قالتلي ورد امشي وراها وشوفي هتعمل ايه ، ف لحقتها لغيت السوق وهناك شوفتها واقفه مع شحاده علي جمب وبيتودودو مع بعض وكأن بينهم حاجه ولما جت جبتلها سيرته وشها جاب الوان وقالت بلجلجه
_ شحاده مين ده ، بتقولي ايه انتي
: بسألك عن شحاده ، ده كبيرنا في الغجر ، يابت الراجل اللي كان واقف يشتري جمبك ده معرفتهوش؟!
_ ايوه ، مخدتش بالي منه ، بس بتكلميني عنه ليه انا مالي
: لا ولا حاجه بس قولت اعرفك اني اعرفه
_ ميخصنيش في حاجه ، انا مروحه وانتي هاتي اللي جايه عشانه وتعالي
مشت وسابتني وانا لحقتها وروحت علي طول خبطت علي اوضة دعاء ولما فتحتلي بعدت خطوتين وقولت
_ سامحيني ياست بس انا عاوزه ورد دقيقه
مردتش عليه وكان باين ان في حاجه مزعلاها و بعد ثواني طلعت ورد وخدتني بعيد وقالت
: عملتي ايه
_ كلامك طلع صح هي كانت بتقابله في السوق وباين ان بينهم حديت
: ايوه يبقا هي اللي بتنقله الاخبار واكيد تعرف حصل ايه ل فاطمه ومش بعيد يكون هو اللي وصاها تحكي عنها من الاول
_ طيب وهنعمل ايه ، نقولهم
: له مش قبل ما نعرف ايه اللي بيحصل
_ احنا نقول وهما يعرفو بطريقتهم
: له لازم نعرف حصل ايه مع فاطمه الاول ، اكيد البت دي هتقابل شحاده وفهيم كتير انتي رقبيهم طول الوقت كل ما تطلع اطلعي وراها لغيت ما نعرف وراها ايه
_ الله يحظك يا ورد نسيت اقولك ، الواد فهيم اتعمي
قالت بصدمه
: اتعمي!!!! كيه ده
_ بيقول غاز العربيه وقع عليه عماه
: غاز عربيه ايه اللي يعميه
_ هو بيقول اكده
: طيب وهو قاعد مع مين دلوك
_ وحده ياحبة عيني ملقيش حد يعمله حاجه وحالته تصعب علي الكافر يابت ، والله قطع قلبي
: يقطعوه شقف شقف ده سوسه ، بس بقولك ايه يابت انتي لازم تستغلي تعبه ده وتجرجريه في الحديت
_ يجرجروكي بحماره عرجه ، مين ده اللي اجرجره انا مريحاش اهناك تاني
: له هتروحي وتعرفي إيه اللي بيحصل اهناك
_ ياورد!!
: اسمعي الكلام
_ طيب طيب!!!! بس مش هبيت اهناك هي شويه هشوفه وارجع
: ماشي المهم تقدري تضحكي عليه
_ طيب
قولت اكده ف شوفت بدر طالع من الاوضه ورايحه الجنينه وقتها مقدرتش اشيل عيني عنه لغيت ما اتدري عني وفجأه حسيت ب ورد بتقرصني وتقولي
: لمي عينك هيقتلوكي
_ يوه مالك يابت متبقيش قطاعة ارزاق عاد ، ده انا مقعداش اهنه غير عشانه اباي يابت قد ايه بحببببببه
: حبتك حيه ، يابت خافي علي نفسك
_ ملكيش دعوة وبحبه وهتجوزه بدر بتاعي انا وبس
#وفاء
نزلت من فوق وسمعت الكلام ده من تماضر ولكن مدتلهاش اهتمام وبعد ما صبحت عليهم طلعت في الجنينه ف لقيته قاعد علي الكرسي ف قربت منه وقولت
: صباح الخير يا مصر
انتبهلي وقال بجديه
_ صباح النور
قال كده ورجع بص قدامه ورجع لسكوته ف قولت بعد تردد
: عامل ايه النهارده شكلك بقيت احسن
_ زين
: اممم ، مالك
بصلي وقال
: مالي
_ مش عارفه بس شكلك فيك حاجه
: له مفيش دي طبيعتي
_ طبيعتك لازم تتغير
قال بجديه مفرطة
: طبيعتي حاجه تخصني وحدي معوزش اي كلام بخصوصها
_ اه اسفه
مردش ورجع لسكوته وبقا يتصنع الجفا و واضح جدا انه مش طبيعي وفي حاجه ف قولت
: أنت زعلان مني في حاجه
بصلي بزهق وقال
_ له وادخلي وسيبيني عاوز اقعد وحدي
: انا بطرد بقا؟!
