روايه سيلا الليل
الفصل الثالث عشر13
بقلم مياده مأمون
أنهي اجتماعه مع رؤساء اقسام القريه ليري الجميع قوة شخصية رئيس مجلس ادارتهم في العمل
وزهنه الحاضر في كل كبيره وصغيره كان علي علم بكل شيء برغم بعده من وقت افتتاح القريه
الا انه فجأهم بأنه يعلم حتي اسمائهم وبعد ان انتهي اجتماعه بهم لم يسلم منه مدير قريته فقرر ان يجتمع به بمفرده دلفو الي مكتبه مره ثانيه
مصطفي:اظن حضرتك كده بقيت علي علم بكل حاجه من يوم الافتتاح لحد النهارده
ليل:ليه هو انت كنت فاكر اني مش عارف انا بشغل فلوسي في ايه انا من يوم الافتتاح وانا كأني موجود هنا بالظبط
مصطفي:لاء يافندم طبعا عارف الكلام ده كويس بس انا قصدي اني ابعت اجيب لحضرتك غدي
الساعه دلوقتي داخله علي ٣ وحضرتك من الساعه عشره في
ليل:قول بقي انك تعبت وعايز ترتاح مني يا رجل يا عجوز علي العموم
ماتقلقش انا مش مطول معاكو هنا وهسافر علي يوم الخميس
مصطفي: ياخبر يا فندم دا مكانك واحنا كلنا تحت امرك شاغلين عندك ليجدو من يفتح الباب بكل هيبته ووقاره نعم انه
الرويني الكبير لقد حضر مع حفيده وسط حراسته المشدده ليهابه كل من يراه في القريه
ليل:جدي اهلا اهلا نورت الدنيا يا جدي ليه ماتصلتش بيا وانا كنت جيت لحد عندك
الجد: ممكن تسيبوني مع حفيدي شويه لو سمحتو ليخرج الجميع من الغرفه معادا الجد وسامر وليل
ليل: ازيك يا سامر انا لسه كنت هاتصل بيك عشان اشكرك علي تصميم المكتب ده عجبني بصراحه لاء والصوره حلوه اوي
بس السكرتيرة اللي بره دي غبيه اوي يا سامر دي ماعرفتنيش
سامر: هههههههه يانهار اسود كل الصوره دي ومش عرفتك لاء غبيه صحيح بس هي في شغلها شاطره لاء ومزه
الجد:سامر اتهد ولم لسانك بدل ما اول ما نروح هاقلب عليك لارا والله
سامر: ايه يا حج الله يكرمك اهدي عليا دانا كتب كتابي كمان ايام
اوعي تعملها يا جدي اقولك انا هاروح اشوف الشغل احسن سلام مؤقت ههههههههههه
ليل:ههههههه ما فيش فايده هايفضل طول عمره مسخره كده
الجد:طب اقعد بقي عشان انا جاي مخصوص عشان اعتذرلك
ليل: ماعذا الله يا جدي دا انت حتي لو ضربتني انا هبقي راضي
الجد: ربنا يرضي عنك ديما يا غالي حقك عليا يا ليل انا ظلمتك مع انك من صغرك وانت طول عمرك راجل في تصرفاتك
ليل:يا جدي اذا كان دا طبع فيا فانا ورثه من أبويا وعمي طارق اللي هما وولادك انت يعني دي حاجه مش جايبها من بره
الجد:طب وامانة طارق ليك هاتتخلي عنها زي ماقولت هاطلق سيلا يا ليل
ليل: لاء طبعا دي كلمه قولتها وقت عصبيتي لكن انا عمري ماهسيبها ومش هاتكسف لما اقولك اني بعشقها يا جدي دي حب عمري
بس انت شوفت كل حاجه وشوفت انا كنت مخبي عنها ايه وكنت مستعد اخبيه عمري كله زي ماطارق كان مأمني
لولا انها شكت فيا وده وجعني اوي حاولت اغير فكرتها دي بكل الطرق وهي بردو مصممه علي اللي في دماغها
الجد : بس انت ماشوفتش هي عملت ايه في غيابك دي ابدلت ١٨٠ درجه من ساعة مافاقت لحد دلوقتي
ليل: لاء عارف وشوفتها
الجد:شوفتها ازاي
ليل:بعتت ليا صورتها وكانت بتتأسف علي الموبايل الصبح
الجد:اللي انت مكسره ومرمي هناك ده
