رواية الزهرة المفترسة
الفصل السابع والثامن والاربعون
بقلم ديدي
لين بغضب: لومشيت ياسامي من غير ماتقتلني..
انا مش عايزة اشوف وشك تاني.. وهدمرك وانت عارف كدة..
سامي وهو يرحل بحزن: سامحيني يالين..
لين بغضب: هقتلك ياسامي ده القاطع بيني وبينك..
هشام وهو ممسك بلين: خلاص بقي شوفي نور علشان ندفنها..
لين بعنف وعصبية شديدة: تدفن مين ده انا ادفنكم كلكم قبلها..
يلا يانور قومي قومي علشان خاطري والنبي.. لتمسك بيدها
وتبكي بشدة.. انا مقدرش اعيش من غيرها ياهشام ..
هشام بجدية: ايه يالين هتضعفي الوقتي
مش لما تنتقمي من اللي قتلوها الاول
ولا هتسبيهم يتمتعوا بحياتهم بعد ماموتوها..
ليمسكها وبحزم.. هتعملي ايه..
لين بدموع: ورحمه نور لاموتهم كلهم..
لتقبل نور.. ويحتضنها هشام.. لتبتعد عنه بعنف..
لين بغضب: عايزة اروح ..وتركته ورحلت..
>>>>>>>>>>>>>>>>>>>>>>>>>
بعد ان انهي هشام اجراءات التصريح والدفنة الخاصة
بنور.. وكانت الجنازة ستشيع ذهب الي لين ليخبرها بالقدوم..
هشام بأسي: يلا يالين تعالي..
لين بحزن وشرود: لأ مش جاية..
هشام بدهشة: ازاي يعني يلا يالين..
لين بحزن: مش هروح.. لأني لو جيت ..ده معناه ان نور
راحت..ومش هترجع تاني.. ومعتقدش اني هقدر اتحمل ده..
هشام: كلنا معاكي يالين.. العيلة كلها حواليكي..
لين بغضب وحدة: وانا مش عايزة العيلة ديه انا عايزة نور وبس..
وببكاء .. نور كانت موجودة في حياتي علي طول..
انا دايما كنت متعودة ان عندي اخت صغيرة.. كانت بتهتم بيا
اكتر مابهتم بيها.. ومش هعرف اعيش من غيرها..
روح ياهشام من هنا انا مش هاجي.. لان نور بالنسبالي مامتتش..
نور بالنسبالي مسافرة وأنا هسافرلها بعدين.. وبعصبية يلا روح..
ليتركها ويهبط الي الاسفل..
كاظم بحزن: امال لين فين..
هشام: مرضيتش تيجي..
كاظم بدهشة: ازاي..وليه..
هشام بأسي: مش مستوعبة ان نور خلاص راحت..
خليها ده احسنلها.. لو راحت هتنهار ياجدي..
كاظم بحزن: طيب.. هنسيبها لوحدها..
هشام: متقلقش مش هتعمل حاجة الوقتي هي
في حالة صدمة ومش فايقة.. احنا هنروح ونرجع بسرعة..
كاظم: طيب..يلا بينا..
ليذهب هشام وكاظم الي الجنازة..وبعد الانتهاء منها يعودوا
ويذهب كاظم الي غرفة لين ليجدها تجلس امام المرآة تمشط شعرها..
لين بهدوء: خلصتوا..
كاظم بحزن: ايوة..
لين بنبرة خافتة: طيب..
كاظم وهو يقترب من لين ويربت عليها بحزن:
لين طلعي اللي جواكي بلاش تكتمي هتنهاري..
لين بخفوت وابتسامة حزينة: انا كويسة انتوا ليه
مش مصدقين..بعدين نور مسافرة..يلا ياجدي انا عايزة انام..
وتركته وذهبت الي فراشها وتدثرت ونامت ليخرج كاظم من الغرفة ويتركها..
لتغمض عيناها بحزن وتنهمر دموعها متمتمة: محدش فاهم..
انا طول عمري لوحدي اللي كان مصبرني نور..لو اعترفت بموتها
أنا هموت.. لأ هي معايا اهي انا شيفاها.. وبإبتسامه تصبحي علي خير يانور..