_ ايوه انا بطردك
: اممم انا لو دخلت مفيش حاجه هتخرجني
_ اعملي اكده
: يعني ادخل مخرجش
_ ما تعملي اللي انتي عاوزاه
: امممم ماشي
جيت امشي ف لقيت تماضر جايبه الفطور وبتحطه قدامه وتقول وعينها هتطلع عليه
_ الفطور يا كبير
بص للفطور وبعدين ليها وقال
: جيبالي وحدي ليه
_ قولت يمكن جنابك جعان ومش هتستنا
: له دخلي انا هفطر امعاهم
_ طيب جنابك تحب اعملك اي حاجه "
ضايقني الحاحها ف قولت
: قالك مش عايز دخلي الاكل ده وهو لو عاوز هيندهلك "
رجعت بصتله ف لقيته بيبص عليه بأستغراب وبعدين بينزل جفونه ويسكت وهي بتشيل الاكل وتقول
_ حاضر.. تؤمرني بحاجه جنابك
: له
قال كده ومشت وهو رجع لسكوته ولا كأني موجوده ف خدت بعضي ومشيت وانا متضايقه منه ومتضايقه من نفسي اكتر عشان عبرته ، وبعد شويه وانا باكول في نفسي جوه الاوضه وبشتمه في سري طلعت البلكونة ابص عليه وهو قاعد تحت وبعد شويه جت امه وخدته ودخلوا جوه وبعدها بشويه خبطت عليه ليلي وقالتلي بيقولولك تعالي افطري قولتلها مش جعانه ف مشت وبعدها بشويه جت ام بدر وقالت
: مش عاوزه تاكلي ليه يابتي
_ مش جعانه ياحجه بالهنا انتوا
: له والله ما ينفع قومي هنفطر مع بعض
_ ارجوكي يا حجه متضغطيش عليه انا بجد مش جعانه لو سمحتي
: وه انتي زعلانه ولا ايه
_ لا بس مليش نفس اكل
: طيب هجبلك الوكل اهنه
_ ملوش لزوم انا لما اجوع هنزل اجيب لنفسي
: في ايه يابتي بدر زعلك؟!
قولت بنرفزه
_ وبدر بيزعل حد ده نسمه طايره مبيزعلش حد بيخطف وبيقل ذوقه علي الناس وبس
: ما كنتو زينين امبارح ايه جرا
_ اسألييييه كنا زينين امبارح والنهارده مصدرلي الوش الخشب ومكشر في خلقتي من غير ما اكلمه
: وه ، ما ده وشه يابتي هو اكده بدر من صغره مضحكش ولا حتي ضحك مع حد بالكلام
_ إيه؟! مضحكش بجد
: اه والله يابتي اسألي اي حد ميته اخر مره شاف ضحكته ولا بسمته حتي هيقولوك مشوفنهاش هو اكده طبعه دائما جد "
افتكرت ضحكه امبارح وهزاره ف بصتلها وقولت
_ طيب وليه مش بيضحك
: من وقت اللي حصله يابتي نسينه ضحكته وحتي دموعه مبقيناش نشوفها ، متزعليش منه هو ناشف شويه بس طيب وميقصدش يزعلك "
مر بذاكرتي دموعه وفضفضته ليه وضحكه معايا ف حسيت اني متلخبطه مش فاهمه ازاي ومن قبل ما اعمل مجهود للي ناوياه معاه ضحك وفضفض بالحاجات اللي مزعلاه
#بدر
بعد ما جت ليلي تقول انها مش جاية قامت امي تشوفها وانا بقيت مستنيها تنزل امعاها بس منزلتش وجت امي وحدها تقول
: بتقول مش جعانه "
معلقتش رغم اهتمامي وبقيت باصص للوكل و مركز في الكلام شبل اللي خلاني علي شويه هقوم احط راسه في الطبق
_ ليه مش جعانه ، لا لازم تاكل انا هقوم اجيبها "
كان قصده يضايقني وانا حاولت متكلمش بس لما قام بصتله بصه قعدته مكانه وقولت
: اقعد!!! لما الجوع يقرصها هتيجي وحدها "