ليل:ماقدرتش اتحمل اول ما شوفت دموعها اتعصبت وحدفته من ايدي
الجد:طب لما انت مش قادر على بعدها ليه يابني تعمل في نفسك وفيها كده
ليل:عشان لازم تعرف اني انا بس الامان بالنسبه ليها لازم تتعاقب يا جدي
الجد :لحد امتي يا ليل عرفني هاتصالحها قبل الفرح ولا هاتسافر المانيا وانت زعلان منها كده بردو
ليل:لاء مش هاصالحها في الفرح اصلا انا عندي خطه كده اعاقبها بيها
الجد:خطه ايه دي ماتقولي عليها يمكن اساعدك
ليل:ماشي يا ليل يا كبير هاقولك بس اوعي تبوزلي الخطه الله يكرمك انا عايز البت ترجع تسمع كلامي تاني
الجد:عيب يا واد دانا جاي لك المسافه دي كلها من غير ما اي حد يعرف ما فيش غير الاهبل سامر ده
قولي صحيح ايه حكاية الڤيلا اللي بتشطبها في الكمبوند الجديد دي انت عايز حتي لما تنزلو مصر تبقو بعيد عني ياليل
ليل:انت عرفت بدي كمان طيب يا جدي انت عارف اني انا وهي بالذات واخدين علي القعده لوحدنا
واحنا اصلا مش بننزل مصر كتير وكمان سيلا كبرت وفضلها سنه وتتم ١٨ وانا مش عايز حاجه تأيد حريتي مع مراتي وكده يعني
الجد: ماشي يا ليل بس تبقو تيجو تقعدو معايا بردو مش تنزل علي ڤيلتك وتبعدها عني
ها قولي بقي خطتك عشان نتغدي سوي وارجع القاهره قبل الليل
ليوملي عليه ما نوي ان يفعله معها حتي يرجعها طوعا له مره ثانيه
اما في القصر
جلست ليلي بجانب سيلا علي الفراش
ليلي:يخرب عقلك يا سجي والله انتي أروبه طلعالي مش زي الخايبه اللي طالعه لساره دي
سجي:طبعا يا لولو اومال ايه هو انا كان هيهدالي
بال من غير معرفها انو قال كلمه وقت غضب وخلاص
ساره:والله انتي كارثه عارفه المره دي لو بابكي عرف انك ادخلتي بينهم فيها قطم رقبتك
سجي:لاء اوعي سيلا يا حبيبتي انا مش حمل قلم تاني بعدين وشي يورم وانا داخله علي فرح وكده
ليضحكو جميعاهههههههه
سيلا:لاء يا سجي مش تخافي مش هاقول حاجه.
ليلي:طب يلا بقي عشان كلنا كده ورانا حجات كتير اوي لازم نعملها
لارا:حجات ايه دي يا مامي
ساره :اولا لازم تشوفو ناقصكم ايه عشان الفرح وتروحو البيوتي سنتر
ليلي:والفستاين بتاعتكو اللي من يوم زياد ما أجل الفرح ماروحتوش شوفتها ولا عملتو بروڤه عليها
والفرح بعد ٣ايام يلا يلا ورانا حجات كتير
سجي :قومي ياسيلا تعالي معانا يلا
سيلا:لاءه طبعا احسن بعدين ليل يجي مش يلاقيني يزعل زياده انتو ناسين انو قايل هايجي النهارده
ليلي:طب يا حبيبتي روحي معاهم عشان تشوفي فستان ليكي ولا انتي جايبه واحد معاكي
سيلا:لاء الحاجات دي ليل هو اللي بيجبهالي
واحنا مش كنا نعرف معاد الفرح اكيد لما يجي ها يجبلي !!!
لارا:طب تعالي معانا اختاري واحد عشان هو ممكن يكون ناسي في عصبيته دي
سيلا:بس هو مش بينسي اي حاجه تخصني حتي لما بيبقي زعلان مني
ساره:طيب خلاص بس بردو قومي مش هاتفضلي مستنياه في السرير كده
سيلا:يعني اعمل ايه ؟
ليلي:قومي خدي شاور دافي كده وروحي معاهم البيوتي سنتر وفكي شويه كده
سيلا:انا هاقوم اخد شاور بس مش هاروح في حته
اصلا هو لو عرف اني خرجت من غير ما اقوله مش بعيد المره دي يجي ياكلني بقي
ليضحكو جميعا علي براءتها وحبها الواضح له
//////////////////////////!!!!!