>>>>>>>>>>>>>>>>>>>>>>>>>>>>>
دعاء ببكاء:ااااااه يابنتي..بنتي ماتت ياعامر منك لله..
عامر بحزن:بس يا دعاء..انا مش ناقص..
دعاء بحدة:مش ناقص..انت السبب..بنتي ماتت
بسببك..لو مكنتش طردتها لما جت كان زمانها عايشة..
عامر بعصبية:قولتلك اسكتي..هي اللي عملك
في نفسها كدة.. راحت اتجوزت تاجر مخدرات..
دعاء بعصبية:لا..انت اللي عملت فيها كده..منك لله
ضيعت بناتي..في الاول لين وخليتها تكرهنا..وبعديها نور..
انا بكرهك..انا مش عايزة اعيش معاك تاني..ااه يابنتي..اهئ اهئ اهئ..
عامر بحدة:اخرسي بقي..كنتي عايزاني اعمل ايه..
والكل قال عنها انها بتشتغل معاه..افتحلها حضني..
دعاء ببكاء مرير وحسرة:لا..سبتها يقتلوها..وحرمتني منها..
طول عمرك ظالم ياعامر..وميهمكش الا منظرك..
انا مش قاعدالك في البيت ثانية واحدة..انا راجعة بيت
اهلي..وانت خليك مع نفسك..ربنا ينتقم منك..
لترحل دعاء وتترك عامر خلفها...
>>>>>>>>>>>>>>>>>>>>>>>>>>>>>>>>
عند سامي..
صافي:مالك ياسامي..مضايق ليه..
سامي بحزن:نور..اخت لين ماتت..
صافي بصدمة:ايه..مش ممكن..طب ازاي..ومين عمل كدة..
سامي بغضب:مازن..بس ورب العزة ماهسيبه وهجيبه..
صافي بعدم تصديق:مش ممكن..مازن بيحب نور..مش ممكن يقتلها..
سامي بعصبية:لا..قتلها..بعد ماعرف انها كانت ظابط وبتتحري عنه..
صافي:ايه اللي بتقوله ده ياسامي..مش ممكن..
سامي بحزن:وده كله بسببي..ولو كنت
فتحت عيني كويس مكنش حصل كدة..
صافي وهي تربت علي كتفه بأسي:معلش
ياسامي..امر ربنا..طب ولين عامله ايه الوقتي..
سامي بحزن شديد:زي الزفت..انتي متعرفيش كانت
بتحب نور قد ايه..ديه ممكن تروح فيها..وكمان مش هتسامحني..
صافي بحزن:ربنا يصبرها..وانت
متعملش في نفسك كدة..خلاص..
سامي بحزن وتوعد:انا هوريك يامازن الكلب..
>>>>>>>>>>>>>>>>>>>>>>>>>>>>>
اما عند مازن فكان في حاله يرثي لها بعد ان علم بموت نور..
مازن ببكاء:مش ممكن..انا انا كنت هنتقم منها..
لكن مش اموتها..مين اللي عمل كدة..ااااااه يانور..
انا مش قادر اعيش من غيرك..سامحيني..ارجعي ابوس ايدك..
ياريتني ماكنت عرفت انك ظابط..انا السبب في موتك..
مقدرتش احميكي انا اللي اذيتك بنفسي..
>>>>>>>>>>>>>>>>>>>>>>>>>>>>>>>>
بعد مدة من موت نور كانت لين قابعة في
غرفتها لاتغادرها..كانت صامتة جامدة..
ولكنها وفقت فجأة واتجهت الي صندوق مجوهراتها وفتحته
لتأخذ منه قلادة علي شكل قلب كانت قد اهدتها لها نور.. لتتذكر..
فلاش باك..
ذهبت لين لزيارة عائلتها كالعادة..
في غرفتهم كانت نور ولين جالسين..
نور بفرحة: استني يالينو عندي ليكي مفاجأة..
لين بضحكة: يامفاجأتك يانور..
نور: غمضي عينك يالين..
لين بنصف عين: اهو..