قال بمكر
_ طالما رفضت تنزل مرتين يبقي زعلانه انا بقول اصالحها
قام وقبل ما اتكلم واشتمه قال عبيده
: ما تقعد ياد تصالح مين مش مكسوف علي دمك
قال بخبث
_ ياخوي البت جعانه ، طيب بلاش انا اطلع انت يا عبيده هههههههههههههههههه
بصتله وانا بدوس علي الملعقه اتنيها من شدة غيظي وقبل ما اتكلم قال عبيده وهو بيبصلي بطرف عين
: اروح مروحش ليه
بصتله بتفاجيء مختلط بالغضب ف رجع يبص قدامه وهو بيداري ضحكته ف قومت وقولت وانا قرفان من التنين
_ طالع انا
سبتهم ومشيت وانا سامع ضحكهم وهمساتهم ف تجاهلتهم وكملت طريقي لاوضتها ولما شافتني وقفت بصالي وساكته ف قولت
: معوزاش تنزلي تفطري ليه
_ انت نسيت انك طردتني وقولتلي خليكي فوق
: انا ميته قولت اكده
_ قولت في الجنينه لما جيت اصبح عليك ولا نسيت
: انا مقولتلكش خليكي انتي اللي قولتي
_ وانت قولت اعملي كده يعني معوزنيش انزل
: انا مقولتش اكده متقولنيش كلام مقولتهوش، ويلا عشان تفطري
_ لا مش هنزل غير لو اعتذرت
: اعمل ايه!!!
:_ تعتذر ويا اقبل يا مقبلش
: كمان
_ اه اشمعنا انا بعتذر
: باين عليكي اكده واخده ضربة شمس وجعتلك راسك ، خليكي اكده لغيت ما الزمن يرضيكي
_ انت لو معتذرتش مش هنزل
: متنزليش
_ يعني منزلش
: متنزليش
_ طيب اتفضل عاوزه انام
: انتي بتطرديني من اوضتي
_ لا هي اوضتي انا لغيت ما امشي
: كمان
_ كمان
: طيب
قولت اكده ونزلت وانا بحلف ما فيه قوه علي الارض هتخليني اطلع عندها تاني واعتذر مش بدر اللي يعتذر ل مره
« بعد ساعات»
رجعت من بره ف لقيت امي بتقولي البت مرضياش تاكول ولا نزلت قولتلها خليها تموت ودخلت اوضة شبل ف لقيته بيسرح شعره ف قولت
: رايح فين
_ رايح اصالح البنت
بصيت لانعكاسه في المرايا بصه حاده ف قال
: ههههه مش البنت دي اقصد بنت تانيه ، وممكن افكر اصالحها هي كمان لو هتفضل زعلانه كده كتير ، حرام علينا نخليها زعلانه
: تصدق انك عيل بارد وعاوز الضرب علي خلقتك ما تنشف ياد
_ هههههههههههههههههه وانت زعلان ليه يا كبير ها
مسكت المخده ورميتها عليه وسيبتله الاوضه و وقفت في نص البيت متردد اطلع ولا له وفي الاخر قولت ده بيتي انا الكبير يعني هخاف منها ف طلعت وخبطت علي الباب ف فتحتلي وقالت بنظره انتصار ومكر ودلع في نفس الوقت
: افندم ، جاي ليه
_ اخر مره هجيلك بعد اكده هسيبك تموتي من الجوع
: وانا اخر مره هقولك مش هطلع غير لو اعتذرت
_ اعتذر عن ايه انا معملتش حاجة اعتذر عنها
: عاملتني بطريقة مش لطيفه ورحبت بفكرة اني منزلش من اوضتي
_ امممم ، طيب متزعليش زين اكده
: ده مش اعتذار
_ بقولك ايه انا خلقي ضيق
: ماشي براحتك بس انا مش هعتبر ده اعتذار
: انتي حره عنك ما تعتبريه انا نازل
درت ف وقفتني كلمتها وهي بتقول بإبتسامة
_ خلاص قبلت
رجعت بصتلها وقولت بقرف
: قبلتي؟!!