مرت الايام سريعا وجاء يوم الفرح في الصباح
سجي:وبعدين يا سيلا هاتحضري بأيه دلوقتي
فضلتي تقولي ليل هو اللي بيجبلي كل حاجه واديه نسي زي ماقولنا ليكي
سيلا:خلاص يا سجي اصلا هو مجاش وانا مش هاحضر الفرح كده كده لو هو مش موجود
لارا:انتي اتجننتي فرح ايه ده اللي مش هاتحضريه
لاء طبعامافيش الكلام ده بصي انا كنت جايبه الفستان ده من بره ومش لبسته خالص عشان لقيته ضيق عليا متهيألي هايبقي حلو عليكي
ليفجأو بليلي وساره يدخلون عليهم وخلفهم الخدم يحملون بعض العلب الكبيره وضعوها ارضا ثم خرجو في هدوء
سيلا:ايه الصناديق دي يا انطي من جابها؟
انا يا ختي اللي اتمرمت علي الصبح ورحت جبتهم من المطار
هتف بها سامر القادم من الخارج
سيلا:مين بعتهم يا سامر
سامر:هايكون مين يعني غير ليل اتصل بيا يا ستي الساعه ٦ الصبح
وقالي اروح اجيب فستانك وحاجتك كلها جايه من فرنسا
قولتلو اكيد هايبعتوهم شحن يعني
زعقلي وقالي ممكن يتلخبطو في حاجة حد تاني
مش مقتنع اني عريس مش عارف ليه هو انا مش باين عليا يا ناس
سيلا: انت احلي عريس سامر thanks
سجي: وتقولولي نسي ومش بيفكر فيها تعالو نشوف الفستان
بدءو في فتح اكبر صندوق ليجدو به فستان اقل ما يقال عنه انه جميل هو فستان مخصص فقط للاميرات
من لون الموف بداخله كرستيلات من اللون الفضي ضيق من علي الصدر ومنفوش جدا من بعد الخصر وطويل
لارا: عااااااااا دا حلو اوي يا سيلا ده أحلي من فستاني انا وسجي
سجي:يخرب بيتك يا سيلا هتبقي أحلي مننا في الفرح
سامر:هي كده كده احلي منكم دي بتنور لوحدها مابلكم بقي لما تلبس االفستان
لارا: سامررررر اتلم بقي واطلع بره لو سمحت
لتتركهم سيلا وتتجه نحو صندوق اخر اصغر في الحجم
وتبدء في فتحه لتجد فيه حلي رجالي سوداء وقميص ابيض اللون وجرافت سوداء
هتفت بسعاده كبيره
سيلا:ليل جاي يا سجي جاي يا لارا بعت بدلته كمان يعني هايجي يلبس هنا وهاشوفه
ليلي:يا حبيبتي دا انتي مافرحتيش بالفستان اد ما فرحتي بالبدله
ساره:طب يلا بقي يا بنات لازم تجهزو عشان الوقت بيمر بسرعه لتهتف سجي بغضب
سجي:طب بقولك ايه يا بت يا سيلا بما انك احلي مننا دا غيرفستانك اللي هايخليكي اميرة الفرح. النهارده ده
انتي مش هاتنززززززلي من هنا غير بعد ماحنا ننزل والفرح يبدء بنص ساعه انتي فاهمه
ولا والله احطلك منوم في اي حاجه واخلص منك انا بقولك اهو
سيلا :لاء وعلي ايه انا اصلا مش عايزه احضر الفرح يا سجي
ليضحك الجميع عليهم ويبدأو في تجهيزهم
أقبل الليل عليهم وحضر ليل من السفر واتجهه الي داخل القصر متشوق لرؤيتها
الجد:حمدلله علي السلامه يا واد يعني لازم تيجي علي اخر لحظه كده
ليل:الله يسلمك يا حبيبي والله عقبال ماخلصت شغلي كله انت عارف اني هاقعد فتره مش هاروح هناك
زياد:هوانتو اتصالحتو طب امتي وازاي واحنا كنا فين
