا ببص بعيد باحراج
: هساعدك
حطيت ايده علي كتفي ف قال
_ له انا هقدر شكرا
: معلش انت خسرت دم كتير وهتفضل دايخ شويه ، يلا
نزل يده وقال
_ هسند علي الحيط شكرا
وقفت قدامه وانا لسه ماسكه فيه وقولت
: طيب خلي بالك
_ اها
سابني ومشي خطوه ف حسيته هيوقع وبسرعة سندته وبقيت قدامه ماسكه فيه وببصله واقول
: قولتلك هتفضل دايخ ، يلا هساعدك
قولت كده ف لقيته بيبصلي من غير كلام ف قولت
_ يلا علشان ترجع ترتاح
: اها
مشي معايا لغيت الحمام وهناك وقف عند الحوض غسل ايده ورجع يبص لهدومه ف بصلي وقال
: عاوز اغير
_ افندم!!!! تغير ازاي
اتنهد بزهق وقال
: بقولك علشان تطلعي ، اكيد مش هقولك تغيريلي
_ اه افتكر ، طيب وهدومك
شاورلي علي اللبس اللي كان لابسه بالليل وقال
: هلبس ده دلوك يكون فوقت
_ اه طيب خلي بالك لا توقع
: ماشي
سيبته وطلعت واستنيته في الاوضه لوقت طويل وطول الوقت ده كنت متردده ومحرجه اخبط واشوفه اذا كان كويس ولا لأ وبعد وقت الباب اتفتح وطلع وهو بيسند علي الحيط ف روحت عنده ومسكت ايده ورجعته لغيت السرير وقعد شويه يبص للأكل ف قولت
_ كل
: لا مش عايز شكرا
_ لا ازاي ، انت لازم تاكول عشان الدم اللي خسرته
: قلبي واجعني وانتي جايبه لحمه ، مفيش جبنه ؟!
_ جبنه وانت خسران دم ميعوضهوش غير خروف ، كل
: مقدرش
_ مانت لازم تاكول عشان صحتك، يلا كل
بقا باصص للاكل وقرفان ف قولت وانا بمسك حتت لحمه واقدمها ليه
: اتفضل ، كل دي حلوة قوي
بصلها بقرف ومردش ف قولت
_ ها
بصلي وقال
: حاسسها تقيله ، ما تجيبي جبنه اخف انا واخد بنج ومش هستحمل
قربتهالوه واشرتله بعنيه ف رجع يبصلها شويه قبل ما ياخدها مني ويقطم منها حته صغير ويسيبها تاني ف قولت
: طيب بلاش لحمه اشرب شربه
_ له له اكفايه
مسكت المعلقه وغرفتله وقولت وانا بقدمله
: لا ايه انت لازم تاكول
_ مقدرش!!! نفسي محملاش
: شويه صغيرين ، ها يلا اشرب
بقا باصص للمعلقه شويه وبعدين رجع يبصلي ويقولي
_ طيب دي بس
: عشر ملاعق بس ، يلا اشرب
قربتها من بوقه ف شربهم ورجع يبصلي بقرف ف جبتله معلقه تانيه وشربها ورجع يبص بقرف لغيت سبع معالق وبعدين قالي كفايه مش هقدر
_ خلاص شويه وكل تاني
: طيب ، انا عاوزه انام
_ ماشي يلا نام
اتمدد علي السرير وغمض جفونه وقال
: حاسس الدنيا بتلف بيه ودماغي تقيله
_ ده من البنج
: وميته هيروح مفعوله انا مش طايق ريحته
_ نام واصحي هتلاقيه راح
قال بدوخه
: طيب
قال كده ونام وانا بقيت بصاله وابتسامتي علي وشي وبقول انه هيصحا مش فاكر حاجه مستحيل يكون كان مركز
#بدر
في الوقت اللي بقيت فيه وحدي كنت مستني حد يجي يقعد جمبي وجت امي سألت عامل اية ولما قولتلها دايخ قالتلي انام وريح راسك علشان تخف ومشت ، مشت علشان ارتاح مش قصدها تسيبني ويمكن دي عادتها اللي انا عودتها عليها وهي شيفاني مبشكيش ولا بقول انا محتاج ايه مع اني اوقات كتير ببقا زيي زي العيل الصغير محتاج اهتمام ، وحب ، حضن ، خوف عليه ، ولكن مش قادر الوم حد لأن انا اللي نافر من الكل ، بس لما جت دي وانا رفضت اكتر من مره انها تساعدني هي مسكتتش وساعدتني ، رفضت اكل وبردو مسكتتش ، ده غير حاجات تانيه حصلت من وقت ما جات ، هي بتعمل حاجات بتعلقني بيها غصب وبتشدني ليها اكتر واكتر ، وانا باكل من يدها نسيت اني كبير ونسيت كل حاجه وبقيت امعاها علي طبيعتي من غير تعقيد ولا نفور كأني لقيت ملجأي عندها ومخدتش بالي غير لما نمت وصحيت ولقيتها قاعده علي الكنبه في يدها الكتاب ولما لقتني صحيت قامت وجت عندي تقولي
: عامل ايه دلوقتي
قولت بجديه
: زين
_ اه ، طيب تحب اجبلك تاكل
: شكرا مش جعان
_ بس انت مكلتش حاجه
: قولتلك مش جعان خليكي في حالك "
نزلت عنيها وقالت بحرج
_ طيب
رجعت مكانها تقرا من غير ما ترفع عينها عن الكتاب وانا حاولت مبصلهاش بس مقدرتش وعيني كانت بتجري عليها وبعد شويه وانا باصصلها وناسي كل حاجه افتكرت ضحكها عليه وهروبها ف رجعت بصيت قدامي وقولت
: متصدقش اهتمامها هي يوم ولا اتنين وهتمشي وكل واحد يروح لحاله
« بعد ساعات»
#عبيده
وصلت المكان اللي حددهولي في شركة الاتصالات بعد الحاح شديد مني ودفع مبلغ قد اكده واهناك بقيت اسأل عن بيت فارس يعقوب لغيت ما دلوني عليه وروحت وانا في يدي المسدس و وقفت عند البيت وقولت للغفر كل واحد فيهم يوقف في جانب علشان ميقدروش يهربوا وروحت انا ومعايا جلال وخبطت علي الباب ف فتحتلنا بت وقولت وانا بدخل من غير استأذان
: فين فارس؟!!
