رواية ذئاب لا تعرف الحب
الفصل السابع عشر17
بقلم نجمه براقه
وفاء
عملت القهوه وطلعت الجنينة لقيته قاعد علي كرسي بعيد عن قفص الديب ولكن عينه عليه وتايه في دنيا تانيه لدرجه انه مخدش باله مني غير لما وصلت وكلمته
: القهوه
انتبهلي وفاق من شروده
_ اه ، شكرا
قال كده ورجع يبص تاني لديب ودام سكوته لغيت ما قولت وانا ببص لموضع عينه
: انتوا حبسينه ليه
تجاهل سؤالي ومسك القهوه شرب منها شويه وبعدين سابها وقال
_ شكرا
ورجع تاني لسكوته حسسني ان هو مش هنا خالص ومكنتش قادر اتخيل هو ممكن يكون بيفكر في ايه مخليه منعزل كده حتي وهو قاعد معايا ف قولت
_ هي القهوه معجبتكش اعملك غيرها
بصلي وقال بعد صمت
: مش مطلوب منك تعملي ، والقهوه زينه بس انا مليش فيها قوي
_ غريبه مع ان خريجين الإعلام بيحبو القهوه "
بصلي وقال بنبره ساخره
: مكتوب في شهادة تخرجهم بيحبو القهوه ولا إيه
_ لأ بس بشوفهم بيشربو قهوه كتير
: جايز بس انا مش منهم
_ امال اختارت اعلام ليه لما مبتحبش القهوة
: هما حطو شرط بعدم دخول غير محبين القهوه ولا ايه
_ يعني ، احم هو انت ليه اخترت اعلام مفتكرش انها هتفيدك
: مخترتش بمزاجي هي جت اكده
_ اه انا بقول كده بردو
انتبهلي اكتر وكلمني بأهتمام عن الاول
: بتقولي ايه ، انتي ليه مستهونه بينا اهنه ولا مصدقه الصوره اللي مصدرهالكم المسلسلات عننا ، جاهلين ، هبل ، قاسين
_ لأ مش كده انا عارفه انكم مش جاهلين ولا هُبل
: ومصدقه اننا قاسين؟!
_ اه دي عن تجربه
: و فين القسوة في تجربتك دي ؟! انتي مشوفتيش قسوه أبداً وزي ما قولتي مفيش حد بيخطف حد بيسيب ليه اوضة نومه
_ مش بتكلم عن كده ، الحياة هنا قاسيه حتي علي صحابها كل واحد هنا حتي الكبار مجبرين علي الحاجه اللي هما فيها ، وكله جاني وكله مجني عليه
: وانتي لحقتي تعرفي اكده ميته ولا بتتكلمي عن فكرتك اللي كونتيها من كلام اخوكي
_ تؤ
: امال ايه بتقولي اكده علي اي اساس
بصيت لديب اللي بيلف في القفص وعاوز يطلع ومش قادر رغم شراسته وقولت
_ اول مثل هو الديب ده ، هو شرس وخطر وخطر علي اي حد يدخل عنده بس في نفس الوقت محبوس ومقيده حريته في قفص زي ده لسنين وافتكر انه مش هيطلع غير لو مات ، عملوكم ايه ده علشان يتحبس ولا يكون زي ما سمعت بتأكلوه ناس زي ما كنت هتأكلني ليه "
مردش عليه ف قولت
: انت كنت هترميني ليه بجد ولا كنت بتخوفني علشان امضي "٠
كمل في سكوته ف قلت
_ طيب حصل أنه أكل حد قبل كده او دخلتوا حد عنده بالغصب زي ما كنت هتعمل معايا"
توتر وتنهد تنهيده عميقه وهوبيدير وشه عني ف قولت
: يبقا حصل بس مفتكرش انه طلع عايش وحتي لو طلع عايش عمره ما هيكون طبيعي ، اكيد اتعقد وهيعيش طول عمره بيفتكر اللي حصله ويتعذب بسببه "
بصلي وشوفت الحزن مالي عينه وحسيت بأنه ممكن يبكي في اللحظة دي وبعد ما طال سكوته قال بإختناق
_ صح مبيطلعش طبيعي ، بيطلع منعدم من اي احساس حتي الرحمه باللي قدامه ، بيكون زي اي حيوان مفترس القرب منه خطر
مال عليه وبصلي وعنيه كلها غضب
: والأحسن انك تختصري وتبعدي عنه علشان ميأذكيش
قال كده وقام علشان يمشي ف قومت وقولت
_ استنا
وقف من غير ما يبصلي ف روحت وقفت قدامه وقولت