سليم: زياد هو ليل ابن اخوك قدامي هنا ولا انا بحلم
ليل :جدي ألحق ولادك الصدمه جننتهم باين
الجد:سيبك منهم ويلا اطلع اجهز وبراحه على سيلا ماتصدمهاش اول ما تشوفك خليها تفرح النهارده عشان خاطري
ليل:اوعي تكون قولت ليها حاجه بجد هازعل منك اوي المره دي
الجد :عيب يا واد ماحدش يعرف حاجه أصلا عن اتفاقنا وزي ماانت شايف معرفوش اني جيتلك اصلا
زياد وسليم في نفس الوقت:انتو بتقولو ايه
ليل:ايه مش بنقول حاجه انا طالع اجهز عن اذنكو
دلفت سجي القادمه من الخارج مسرعه الي جناح لارا الذي كانو يجهزون فيه ثلاثتهم
سيلا سيلا سيلا ااااااا
سيلا:في ايه يا سجي مالك انتي اتجننتي ولا ايه
سجي:لاء ياختي بس عندي ليكي خبر بمليون جنيه
سيلا:خبر ايه ده يا سجي
سجي:ليل جيه يا هبله وهو دلوقتي في الجناح بتاعه
تركتهم سيلا مسرعه اليه وهي ترفع فستانها بيدها حتي لا يعقها في الحركه متجهه اليه
كان هو داخل الجناح قد اخرج حلته من صندوقها وبدء في شلح قميصه حتي يذهب إلى
المرحاض لاخذ حمام دافيء قبل ارتداءها
دلفت هي من الباب مسرعه تتلهف لرؤيته بفستانها وشعرها المنسدل خلف ظهرها
لتجده امامها يقف امام الفراش بشموخه المعهود مواليها ظهره هتفت مسرعه اليه متلهفه لأحضانه
سيلا:ليل حبيبي
التفت اليها متشوق لرؤيتها نعم هي الان امامه بجمالها المعهود تلك اللعينه التي اسرت قلبه منذ طفولتها
القت بنفسها داخل احضانه وتبكي بصوت مترفع بعض الشيء
وهي تحاوط خصره بحب وتملك وعبرتها تلامس صدره تكاد تحرقه
ولكنه تركها تبكي في صمت ولم يتكلم لم يلف زراعيه حولها فقط اغمض عينيه يشتم راحيقها الذي اشتاق اليه كثيرا
سيلا: وحشتني اوي ليل ليه بعدت عني كل ده انا كنت بموت من غيرك هونت عليك ليل
افلت يديها من حول خصره وهتف بغضب
ليل:هونتي يا سيلا ايوه هونتي عليا زي مانا هونت عليكي
وقررتي تبعدي عني عشان اي حد
انتي اتهمتيني اني قاتل عشان واحده اخر مره شوفتيها فيها كان عندك خمس سنين
هزت رأسها بالنفي وهتفت ببكاء
سيلا:لاءه عمرك ما تهون عليا
ولا عمري اقدر ابعد عنك انت كل حاجه ليا انت بابي واخويا وحبيبي وجوزي مش ممكن ابعد عنك
ليل:جوزك وحبيبك دي لازم تفكري فيها كويس
انتي قولتي انك كبرتي وفعلا انت كبرتي وفضلك سنه ووصايتي تتشال من عليكي
وفي السنه دي لازم تفكري كويس يأما نوثق الجواز عند المأذون يأما هابعد عنك خالص ومش هيبقي في بينا اي حاجه
سيلا:يعني عايز تسيبني وتبعد عني تاني
ليل:ايوه هابعد عنك تاني هاسافر المانيا لوحدي وانتي هاتقعدي هنا تفكري
انتي مش قولتي انك بقيتي كبيره ومش عايزه حد
يفكرلك
انابقي هاسيبك شهرين بحالهم تفكري لحد ماتوصلي لقرار عايزاني يا سيلا ولا ننهي كل حاجه
جلست علي الفراش وأحنت رأسها لم تقوى علي ان ترفع عينها في وجهه