_ اه كفايه انك اهتميت
: له انا مهتميتش ، ومش مهم متجيش لو مش عاوزه
_ هههههههههههه
رجعت اتوه قدام ضحكتها وانسي اللي كنت ناويه بخصوص بعدي عنها ف قالت بإبتسامة
: ماشي... علي العموم انا متشكره
_ علي ايه
: انك تنازلت وجيت علشان تعتذر بعد ما قولتلي خلي الزمن يرضيكي وعملت فيها سبع الليل وثابت علي مبدئك
ضميت يدي وانا بقرب منها علشان اكسر رأسها ف دخلت وقفلت الباب وقالت من جوه
_ ههههههههه اسفه بس طول بالك خاريجين الاعلام لازم يكونو هادين .... يا كبير .... ياااا مصر! انت مشيت؟!
مردتش عليها ف فتحت الباب وهي قافله عين ومفتحه عين ولما لقتني قدامها برقت وقالت بلجلجه
: الكبير؟! احم انت لسه هنا
بقيت واقف باصصلها من غير اي كلمه وهي قدامي وبتكلمني بتوتر من نظراتي وبعد ما طال سكوتي حطت يدها علي عينيه
#وفاء
بعد ما طال سكوته ونظراته المخيفه حطيت ايدي علي عينيه غمضتهمله وبعدت وهو فضل شويه مغمض وساكت وانا كنت ههرب ويدوب اتحركت علشان انزل الا ولقيته بيمسكني ويرجعني قدامه وبيسمك ايدي ورا ضهري ويقولي وعينه في عنيه
_ انا مش حذرتك من الحركه دي
: ما حضرتك بتبرقلي
_ده مش تبريق انتي لسه مشوفتيش التبريق
: لا والله انت برقت وبقيت عامل كده
بصيت ليه بحده ورجعت ابصله عادي ف قال وابتسامه خفيفه علي وشه
_ عملت كيه
رجعت ابصله نفس البصه وقولت
: كده
_ انا بصيتلك اكده
: اه واااااللهي بصيتلي كده وخوفتني بس انا مسمحاك ، ممكن تسيبني علشان المنظر مش لطيف محدش هيصدق اننا بنتخانق ويفهمونا غلط ... ممكن؟!!
رجع يبصلي نفس البصه اللي بتوترني وقال بخفوت
_ انتي مجنونه؟!
قولت بارتباك
: ايوه بيقولو
حاولت أبعده بس زاد في احاطت وسطي بدراعه وهو مستمر في نظراته اللي مقدرتش اكون طبيعية قدامها لقيت نفسي ببادله النظرات دي في صمت وقلبي بيدق بسرعه وانفاسي بتعلي من شدة التوتر لغيت ما سمعت صوت جاي من تحت وقتها بعد عني وقال بربكه حاول يدريها بجديته
_بعدت اهه ، بس عدي ايامك اهنه علي خير
قال كده وبعدين سابني ومشي وانا بقيت واقفه مكاني ابصله وهو بيبعد وانا متأثره بنظراته ومسكته ليه ولسه قلبي بيدق بسرعه ومش عارفه مالي وبعد ما قدرت اهدي نزلت عشان اكل ف لقيته قاعد في الصاله وتماضر بتقدمله الشاي ومهتمه بيه قوي وهو عادي خالص مش مضايقه اهتمامها الزايد من غير داعي ، وبعد شويه وانا بصالهم وقرفانه منها وهو مدلوقه كده قولت
: انا مالي وهو صغير علشان ميعرفش يصد اهتمامها المبالغ ده
وبعدين دخلت المطبخ اجيب اكل وبعد ثواني لقيتها جايه حاضنه الصينيه ومبتسمه بهيام لدرجة انها مشافتنيش ف بقيت بصالها وانا هرجع من منظرها الأوڤر ده ف قولت