: انا مش قصدي افتح في جراحك القديمه ، بس انا بحاول افهم ومن حقي ، انا اتخطفت من حياتي واتحرمت من بابا وكل الناس اللي اعرفهم وسمعتي اتشوهت ، ومستقبلي بيضيع علشان حاجه انا مليش دعوه بيها ، والمشكله ان اخويا اللي مفروض هيجي ويخرجني من اللي انا فيه مظهرش ، ومش عارفه هو فين ولا سابني بمزاجه ولا لا
نزلت دموعي وقولت بعد
_ بس انا أسفه لو كلامي وجعك
قال وعينه في عيني وشايفه دموعه اللي بيحاول يمنعها غصب
: له متوجعتش ، مبقتش بحس علشان اتوجع ، وانتي عندك حق تفهمي ، بس متقلقيش انا هعمل اللي اقدر عليه علشان الاقي اخوكي اللي مهتمش بيكي وسابك اهنه وهو عارف انك ممكن تموتي ، تلاقيكي متخيله انه ممكن يجي ويلحقك وفاكره انك مش هتهوني عليه هو وابوكي بس محدش فيهم هيجي وهيسيبوكي لمصيرك لأما نقتلك لأما تقدري تهربي "
قال كده وبعدني عنه ومشي بعد ما كان اتهز ومبقاش قادر يحافظ علي ثباته قدامي ف التفيت وبصيت عليه وهو بيبعد وبقيت اقول مكنش لازم اوصل للحته دي كان ممكن احاول كسب ثقته بايه طريقه تانيه
#شبل
طلعت من اوضتي وصبحت علي الكل وبعدين طلعت في الجنينه يكون جهزو الفطار وهناك لقيت وفاء واقفه لوحدها و واضح ان في حاجه مزعلاها ف قربت منها وقولت
: صباح الخير
انتبهت ليه وقالت
_ صباح النور
: صاحيه بدري
_ انا صاحيه من الفجر
: اها طبعاً مش بيجيلك نوم هنا
_ لا بيجيني بس نمت بدري الليله اللي فاتت ف صحيت بدري
: اه ، طيب واقفه هنا ليه
_ بشم هوا
: تمام
_ انت بقيت كويس دلوقتي
: اه تمام
_ اها
: تحبي اخليهم يجيبولك فطار هنا
_ لأ لا انا هقعد شويه وهدخل
: زي ما تحبي
_ اممم لكنتك مختلفه؟!
: اه فعلاً ، لساني خد علي الكنه القاهريه
_ باين عليك عيشت كتير في مصر
: لأ هما سنين الدراسه بس وباجي اجازات مش عايش هناك بشكل دايم
_ بس غريبه ان لكنتك تكون كدة من فتره صغيره عشتها في مصر
: له الحقيقه انا لكنتي زي الناس اهنه بس زي ما تقولي برتاح اكتر للكلام بلكنه القاهريه
_ ههههه فهمت
: ههههه مش بتكبر لكن لساني خد نعمل ايه
_ لا عادي مفيش مشاكل كله كلام المهم يتفهم
: صحيح
_ انت عندك كام سنة شكلك اصغرهم
: اه انا وفاطمه تؤام ، وعندي 22 سنه
_ العمر كله انا 24 سنه وشويه
: تلاقي الشويه دول 11 شهر
_ ههههه لا 4
: العمر كله
_ متشكره
: طيب انا هسيبك علي راحتك لو احتجتي حاجه اندهي
_ اتفضل
رجعت السرايا ف لقيت ليلي واقفه عند الباب واول ما شافتني جاي رجعت من غير ما تكلمني ولا تصبح عليه وبعد ما خلصت تجهيز الفطار دخلت جوه ومطلعتش تاني غير بعد ساعات لما كنت لوحدي في الصاله وجت خدت كباية الميه وكانت هتمشي من غير ما تتكلم ولا تبصلي ف قولت
: في ايه مالك
بصتلي وقالت بزعل
_ مالي انا زينه قوي
قالت كده ومشيت وانا قعدت مكاني مش فاهم مالها وبعد شويه شوفتها طالعه فوق السطوح وبعد ما المكان فضي حوليه طلعت وراها لقيتها واقفه هناك بتبص لزرع من بعيد ف وقفت جمبها وقولت
: اسمه ايه ده بقا ، مالك
دارت وشها عني ومردتش ف جيت قدامها وقولت
_ دي بينها زعله كبيرة قوي
: أسألك نفسك
_ مالك يا نفسي حصل ايه يا نفسي
: نفسك ، انا لو صح نفسك ولا بتحبني مكنتش تبص لغيري
_ انا بصيت لغيرك! امتي ده؟!