تركها هو وذهب الي المرحاض قبل ان يرق قلبه المتألم من اجلها
اغلق الباب خلفه لتنتفض من علي الفراش مسرعه الي الخارج
وجدته يقف امام الجناح في قلق
القت نفسها في احضانه وهي تبكي
هتفت ببكاء وهي داخل احضانه
سيلا:ليل هايسبني تاني يا جدو
كلمه قوله اني مش هاقدر استحمل بعده عني قوله يا جدو
الجد: بس يا حبيبتي ماتعيطيش كده حصل ايه تاني بس
تعالي معايا يا حبيبتي تعالي نتكلم عندي في الجناح بتاعي
دلفت مع جدها وهي شبه منهاره
الجد:اقعدي بقي كده وقوليلي هو قالك ايه
سيلا:يا جدو انا دخلتله وقولتله اني اسفه وراضيه بأي عقاب هو يقول عليه
بس مايبعدش عني قالي اني هونت عليه زي ماهو هان عليا
وهايبعد عني فترة سفره لألمانيا شهرين عشان اقدر اقرر اذا كنت عايزاه ونوثق عقد جوزنا بعد السنه دي ماتخلص او يسبني خالص ويبعد عني
الجد: ممكن تسكتي وتسمعيني هو معاه حق في كل كلمه قالها
سيلا:حتي انت يا جدو
الجد :بصي انتي لازم تهدي عشان اعرف افهمك تعملي ايه
سيلا: طب سكت اهو قولي اعمل ايه بقي
الجد: هو مش قالك انك هونتي عليه وهايبعد
عايزين نشوفه هايقدر يبعد زي ما قال ولا لاء
سيلا:ازاي يعني اعمل ايه
الجد: كل المطلوب منك انك تهدي وتدخلي عند البنات
تظبطي الميك اب بتاعك وتلمي شعرك وتنزلي الفرح
واما نشوف بقي هيقدر يبعد عنك في الفرح ولا هايسيبك
سيلا: بس ليل مش كده هو اه بيغير عليا بس بردو عصبي وممكن يحبسني ومش يخليني انزل الفرح اصلا.
الجد: هانشوف المهم دلوقتي مش عايزك تنزلي الفرح الا بعد كتب الكتاب وانا اللي هاجي اخدك وننزل سوي ماشي
سيلا:حاضر يا جدو
لتتجه الي الخارج وتذهب لجناح الفتايات وتحكي لهم ما حدث بينهم
ليلي: اوف انا مش عارفه الولد ده بيعمل كده ليه في نفسه وفيها
ساره: طالع عصبي وعنيد زي عمه زياد واكتر معلش يا حبيبتي بكره كل حاجه تتصلح
سجي:المهم دلوقتي تعالي عشان الميك اب ارتيست تصلح ليكي الميك اب بتاعك وكمان تعملي فرمة شعرك
جلست امام المراءه وهي شارده فيه لم تشعر بكل ما يدور حولها
لم تشعر حتي بأنها انهت عمل شعرها ولا ان كتب الكتاب قد كتب
لم تسمع تلك الزغاريت من حولها حين دلف حبيبها وبيده ذلك الدفتر الكبير ليمضي عليه كل من سجي ولارا
لم تشعر حتي بهم وهم يخرجون جميعا ويتركوها وحيده في ذلك الجناح الا ان اتاها صوته
ليل: قاعده كده ليه مش هاتنزلي الفرح
سيلا: لاء مش هانزل دلوقتي
ليل: ليه يلا قومي ماتفضليش قاعده لوحدك كده
سيلا: سجي ولارا قالولي انتي احلي مننا وفستانك أجمل من فساتينا خليكي شويه بعد ماننزل عشان الناس هاتسيبنا احنا وتبص عليكي أنتي
ليبتسم هو علي براءة جميلته هي فعلا احلي منهم بكثير ويجلس امامها
ليل: بس حتي لو قعدتي هنا لاخر الفرح
فانتي بردو احلي منهم