نور ضاحكة: هههه لا بلاش غش يلا
والنبي..اوعي تفتحي غير لما اقولك..
لين بضحكة: طيب يانور اديني غمضت..
لتقوم نور بإلباس لين قلادة من الاحجار الكريمة السوداء.. وتكمل..
نور بفرحة: فتحي..
لين بدهشه وهي تنظر الي القلادة: ايه ديه يانور..
نور بإبتسامة: بصي ياستي بما اني اشتغلت..
وبقيت ملازم قد الدنيا ديه هديه من اول مرتب ليا..
اينعم هي مش زي اللي عندك
بس عجبتني لانها بتشبه عنيكي يالين..
لين بإبتسامة صافية وعيون دامعة: ديه احلي من كل
اللي عندي يانور.. كفاية انك افتكرتيني وجبتيلي هديه..
نور بضحكة: بجد عجبتك.. هي مش غالية اوي
زي الهدايا اللي بتجبيهالي بس علي قدي..
لين: الهدية مش بتمنها يانور الهدية
بتكون بقيمتها المعنويه.. بجد حلوة اوي..
وهي تحتضن نور.. اوعدك هحتفظ بيها ومش
هضيعها ابدا يانور..ديه اغلي هديه ممكن تجيلي..
نور بإبتسامة وهي تحتضن لين: انتي اختي وحبيبتي يالين..
باك
لتبكي لين بشدة ثم تعتريها حالة من الغضب
لتظل تحطم في الغرفة وتصرخ ليأتي علي صوت صراخها
كاظم والخدم وكوثر التي يعتريها الفرح لرؤية لين محطمة..
كاظم بخوف: لين افتحي الباب يابنتي مالك..
لين بصراخ: ابعدوا عني مش عايزة حد.. انا عايزة نور..
كاظم بقلق: طب افتحي.. يالين افتحي ونتكلم.. ظلت تصرخ..
كوثر بشماتة: شكلها اتجننت اتصل بالمستشفي..
ديه المفروض تروح السرايا الصفرا..
كاظم بغضب وحدة: اخرسي وغوري من هنا..
وللخادمه.. اتصلي بسرعة بهشام خليه يجي يلا..
كانت لين تصرخ وتحطم كل شئ حولها ثم دلفت الي
الحمام واخرجت كل الادويه التي في الصيدليه اعلي
مرآة الحمام والقتها وحطمت المرآة وبصراخ..
انا عايزة اروح لنور..وفجأة تمسك بزجاج محطم وتقول..
لين بإبتسامة ولا تزال تمسك بالقلادة: انا جاية يانور متخافيش...
وكاظم في الخارج يحاول تهدأتها وفتح الباب ولكنه فشل..
لتتصل الخادمه بهشام.. وتخبره ان لين في حالة
هستيريه تصرخ وتحطم الاشياء والباب مغلق..
ليركض هشام سريعا ويعود بسيارته الي المنزل
ويهرول كأنه يأكل الدرج ويصل الي كاظم وهو يلهث..
هشام بأنفاس متسارعة: ايه ياجدي فيه ايه..
كاظم بقلق: لين ياهشام مش عارف مالها من شويه كانت
بتصرخ وتكسر الاوضة وبعدين سكتت مرة واحدة.. انا خايف تكون..
هشام بتوتر: الحالة رجعتلها وتنتحر..
كاظم بخوف: ملهاش صوت..
هشام بسرعة: ابعد ياجدي..
ليحاول كسر الباب وبعد محاولات يستطيع كسره
ويدلف ليجد الغرفة محطمه ليبحث عن لين ويركض الي
الحمام ليفاجئ بمنظرها وهي جالسه في البانيو وغارقة في المياة..
>>>>>>>>>>>>>>>>>>>>>>>>>>>>>>>>>>>>>>>>>
البارت الثامن و الاربعون
ليحاول كسر الباب وبعد محاولات يستطيع كسره
ويدلف ليجد الغرفة محطمه ليبحث عن لين
ويركض الي الحمام ليفاجئ بمنظرها
وهي جالسه في البانيو وغارقة في المياة..