جت ورانا وقالت
_ انتوا مين وازاي تدخلوا كده
: بقولك فين فارس ، انطقي قبل ما اهد عليكم البيت
جه راجل كبير واعمي يقول
_ في ايه يا حنان
: معرفش يا بابا واحد جاي يتهجم علينا وبيسأل عن فارس اخويا
بصيت لابوها وقولت
_ احنا جايين عاوزين فارس وبيجاد وفاطمه ياحج هما فين
_ فاطمه مين مفيش حد اسمه فاطمه جه هنا
: انت بتداري ليه ، اكيد جت اهنه مع بيجاد
_ يابني والله مافي حد اسمه فاطمه جه هنا وانا هكدب ليه
: طيب وبيجاد وفارس فين
: انتوا مين وعاوزين منهم ايه
_ رد ياحج راحوا فين
: قالوا راحوا لدكتور
_ دكتور ايه
كان هيتكلم ف وقفت بنته جمبه وقالت
: متقولش يا بابا شكلهم هما اللي حاولوا يقتلو بيجاد قبل كده ، احنا منعرفش فينهم اطلعوا برا
_ يقتلوه؟! مين ده اللي يقتلوه
: منعرفش واتفضل امشي ، هنا شباب القريه ممكن يقطعوكم بسنانهم
_ اسكوتي انتي
وقفت قصادي وقالت
_ مش ساكته ولا خايفة منك لا انت ولا مسدسك
: بس يابنتي اسكوتي.. في ايه يابني انتوا مين ومالكم بيه ده راجل غلبان عاوزين تقتلوه ليه
_ ياحج هو فين
قالته بته
: منعرفش ولو نعرف مش هنقول ، اطلعوا بره
' طيب اسمعي يابت انتي قولي لاخوكي لو خايف عليكم يسلمنا بيجاد ، المره دي تحذير بعدين قتل "
قولت اكده ورجعت علي طول علي النجع وطلعت ل بدر اوضته وحكتله اللي حصل ف قال
: كيه يقتلوه وهو في حد حاول يقتله
_ البت لسانها مترين مفهمتنيش وابوها راجل اعمي مقدرتش اضغط عليهم
: هو في ايه بالظبط ، طيب وفاطمه ، متاكد انهم مش بيكدبوا لما قالوا مش اهناك
_ مش عارف ده اللي اتقالي
_ طيب وبعدين ما احنا لازم نوصله
قال اكده ف جاله اتصال من رقم فارس وقوام رد عليه ف طلبت منه يعلي السماعه وعلاها وقال
: الو!!! انت فين
جاني صوت بيجاد وهو بيقول
_ بطل تدور عليه ، انا هجيلك لغيت عندك بعد ما اصفي حسابي
: حساب ايه وفاطمه فين؟!!!
_ بعد ما اصفي حسابي هقولك ، وانا في النجع دلوقتي علي فكره
خطفت منه التلفون وقولت
: فين اختي ياد ، وديني لا اتويك انت وهي علي عملتكم
_ قولت لاخوك فاطمة مسابتش النجع ، هي مهربتش معايا
خد بدر مني التلفون وقال
: يعني كيه مهربتش ، امال راحت فين
_ هتعرف لما اخلص
: تخلص ايه!!! يكون بعلمك اختك امعاي في بيتي لو مرجعتش ورجعت فاطمة هقتلها
_ وفاء؟!!! وفاء عندك
: ايوه عندي
_ بدر! انا دلوقتي هصفي حسابي مع اللي ازوني انا واختك متخليش بيني وبينك حساب ، اختي ترجع
: مش قبل ما اعرف اختي فين وحساب ايه اللي هتصفوه
_ ماشي انا هقولك اختك فين