بس اللي يبصلك بعنيه انا أخزئهم ليه يلا تعالي انزلي معايا
سيلا: لاء متشكره اوي جدو هايجي ياخدني كمان شويه
ليجذبها من يدها ويجلسها علي قدمه
ليل:انتي زعلانه ليه دلوقتي مش احنا قولنا هنفكر عشان مانخدش قرار ونرجع نندم بعد كده
رفعت فيروزتها في مستوي عينيه ولم تتحدث فقط تنظر اليه
ليذوب جموده المرسوم امامها فيهم ويفقد كل القدره في التحكم بنفسه ثم يأخذها في قبله طويله بث لها فيها كل حنينه وشوقه اليها
سيلا: انت هاتسيبني وتسافر
ليل : وهو يأخذها بين احضانه
ويغلق عليها بأحكام غصب عني يا روحي مش عايز أأثر عليكي وانتي معايا وترجعي بعد كده تقولي لاء مش عايزاك وابعد عني
لتقف من علي قدمه بكل عناد وتنهض سريعا
بكل غضب
سيلا: طيب خلاص اعمل اللي انت عايزه انا مش هاتحايل عليك واتفضل بقي سيبني وانزل يلا
احتضنها هو من الخلف وهتف
ليل:ماشي بس هننزل سوي عشان ماتنزليش لوحدك
سيلا: قولتلك جدو هايجي ياخدني من فضلك انزل وسيبني
ليل: ماشي يا سيلا بس مش عايز اشوفك تحت واقفه مع حد ماتعرفيهوش
وكمان ماتنطقيش ولا كلمه عربي كل اللي تكلميه تكلميه بالتركي فاهمه ولا لاء
لتفهم هي ان غيرته وتملكه لها قد بدء
سيلا: ودا اللي هو ليه بقي ان شاء الله مافيش حد هنا بيتكلم تركي هاكلم نفسي يعني
ليل: وهو يتركها ويذهب هي كلمه قولتها ومش عايز اشوفك قاعده بعيد عن جدك اديني قولتلك اهو فاهمه
سيلا: اوف بقي حاضر
تركها هو نزل الي الفرح لينظر اليه الجميع بحب فهو فعلا وسيم
لم يقف مع احد ودلف الي الجد مباشرة في غرفة مكتبه
ليل: انت هاتفضل سايبها قاعده لوحدها كده فوق من فضلك اطلع هاتها زي ما قولتلها
الجد:طب وانت ماجبتهاش معاك وانت نازل ليه
ليل: مارديتش وقالتلي جدو هايجي يا خدني
الجد:طب وانت متعصب كده ليه خلاص هاطلع اجيبها بس مش عايز مشاكل النهارده بقي
ليل: هاتجيبها وتفضل طول الفرح جانبك مش عايز اشوفها واقفه لوحدها ياجدي انا مش عايز اخرج عن شعوري لوشوفت حد واقف معاها
ثم تركه وخرج من الغرفه وهو في قمة غضبه
الجد:انت بدئت في خطتك وانا كمان بدئت في خطتي وهانشوف مين فينا اللي هاينهي اللعبه دي بقي
ثم صعد اليها ليصطحبها الي اسفل وقبل ان ينزل من اعلي الدرج وقف وهتف امام الجميع وهي متعلقه بزراعه
الجد: هدوء من فضلكو انا كنت حابب اعرفكو علي بنت طارق ابني الله يرحمه
لاءن معظمكم مش يعرفها بحكم انها عايشه في تركيا مش هنا احب اقدم لكم سيلا طارق الرويني
لينظر إليها الجميع ويندهش من جمالها المبالغ فيه وگأنها اميره من الاساطير
بينما وقف هو في قمة غضبه وهو يري عيون الرجال التي تحملق فيها بكل جراءه
لم يشعر بنفسه الا وهو يقف اسفل الدرج بأنتظاره حتي أخذها من يده وهتف به
ليل:ايه اللي بتعمله فيا ده حرام عليك هو انا ناقص