حتي اعلي صدرها وتاركة مياه الدش
مندفعه علي رأسها وممسكة بالقلادة وهادئه..
كاظم بخوف: لين.. انتي كويسة.. مالك..
هشام الذي اقترب منها بقلق:
لين ايه اللي حصل قاعدة كدة ليه..
لين بهدوء مخيف: كنت حرانة..
كاظم بقلق: حرانة ايه في التلج ده.. يابنتي تعيي..
كوثر بتعوج وهمس: ولا بيجرالها حاجة..
وبصوت عالي.. فالحة بس تفزعينا كل شويه..
لتنظر لها لين نظرة ارعبتها مكملة: اطلعي برا..
هشام بغضب وعيون تشع شررا:غوري برا ياكوثر..
كاظم بحدة :غوري في داهية بقي..
ولهشام بخوف..شوف مالها جرالها حاجة..
هشام بهدوء: مفيش ياجدي روح
انت ارتاح مفيش حاجة حصلت..
كاظم بقلق: بس..لين..
هشام مطمئنا: مفيش حاجة
ياجدي زي ماقالت كانت حرانة..
كوثر وهي تخرج وبغل: الهي تعيي مايلاقيلك الطبيب
دوا يابعيدة.. انا مش عارفة الموت تايه عنك فين..
كاظم: طلعها من المايه ياهشام لتبرد..
هشام: حاضر.. بس روح انت.. ليخرج كاظم..
هشام: يلا قومي..
لين بعيون زائغة: حرانة حاسة ان فيه نار مولعة فيا..
هشام بأسي: طيب قومي وهنشوف..
وايه اللي ماسكاه في ايدك ده هاتيه..
لين بغضب: اوعي تلمسها ديه هديه نور..
هشام وهو يزفر في ضيق: طيب..
مش هلمسها بس قومي..
ليخرج لين من المياه ويأخذها الي غرفته ويأمر الخادمه
بتنظيف الغرفة من الفوضي.. في الغرفة كادت لين ان تنام ولكن..
هشام: استني مش هينفع تنامي كدة خدي..
ليعطيها منامه خاصة به لتنزع لين ملابسها بإهمال
وترتدي جاكيت المنامة وتنام..ويدثرها هشام جيدا..
هشام و هو يزفر في ضيق..مكملا
بالمنظر ده هترجعي للمستشفي تاني يالين..
>>>>>>>>>>>>>>>>>>>>>>>>>>>
شوقي بخوف:انا قلقان اوي..
لو عرفوا مكاني انا كده هموت..
لطفي:مانتا غبي..كان لازم تقتلها..
شوقي بغيظ:معرفتش ايه اللي حصلي اول
ما عورتني بالمطواه..مدريتش نفسي غير بضربها بيها..
لطفي:عموما خليك هنا لحد
مالاقي صرفة اخرجك بيها من البلد..
شوقي بتوتر:بس بسرعة يالطفي..
هشام لو لقاني مش هيرحمني..
لطفي بقلق:ولا هيرحمني معاك..بس لو عرف
مكانك انا ولا اعرفك..اه ياحبيبي العمر غالي..
شوقي:بس لاقي طريقة اخرج بيها وبعدين يحلها الف حلال..
>>>>>>>>>>>>>>>>>>>>>>>>>>>
امر هشام جميع العاملين في الفيلا بتركها مدة
وذلك حتي لايري احد لين وهي بتلك الحالة السيئة..
حيث كانت تصرفاتها غريبة وكادت ان تجهز علي
احد الخادمات عند اقترابها منها..واعطاهم جميعا اجازة..
>>>>>>>>>>>>>>>>>>>>>>>>>>>
عند قبر نور زارتها والدتها..
دعاء ببكاء وحرقة:اااااه يابنتي سامحيني..مقدرتش
احميكي ولا حتي اقف معاكي..منك لله ياعامر..
ياريتني كنت انا اللي مكانك يانور..انا السبب مقدرتش
اقف في وش ابوكي واقوله لا سيبها تقعد..انا السبب
من الاول..ضيعت اختك بسلبيتي وموافقتي علي قعادها
مع كاظم..وانتي الوقتي..سامحيني ياحبيبتي..انا هسيب عامر..