_ ايه ده؟! مالك ؟! انتي هتنامي ولا ايه
انتبهتلي ف نزلت الصنيه عن حضنها وقالت
: هه له مفيش حاجه سلامتك ياست
مردتش عليها وفضلت واقفه ابصلها وشيفاها مبتسمه بهيام وهي بتغسل المواعين ولما بدر نده عليها سابت المواعين وطلعت تجرررررررري عليه ف طلعت من المطبخ و وقفت عند الباب لأن كان نفسي اشوف ايه اللي هيحصل بعد الجري ده ف لقيتها واقفه جمبه وبيتكلموا و و اضح ان بينهم كلام مهم بس مسمعتهوش ف بقيت واقفه شويه ابصلهم و وهما مش شايفيني وفي الأخر قولت
_وانا مالي مهتمه ليه
ودخلت المطبخ تاني وانا عندي فضول شديد اعرف اذا لسه قاعده معاه ولا مشيت ف طلعت تاني و لقيتها لسه هناك واقفه قدامه وبتبكي وهو بيمد ايده ويحطها علي كتفها علشان يهديها ف بقيت واقفه شويه اشوف ايه اللي هيحصل بعد لمسة الكتف المحرمه دي في عدم وجود حد جمبهم وعدم وجود ادب منه يمنعه من لمسها وبعدها لقيت ان مفيش داعي للوقفه دي و رجعت بدل ما يشوفني وقولت
: وانا مالي هما ناس صعايده في بعضهم مليش دعوه بيهم
وبعد شويه طلعت تاني اشوف وصلوا لفين في وقفتهم مع بعض ف لقيتها مشيت وهو قاعد لوحده وسرحان و ابتسامته بتظهر علي وشه و كان واضح ان الإبتسامة دي بسبب اللي سرحان وبيفكر فيه واللي انا كنت حاسه انه ليه علاقة ب تماضر ف رجعت دخلت وقولت
: انا مالي حاجه متخصنيش
وبعد شويه طلعت تاني اشوف اذا لسه سرحان ولا لا
......................................................
#شبل
طلعت فوق استنا ليلي اللي قولتلها تيجي ورايا علشان عاوزها وبقيت مستنيها لغيت ما جت وشكلها متضايقه من حاجه ف وقفت جمبها وقولت
: مالك يابنتي
دارت وشها وقالت
_ مالي يا شبل ما انا زينه اهه
: كده زينه امال لو عفشه هتبقي ازاي ، قولي مالك
بصتلي وقالت بنرفزه
_ يعني معرفش ، بقالنا كام سنة نحب بعض وبنتخفو من العين علشان نقدرو نتكلموا ، طب واخرتها هنفضلوا اكده لميته ولا انت بتتسلي بيه
: انا اتسلي بيكي؟!!
_ امال اتسمي ده ايه ، انت لغيت دلوكتي محاولتش تعمل حاجه عشاني
: طيب وانتي شوفتي ان الحاله سمحت اتكلم في يوم وانا سكت ، مانتي عايشه معانا وشايفه اللي بيحصل
_ معرفش عاد بس انا كبرت والعرسان بتتقدم وانا لو رفضت مره مش هقدر ارفض التانيه ابوي وامي بقو يشكو فيه ويقولولي عينك علي مين ومستنيه مين
: قوليلهم اني عاوزك وهنتجوز ، بس مش دلوقتي يا ليلي ازاي هسيب اللي بيحصل ده كله واقول عاوز اتجوز
_ انا قولت تعمل حاجه ، تاخد موافقة اهلك علي الاقل ، و ابقا خطيبك دلوك وبعدين نتجوزو وقت ما ربنا يريد
: يا ليلي انا.....