الجد:ايه يابني يعني عايز كل شويه حد يسأل مين دي مش لازم الناس تعرفها
ليل:ماشي يا ليل يا كبير وانتي تعالي معايا وماتتحركيش من جانبي
سيلا:لاء انا هاروح عند سجي ولارا
ليل:انتي مش هاتروحي في حته بعيد عني انتي فاهمه تعالي
اخذها خارج القصر حيث بدء الحفل ومن خلفهم الجد
وقفو خلف طاوله هم الثلاثه راهم العرسان وذهبو اليهم
امير:انتو واقفين كده ليه تعالو ارقصو معانا
ليل:امشي يلا ياأهبل من هنا هو انت مش عريس روح ارقص ومالكش دعوه بينا
لتجذبها الفتايات من بين يديه
سجي:طيب خليك انت واقف كده وسيبها هي معانا بقي
اخذوها منه واتجهو نحو المسرح مره ثانيه وهو يغلي من داخله علي نظرات الرجال لها
الجد:تعالي نقعد احنا هانفضل واقفين كده وكفايه تدخين بقي
ليل: اسكت عشان انت مش عارف انت عملت فيا ايه والله لو حد قرب منها ماهعرف اتحكم في نفسي اديني باقولك اهو
الجد:اومال عايز تسيبها وتبعد شهرين ازاي بس تعالي تعالي
ظلت ترقص وتتمايل معهم امام عينيه وهو يكاد يشيط من الغيظ
حتي هدئت الموسيقي وبدئت موسيقي سلو هادئه
اخذ كل عريس عروسه بين احضانه وهي تقف تصفق لهم بطفوله
وتنظر لهم بكل حب لتجد من يجذبها بين يديه ويرقص بها وكأنها فراشه تطير في الهواء
سيلا:ليل
ليل:عيونه
سيلا:انت بتعمل ايه مش المفروض ان انت زعلان مني وهاتسيبني
تنهد تنهيده قصيره وهتف
ليل:هاسيبك بس لوانتي بتحبيني هاترجعي ليا تاني
سيلا:بحبك يا ليل والله بحبك ثم القت برأسها علي صدره ولفت زراعيها حول عنقه وتملكها هو ايضا بأغلاق يده حول خصرها بأحكام
وبدؤ يرقصون في صمت الي ان انتهت الموسيقي
اخذها من يدها واجلسها بجوار جدها ونساء اعمامه ثم اتجه لبعض رجال الاعمال
لم يعلم بتلك العيون التي تنظر اليه بكل حب ولهفه للتقرب منه نعم انها (تالين الحمصاني)
اخت رجل الاعمال( فهد الحمصاني) والذي كان ينظر ايضا لسيلا نظرات كلها شهوه وتلهف علي جمالها
انتهزت هي فرصة بعده اخيرا عن تلك الصغيره واتجهت اليه للتقرب منه
تالين:هاي يا ليل بقالنا كتير مش شوفناك
ليل:تالين يا بنت الايه دا انتي كبرتي وبقيتي حلوه اوي انا مش شوفتك من ساعة ما اتخرجنا من الكليه
تالين:ايوه ماانت من بعدها سافرت ومابقيتش تنزل مصر وحتي لما بتيجي ماحدش بيشوفك
ليل: معلش والله انشغلت بقي وانتي عارفه اني ماسك فرع المجموعه بره
ليأخذه الحديث معاها ولا يعلم بتلك العيون التي يتطاير منها الشرار تراقبه غيظا
ولكنها لم تصمد كثيرا وقفت من جانب جدها متجهه اليه
اتجهت نحوه مباشرة لتجد من يقف امامها مباشرة يعترض طريقها ليتحدث معاها
فهد: هاي انا فهد الحمصاني رجل اعمال
لم تنطق وفعلت مثل ما قال لها زوجها تعمدت عدم فهم ما يقوله
فهد:هو انتي مش بتردي ليه انتي مش بتكلمي عربي
سيلا: ..........
فهد:طب انجليزي
سيلا:........