دارت الناحية التانيه ف قولت وانا بلفها ليه
: اهاااا بتتكلمي علي وقفتي مع وفاء انتي مجنونه يا ليلي
_ ايوه مجنونه و عاوزه اعرف وقفت امعاها ليه
ابتسمت وقولت
: انتي بتغيري عليا ولا ايه
_ ايوه بغير ، وقولي كنت تقول ايه انت وهي
قولت بإبتسامة
: كنت بقولها اني بحب ليلي وعمري ما حبيت ولا هحب غيرها
_ يا سلام
: طيب اسأليها وهي تقولك ، وبعدين يا هبله انا ابص ل وفاء مرات اخويا انتي عبيطه
_ مهياش مرات اخوك مراته منين عاد
: مراته مش في ورق بيثبت ده تبقا مراته وكمان هو شكله بيحبها
_ بدر يحب ، ويحب اخت اللي خطف اخته مين قالك انت الكلام ده
: انا لاحظت كده في نظراته ليها وهي بنت جميله وتتحب
_ بس مش بدر
: بدر وابقي شوفي بنفسك وركزي كده وشوفي بصاته ليها
_ جايز بس حتي لو صح حبها ممكن يكمل امعاها او هي ترضا؟!
: ايوه هي لو قربت منه هتحبه غصب بدر يتحب "
افتكرت اللي عمله عبيده معاه ف قولت وانا متمني يتجوزها ويخلف منها
_ يارب يكملوا حتي لو بالغلط
: يعني ايه بالغلط
_ ولا حاجه
: له في حاجه إيه اللي حصل قول
_ مفيش انا نفسي يتجوزها دي كل الحكايه
: طيب وفاطمه يا شبل واللي هيحصل امعاها بسبب اخوها
_ معرفش بقا بس انا عارف ان بدر لو مكملش مع البنت دي مش ممكن هيفكر يتجوز تاني دي اخر فرصه ليه
#عبيده
صحيت الصبح بدري وطلعت علي المركز علشان اجيب نتيجة التحليل وطول الطريق وانا خايف من النتيجة و واقع بين حالتين الحاله الاولي اني متمني تكون بت عمي علشان ابعدها عن العيشه اللي عيشاها دي والحاله التانيه متمني متكونش بت عمي لأن بكل الطرق مينفعش تقعد امعانا في نفس البيت انا مش هكون مرتاح ، بس اي حاجه تحصل كان لازم اقبلها وبعدين اشوف حل ولما وصلت وجبت التحليل ورجعت لدكتور في النجع يشوفه قالي ان النتيجة متطابقة بين عينات وانهم اخوات وقتها انا ملقتش كلام اقوله معرفتش افرح ولا ازعل ولا كنت عارف ابدء معاها الكلام كيه واقولها اللي حصل واللي اكيد مش هيكون سهل عليها.
وبعد حيره وتوهه قومت من عند الدكتور وروحتلها واهناك لقيت تماضر عندها وهي بقت تبصلي ودموعها ماليه عنيها ف تجاهلت وجود تماضر اللي كسرت كلمتي رغم تحذيري ليها انها تيجي وقربت من ورد وانا في يدي نتيجة التحليل و وقفت قدامها مش عارف ابدء منين ف قالت
_ إيه الكلام اللي قولته لتماضر ده ، يعني انا بت عمك وهي مش اختي
مردتش ف قالت وهي بتبكي
: مين قالك انت الكلام ده
قولت وانا ببص لتقرير
_ ده قال ، انا عملتلك تحليل انتي و دعاء اختك واللي هي مرتي وطلعتوا اخوات
قالت تماضر وهي بتمسك فيها وتبكي
: ملناش دعوه بالتحاليل ورد اختي ، مش اكده يا ورد
قالت ورد وهي بتبصلها وتبكي
_ انا عاوزه امشي ، يلا بينا هنروح بيتنا
قامت ومسكت يدها علشان تمشي بس انا وقفت في طريقها وقولت
: ملكيش بيوت اهناك انتي بيتك عندينا ، الناس دي خطفوكي ودلوقتي هربوا لما حسو ان سرهم اتكشف
قالت تماضر
_ ملناش دعوه بيهم خليهم يهربوا بس انا مش هسيب اختي
بصتلها وقالت وهي بتبكي
: اوعي تصدقيه وتسيبيني يا ورد
مردتش عليها وهي بتبكي بحرقه وصوتها مش طالع ف حضنتها وبقو هما الاتنين يبكو مع بعض وانا واقف وساكت لغيت ما قدرت ورد تتكلم وقالت
_ وريني التحليل ده
ادتهولها ف قالت وهي بتبص فيه
: فين اللي بيقول اني اخت مرتك ، مكتوب اهنه ؟!