_ متقولش حاجه بس دي اخر مره هقابلك او نتكلم لغيت ما يبقي في حاجه رسمي ، انا خدامه ايوه بس لسه بقيمتي ومش انا اللي اتدارا عن العين
قالت كده وسابتني في حيره ما يعلم بيها الا ربنا ، مش عارف ازاي هقدر اتكلم دلوقتي اكيد مش هيكون سهل أبداً
#ورد
جت تماضر تقولي استجواب بدر ليها عن اهلها وزعيقه فيها علشان شاكك انها تعرف حاجه ومداريه وبعدها راحت وجت تحكيلي عن اللي سمعته فوق من ليلي وشبل وطلبها منه انه يخطبها ف فهمت انها بتضغط عليه علشان يتجوزها وتكون زيها زيي دعاء وتخرب براحتها والمشكله ان شبل عاوزها وبيحبها زي ما قالتلي دعاء يعني ممكن يقدر يتجوزها وتبقي واحده منهم زيي ماهي عاوزه وهما ميعرفوش ايه اللي بتعمله من وراهم
: عامله ايه
قالهالي عبيده من وراي لما كنت واقفه افكر في الموضوع ده ف بصيت ليه وقولت وانا بحاول اكون طبيعية قدامه
_ الحمدلله
: بقيتي احسن دلوكتي
_ ايوه
: و بقيتي مرتاحه اهنه ولا لسه متضايقه
_ ايوه مرتاحه امال ايه ، وانا كنت اطول اقعد في سرايا رضوااااان العربي
: ههههه ومالك بتفخميها اكده ، رضوان ده عمك وانتي مننا صدقي
_ هصدق ،و لو مش دلوك اكيد هصدق مع الوقت
: اها زين .. طيب قوليلي السلك عامل ايه معاكي
_ عمال يشد عليه
: طيب تروحي لدكتور النهارده؟!
_ له ملهاش لازمه
: له ليها علشان يطمنا عليكي وعلي الجرح
_ ماشي اروح ، انا هخلي تماضر تروح امعاي
: وانا روحت فين لما تخلي تماضر ، انا هوديكي
مقدرتش اقول له ويمكن وافقت مخصوص علشان اروح امعاه ومع اني معرفهوش بقالي كتير ومتعاملتش امعاه بس انا مقدراش انسا احساسي لأول راجل قلبي مال ليه حتي لو طلع جوز اختي
#عبيده
كنت بتحجج بمشوار الدكتور علشان اكون امعاها واشوفها زين بعيد عن البيت وحرصي في تعاملي وكلامي امعاها علشان محدش ياخد باله .
وروحنا انا وهي بالعربية وبقت طول الطريق ساكته وكأنها خايفه تتكلم وانا كمان متكلمتش ومعرفش ليه مع اني رايح امعاها علشان اتكلم بس وبعد ما وصلنا وكشفنا عليها والدكتور زعل ان مفيش اهتمام بالجرح خدتها ومشينا و وقفت في الطريق علشان اجيب العلاج وقبل ما اسيبها قولت
: ليه مش مهتمه بجرحك افرضي اتلوث و زاد تعبك دلوكتي
_ ما انا معرفاش اهتم بيه كيه
: انتي مش معاكي كريم ومعقمات وادويه بتتاخد علشان يلم بسرعه مبتخدهاش ليه
_ ههههه ادويه وكريم ومعقـ.... وايه... له له انا معرفش اقرا اصلا
: مبتعرفيش تقري خالص
_ خاالص خالص
: طيب ودعاء ، هي بتعرف تقرا مهتمتش ليه
_ بتهتم
: فين الاهتمام ده ، اكده مش هينفع ، انا هوريكي العلاج يتاخد ميته وكيه وانتي تنتظمي بلاش استهتار
_ طيب وريني وانا ههتم
: طيب ، دقيقه هنزل اجيبه من الصيدلية وارجع
سبتها وطلعت جبت العلاج ورجعت وبدات اعرفها تاخدهم ميته وكيه ف قالت وانا لسه بشرح
_ انت ليه زعلان مع مرتك
سيبت الدوا وقولت
: مين قالك اني زعلان
_ باين عليكم ، وبشوفها هي زعلانه من زعلكم ده ، باين عليها بتحبك قوي
: دعاء زعلانه علشان زعلنا ؟! جديده دي
_ ايوه زعلانه قوي
: براحتها بس انا خلاص مبقتش اعتبرها مرتي هي قاعده علشان عيالها
_ هي بتحبك ، يمكن لو رجعت اتكلمت امعاها تتصافو والمشكله تتحل
: له انا مش عايز
_ اديها فرصه واحده
: انتي متعرفيش حصل ايه
:_ معوذاش اعرف ، علشان عيالك اديها فرصه واحده وانا عارفه انها عمرها ما هترجع تزعلك ، انا الليله هبيت في مكان تاني وانت ارجع اوضتك
: اقولك ايه ، اسكت ، له يعني له ، ومش عايز اتكلم في السيره دي تاني
_ يبقي انا همشي وارجع الخيمه بتاعتي
: نعمين؟!! ترجعي الخيمه كيه يعني
_ ايوه لو مدتلهاش فرصه انا هرجع
: بتقولي ايه انتي ، كيه تحطي دي مكان دي ، طيب انا مش هقدر اعتبرها مرتي تاني ف اقوم اروحلها علشان جنابك مترجعيش
_ ايوه
بصت قدامها وقالت
: لو مرجعتش اوضتك انا همشي ومحدش هيقدر يمنعني
_ بقا محدش هيقدر يمنعك؟!