فهد:يعني الجمال تركي والكلام كمان تركي
استشعرت انه يغزالها ولكنها اظهرت عدم فهمه
مما جعله يتمادي بألفاظ اخدشت حيائها من مغزالته لها ووصفه لجمال وجهها وجسداها
بدء الخجل يتضح علي وجهها الذي اكتسي بالكامل بتلك الحمره التي ظهرت واضحه عليه
جرت من امامه الي احضان زوجها وهي في قمة الخجل
لم تشعر بنفسها وهي تلقي هذه الحمقاء أرضا من امامه وتخبيء وجهها في صدره
ليل:مالك يا سيلا فيكي ايه
لم ترد ولكنها احست بهذا الامان بين زراعيه
تالين:انتي حيوانه ايه اللي عملتيه ده
ليل: تالين احفظي ادبك واعرفي انتي بتتكلمي مع مين
تالين:بتكلم مع مين يعني حتة عيله فاكره نفسها بتجري في الجنينه
ليأتي الجميع عليهم ومن ضمنهم فهد الذي كان خائف ان تكون فهمته وتفوهت للأخر بما قاله لها
الجد: ايه اللي عملتيه ده يا سيلا اعتذري لتالين حالا
القت بوجها في صدره ولم تتفوه بكلمه فقط تلك الحمره تزيد
علم هو ان هناك شيء ما اخافها أوضح ذلك فهد حين تحدث
فهد:لازم طبعا تعتذر لاختي احنا جاين نتهزء هنا ولا ايه
ليل: مش مرات ليل الرويني اللي تعتذر
القي تلك الكلمه علي رأس الجميع ليعلمو مدي تملكه لها
نعم انها ملكه هو فقط انتبه لها حين هتفت بصوت خفيض واشارت له عليه بكلمه واحده (بالتركي طبعا)
سيلا:هو
ليل: هو مين يا سيلا فهد عملك ايه
سيلا: هو
استشعر ان يكون هذا الحيوان قد تحرش بزوجته بدء الغضب يتملك منه وظهر علي وجهه وعينيه التي تحولت الي جمرة نار
ليل :قوليلي عملك ايه ولا قالك ايه
لم تتكلم هي ولا حتي رفعت وجهها له مما اكد له ان هذا الحيوان قد تعرض لزوجته
ليل:اطلعي فوق يا سيلا
لم تقدر علي الحركه فأجتذبها جدها من بين زراعيه وهتف لها حبيبتي قوليلي لو حد اتعرض ليكي بكلمه قوليلي
اقترب هو من هذا الحيوان ولكمه في وجهه وهتف
ليل : مش مرات ليل الرويني اللي يجروء حد ان يعاكسها
فهد :انت اتجننت يا ليل وانا اعرف منين انها مراتك ولا حتي اعرف منين انها بتفهم عربي
ليل:اديك فضحت نفسك بغبائك يا فهد وانت تعرف منين انها مش بتفهم عربي
ليقف بينهم عمه زياد ويهتف
زياد:كفايه يا ليل وانت يا فهد ياريت تاخد اختك وتمشي من هنا
فهد:ماشي يا زياد بيه ومن النهارده اعتبرو كل الصفقات اللي بينا ملغيه
ليل:كل الصفقات اللي بتقول عليها دي تحت جزمة مراتي انت فاهم يا فهد
ليجذبها من يدها وهو في قمة غضبه يصعد بها الي اعلي هتف الاخر قبل ان يرحل
فهد:وصفقة المانيا كمان ياريت تتسحب منها لاني هاخدها لوحدي
ليل:ليل الرويني مابينسحبش واللي مش قده مايقفش قدامه
ليصعد بها الي جناحه الخاص دفعها الي الداخل بقوه
اقترب منها وهو في قمة غضبه
ليل: انا قلت ليكي خليكي قاعده جنب جدك ايه اللي خالكي تقومي من مكانك
لترجع هي الي الخلف خوفًا منه حتي تصتدم بالحائط
سيلا:ااا
ليل: انطقي علطول
احنت رأسها للاسفل
سيلا: انا كنت جايه ليك عشان شوفتك واقف مع البنت دي وبتضحك وزعلان مني انا
ليبتسم علي براءة حبيبته
ليل: طب ما انا اكيد طبعا بتكلم مع بنات كتير مش دي بس
شوفتي لما ماسمعتيش كلامي حصل ايه قالك ايه الحيوان ده خلاكي تخافي كده
سيلا: قالي كلام وحش اوي مش هاقدر اقوله
انا مش عرفت اعمل حاجه غير اني اجري ليك انت
جذبها بين احضانه واغلق عليها بأحكام
ليل: اه يا روحي وحياتك عندي لمحيه من علي وش الدنيا
ثم جلس علي الفراش واجتذبها علي قدمه وهو يمطرها بكم هائل من القبلات حتي نامت بين احضانه
ظل طول الليل يفكر ان يأخذها معه ولن يتركها لاحد فهو امانها الوحيد حتي في وجود الجميع
ولكنه تراجع في اخر لحظه نظرا لمقابلة هذا الحقير في الصفقه ومن الممكن ان تراه مره ثانيه
ظلت بين احضانه حتي السادسه صباحا
وقف من علي الفراش ينظر اليها وهي نائمه بفستانها مثل الاميرات
دثرها ج تشعر يدا بالغطاء ثم طبع قبله علي جبينها
وسحب حقيبته خلفه واتجهه للخارج بهدوء حتي لا تشعر به