مش هقعد معاه تاني..ياريتني كنت عملت كدة من زمان..
مكنش ده بقي حالك..وبقيتي تحت التراب..يارب صبرني علي بعادك ياحبيبتي..
>>>>>>>>>>>>>>>>>>>>>>>>>>
كانت لين متجهة الي الاسفل حينما مرت بالردهة امام
غرفة كاظم وسمعت حديث كوثر في الهاتف لم تعيرها
انتباه ولكن استوقفها نطق كوثر اسمها وهي تقول..
كوثر بشماته: ايوة اسكت.. اخيرا شفت لين مكسورة..
كنت متأكدة ان ديه الحاجة الوحيدة اللي تجيبها الارض..
لاااا..وهي هتعرف منين ان انا اللي اتصلت بمازن وقولتله
حقيقة نور بعد ماسمعتهم وهما بيتكلموا.. وانها ظابطة وعايزة توقعه..
هههههه..شويه واخلص من العجوز اللي انا متجوزاه والبسها فيها
واتمتع انا بالنعيم..مش بعد ماصبرت ده كله واستحملت قرفه ..
وطوله لسان العقربه ديه اطلع كدة..
لتتسع عينا لين من المفاجأة وتدلف بغضب الي الغرفه..
كوثر بصدمه: وتعلثم لللل..لين.. انتي..
لين بنبرة مخيفة: انا ايه..بقي انتي يابنت ال.... يا زبالة
السبب في موت اختي.. انتي اللي اتصلتي بمازن وقولتيله..
كوثر بإرتباك وخوف: انتي بتقولي ايه..انتي اتجننتي..
لتصفعها لين بقوة لتسقطها علي الارض مكمله
بعيون مشتعله تكاد تري النيران بها مكمله..
لين بغضب: انتي هتطرشيني يا... انا
هموتك زي ماكنتي السبب في موتها..
لتصرخ كوثر وتحاول ابعاد لين عنها: الحقوني.. هتموتني..
لين بصراخ: انا هموتك.. وبلحظة تتحول نبرة لين
الي صوت بارد مخيف وتكمل.. انا مجنونه وهموتك
ومش هاخد فيكي حاجة..انتي متسويش
نكله انتي زباله ولا حد هيسأل عنك..
لتمسك لين بعنقها وتخنقها بشده..وسط صراخ كوثر..
ليسرع علي صوتهم العالي هشام وكاظم..
كاظم بخضة: ايه اللي بيحصل هنا.. لين..
كوثر وهي تحاول الفرار: الحقوني المجنونه ديه هتموتني..
ليمسك هشام لين ويكمل: بتعملي ايه اهدي..
لين بعصبيه: ابعد عني انا هموتها
بنت ال... ديه ورحمه نور لتحصليها..
كاظم بحدة: ايه اللي بيحصل هنا..
كوثر بسرعة: لين سمعتها بتتفق في التليفون
علي انها تقتلك وتاخد الفلوس ولما شافتني
عايزة تموتني..علشان ماكنش شاهد اثبات علي كلامها..
كاظم بغضب: ايه.. صحيح الكلام ده يالين..
لين بغضب: يابنت ال...ديه كدابه..
انا هموتها سيبني عليها ياهشام..
كوثر بسرعة ودموع تماسيح: لا هي
اللي بتكدب يا كاظم اهئ اهئ..
هشام وهو ممسك بلين: صح يالين..
لين بحاله هستيريه: انا هموتكم كلكم ابعد عني..
لتضرب هشام في معدته بقوة وتنطلق نحو كوثر
وتجذبها من شعرها وتسقطها ارضا وتعلوها وتخنقها..
ليقترب منها هشام وكاظم لتتحول عيناها الي
جمرة حمراء وبدموع مكمله..
لين بغضب وتوعد: قسما برب العزة اللي هيقرب
مني هقتله الوقتي.. بنت ال...ديه هي اللي
اتصلت بمازن.. وقالتله علي نور وماتت بسببها..
ليتسمر هشام في مكانه..