: ايوه ولا هتحبسوني
قولت بضيق
_ له مش هنحبسك ، ماشي يا ورد هرجع الاوضه بس المشكله مش هتتحل بيني وبينها
بصتلي وقالت
: دعاء بتحبك قوي هي زعلانه انك سايبها لو مش بتحبك مش هتفرق معاها تقعد ولا تمشي هتسيبك تروح مطرح ما تروح
_ جايز ليه له ، مع انها بتكرهنا كلنا بس جايز بردك... ماشي يا ورد انا هرجع بس لو رجعتي تجيبي سيرة المشي هدفنك حيه عارفه يعني ايه ادفنك حيه
ابتسمت وقالت
: عارفه يعني تدفني قبل ما اموت
_ زي اكده... يلا نمشي اكفيانا وقفه
: يلا
#دعاء
رجعو من بره مبتسمين ومع ان في نار كانت جواي بس قومت اطمن عليها واشوف الدكتور قالها ايه وبعد ما اطمنت قولتلها تيجي عشان ترتاح ف شدت يدها مني وقالت
: له انا هنام في مكان تاني
_ ليه
بصلي عبيده من غير كلام وسابنا ودخل اوضتنا ف رجعت بصتلها وقولت
: في ايه
_ عبيده قالي انه عايز ينام في اوضته مع مرته
: عبيده اللي قالك اكده
_ ايوه بس متقولولهوش علشان هو قالي مقولش
مصدقتهاش بس عديتها ودخلت عدلتلها اوضة فاطمه ورجعت خلقاته هو في اوضتنا ف لقيته قاعد اهناك ومكلمتهوش وبقيت احط الخلق في الدولاب وانا بحاول اتماسك ومتنزلش دموعي ف قالي
: سيبيهم وتعالي
دمعة عيني بعد ما سمعت كلمته دي وكملت اللي بعمله من غير ما ارد عليه ف جه خدهم مني ومسكني ولفني ليه وقال وهو شايف دموعي
_ ده صح كنتي زعلانه عشان سايبك ، بس ليه تزعلي وانتي عمرك ما حبتيني وشمتي فيه وفي اهلي
قولت ودموعي بتسيل علي خدي
: انا صح اتجوزتك وانا كرهاك زيهم بس بعدين حبيتك مانت ابو عيالي ، لكن محبتهمش هما انا كنت شمتانه فيهم هما مش فيك
_ وانا وهما ايه ما العار طالنا كلنا وعيالك امعانا وانتي كمان ولا ناسيه انك بت عمها
قولت وانا ببكي
: معرفش اهو اللي حصل عاد
_ له الكلام ده مينفعش مانتي لو مش ندمانه علي كلامك ده اطلع احسن
وطيت راسي وبكيت من غير ما ارد ف قالي
: شكلك مندمناش ومش منها فايده جيتي اهنه
كان هيمشي ف مسكت فيه وقولت
_ ندمانه ، حقك عليه
رجع بصلي وقال
: لو اكده ف انا مش عايز اي غلط في اي حد تمشي عدل وتخليكي في حالك
_ حاضر
: يارب يحضر صح ، انا طالع وكمان شويه هاجي ابيت اهنه
_ ماشي
طلع وسابني وانا مش عارفه اني كنت هفرح برجوعه اكده ، فرحت لدرجة اني قومت نضفت الاوضه وغيرت المفرش اللي فرشاه من ساعة تقريبا بمفرش جديد ورتبت الدولاب تاني ورشيت معطر وجهزت نفسي زي اي عروسه جديده بتجهز لعريسها
#عبيده