ويصرخ كاظم به: ابعدها ياهشام هتموتها..
لينظر هشام الي لين ويمسك بذراع كاظم مكملا..
هشام بهدوء: سيبها ياجدي.. وللين..
عندك اهي اعملي فيها اللي انتي عايزاه..
لتبتسم لين ابتسامه جانبيه وتجهز
علي كوثر ولاتتركها الا جثه هامدة..
كاظم بدهشه وعدم تصديق: ايه
الجنان ده..موتيها..وانت ياهشام سبتها..
لين بهدوء: اسمع ياكاظم باشا الكلام ده..
هقوله مرة واحدة.. انا موافقه اجيب العيل من هشام..
بس كل الفلوس تتكتب بإسمي انا وهشام وبس..
وإلا قسما بالله لاجيب عاليها واطيها.. واولع في ام العيله
اللي انت فرحان بيها.. وادمرها كلها وانت عارف
انا اقدر اعمل ايه.. ولهشام يلا يابن المغربي استعد..
كاظم بصدمه: ايه اللي بتقوليه ده يالين..
وبعدين الجثه ديه هنعمل فيها ايه..
لين بنبرة مخيفة باردة: ارميها في اي خرابه..
وقول ان واحد من اللي كانت بتتسرمح معاهم
قتلها..ولا اقولك وديها لسامي وهو هيتصرف..
لترحل وتذهب الي غرفتها..
كاظم بصدمه: ايه اللي حصل..لين اتجننت ع الاخر..
هشام وهو يخرج من الغرفة: احسنلك ياجدي
تسمع كلامها والا انت عارف.. وانا مش هسيب لين..
ومعاها في كل اللي تعمله..واديها قالت هنجيبلك عيل
يعني هنعمل بدورنا في الاتفاق ..الدور والباقي عليك انت..
ولينظر الي جثة كوثر ويكمل.. متقلقش هخلي سامي
يبعت حد من رجالته يشيل الجته ديه سلام ياجدي..
اسرع هشام خلف لين الي الغرفة واغلق الباب خلفه وتحدث..
هشام: ايه اللي قولتيه من شويه ده..
لين بهدوء مخيف: اللي سمعته
وهنفذه.. لتمسك بهاتفها وتتحدث..
لين: ايوه يا سامي..
سامي بإستغراب لاتصال لين..فهي لم
تحادثه منذ وفاة نور: ايوة يا لين انتي كويسه..
لين: ايوة بقولك ايه ابعت حد ياخد كوثر..
سامي بعدم فهم: كوثر مين وليه..
لين: كوثر مرات كاظم ابعت حد ياخد جتتها لاني قتلتها..
سامي بصدمه: ايه قتلتيها ليه.. وازاي..
لين بغضب: قتلتها هي السبب في موت نور..
ابعت حد وخلصني..وعايزاك تعرفلي كل اللي
كان مسئول عن عمليه نور..من الكبير للصغير..
وابن ال... مازن شوفلي قراره فين..وبسرعة..
سامي بقلق: انتي ناويه علي ايه يالين..
لين بعصبيه: انت تنفذ اللي بقولك عليه وبس سامع..
سامي: يالين..
لين بغضب: يووووووه اخلص..
ليأخذ هشام منها الهاتف ويكمل..
هشام :اسمع الكلام يا سامي..
ونفذ اللي بتقول عليه لين يلا..
سامي بدهشة: حتي انت
ياهشام معاها في الجنان ده..
هشام بهدوء: نفذ اللي قالته وانا هفهمك بعدين..
سلام الوقتي بس ابعت حد بسرعة ياخد جثة كوثر..
سامي: امرك.. زي مانتا عايز...سلام..
هشام وهو ينظر الي لين:وبعدين..
ناويه علي ايه يابنت المغربي..
لين بهدوء غريب:اللي سمعته يابن المغربي ..
انا عايزة نور..وهيجبها منك..مش ده اللي عايزه ..
ولا عايزني اجيبها من حد تاني..
هشام بغضب وهو يجذبها من ذراعها:انتي اتجننتي..
حد تاني ايه..ده انا كنت شربت من دمك..