بعد ما خلصت مشواري نسيت ودخلت اوضة فاطمه ف اتفاجأت ب ورد اهناك واقفه قدام المرايا مميله راسها بتسرح شعرها اللي جيباه كله قدامها وبتعاني علشان توصل لاخره بالمشط ولما شافتني شهقت ورمت شعرها وراها وبصتلي وقالت بربكه
: انت!! هي دعاء مقالتلكش اني اهنه
قولت بتوتر
_ مقالتش بس انا اتلخبطت لأني كنت ببيت اهنه ، خليكي ... اه! ابقي اقفلي الباب عليكي
قولت اكده ومشيت وانا مشغول بيها وبشكلها اللي سرق قلبي من وقت ما شوفتها بتجري علشان تهرب من سؤالي ولما وصلت اوضتي لقيت دعاء مغيره شكل الأوضه ولابسه ومتزينه ومع اني مكنتش جاهز لأي قرب بيني وبينها علشان مكنتش لسه صافيلها بس مكنش ينفع اتجاهلها وهي عامله في نفسها اكده ف عديت الليله دي وبعد وقت دخلت استحميت ورجعت اتمدد علي السرير وبعد ما كنت صفيت زهني من التفكير في ورد علي قد ما اقدر ومحاولش افكر فيها وانا مع دعاء رجعت افتكرها وسرحت في تفكيري فيها ومحستش غير لما دعاء جت وحطت راسها علي صدري وقالت
_ سرحان في ايه
: ولا حاجه
_ امال ليه حسيتك ملكش مزاج ليه الليله دي ، كنت قولت ، انا كنت مجهزه نفسي يمكن يكون ليك نفس لحاجه بس مكنتش ميته ان ده يحصل
: لو مليش مزاج مكنتش قربتلك ، بس انتي عارفه الحال الأيام دي
رفعت رأسها وبصتلي وقالت
_ ايوه عارفه كتر خيرك عقلك مشغول ... ربنا يعينك علي انشغال عقلك ... انا هنام علي المخده علشان مكبسش علي نفسك "
قالتها بزعل ونامت علي المخده كان باين انها خدت بالها ، وكان لازم اثبتلها عكس اكده لأنه مينفعش تحس اني ميال لاختها ف مسكت دراعها ورفعتها لصدري وقولت
: له هتنامي اكده انت وحشتيني وانتي بعيدة عني
بصتلي وكأنها ممصدقاش ف قولت وانا بجيبها تحتي
_ ممصدقاش ليه ، ايوه انتي لسانك سم وكلك علي بعضك عاوزة الضرب بالجزمه بس بحبك واتوشحتك
: طيب وانا اتكلمت دلوك ، انا مصدقه انك بتحبني ، مع انك اول مره تقولها بس مصدقه يا جوزي باين عليك "
بهتت ملامحي وانا حاسس اني مكشوف قدامها ف قولت وانا بتهرب من نظراتها وبقربلها
_ طيب بطلي حديت متبوظيش اللحظة دي
#ورد
في وقت ما كنت صاحيه بفكر فيه دخلت عليه تماضر تقولي
: يخيبك يا ورد العريس مع عروسته وانتي حظك انيل من حظي ، بس انا حظي احسن انا عمري ما هطلع اخت مرت بدر ههههه "
فرحت من كلامها بس في نفس الوقت حسيت بوجع قلبي علي الحاله اللي اتحطيت فيها ف قولت وانا ناوياها مع عدم ثقتي اني هقدر انسا طول ماهو قدامي
_ زين قوي ، وانا هنسا ، انا محبتهوش من الاساس شويه احسيس حسيتها بسرعه وهتروح لحالها دلوك... ربنا يهنيهم مع بعض