_ له مش مكتوب بطريقة دي بس تقدري تسألي الدكتور هو هيقولك
: ايوه انا هسأل الدكتور
قالت اكده ومسكت يد تماضر ومشت ناحية الباب بخطوات تقيله لغيت ما وصلت لنص الطرقه وبعدها داخت و واقعت
#ورد
ايوه انا كنت كارهه عيشتي ونفسي اكون واحده من بنات النجع بس لما حصل مقدرتش اتحمل ، كيه يعني عيشت سنين في عيشه زي دي ورقصت للكل وكل الرجاله لمست جسمي واولهم ابوي وفي الاخر اطلع بت اخو رضوان ، مكنتش قادره اصدق رغم ان كل حاجه باينه وبذات تصرفات ابوي ، طول عمري كنت حاسه اني مش بته بس بردو مكنتش اتخيل انهم خاطفيني وكدبوا عليه وعيشوني كل عمري في كدبه وعرضوني للكل زي اللحمه في السوق . مكنتش قادره استوعب وحسيت عقلي هيشت وبعد ما وقعت فوقت بعد وقت لقيت تماضر وعبيده والدكتور ، حاولت اقوم ف جت تماضر ساعدتني اقعد ف قولت وانا بدور علي التقرير لغيت ما شوفته في يد عبيده
: هاتوا ، يا دكتور شوف ده ، قولي في ايه
ادالوا عبيده التقرير وبص عليه وبعدين قالي العينات متطابقة يعني اصحاب زمر الدم اخوات
#تماضر
بعد ما وقعت تاني من شدة الصدمه وتعبها اللي زاد عليها لما سمعت كلام الدكتور وقف عبيده يطمن عليها وبعدين قال لدكتور اقدر اخدها البيت وتكمل علاج هناك؟! وقاله ينفع ف طلع وسابنا وانا قعدت جمبها ابكي لغيت ما رجع تاني وقال
: تقدري تيجي تشوفيها وتطمني عليها وقت مانتي عاوزة
قولت وانا ببكي
_ احب علي يدك ما تخدوها انا مبقاليش غيرها
: وانا بقولك تقدري تيجي تشوفيها ، بس هي مش هترجع المكان ده تاني
قال اكده وشالها علي يديه وخدها مشيت وراه وانا بترجاه يسيبها بس مسمعش مني وقال بعد ما دخلها العربيه وقفل عليها
_ اووووف ، انا قولتلك تقدري تيجي تشوفيها وسعي
قال اكده وركب العربيه ومشي وانا وقفت مكاني قلبي بيتعصر من الحزن
#دعاء
من وقت ما طلع امبارح وانا علي أعصابي مش مستنياه يرجع علشان اعرف اللي عنده وبعد صبر كتير سمعت صوته بره الاوضه بيقول افتحي وصوت حريم عمي بيسألوا مين دي ف جريت فتحت لقيته شايل ورد علي درعاته وبيدخلها جوه ينيمها علي السرير وانا وقفت مكاني ابصله وابصلها وانا مش فاهمه في ايه وبعد ما ريحها رجع وقف وسطنا وقالي
: هي دي اختك
رجعت بعيني ليها وقولت وانا مش مستوعبة
_ مين دي اللي اختي ، مش دي ورد الغجريه
: ورد بت روايح وروايح بتمرس عيال وهي دي اللي امك سابت معاها ورد ، والتحليل ثبتت انكم اخوات
قربت منها وانا لسه مش مستوعبة وبقيت بصالها وسيبت حريم عمي وشبل يسألوا عبيده عنها وانا قعدت جمبها ابصلها وابص لشكلها المتبهدل و وشها التعبان وبعد وقت وانا بصالها وساكته جه عبيده وقال
_ هي اتعرضت للقتل مرتين وجايبها من المستشفي علي اهنه
بصتله وقولت
: انت متأكد من كلامك ده ، يعني ورد هي ولاء اختي
اداني التقرير وقال
_ ايوه و تقدري تروحي المستشفي او الصيدلية وهما يقرولك التقرير وتعرفي ، عينة الدم اللي خدتها منك امبارح خدت زيها من ورد وروحت عملت التحليل ده واهي النتيجة بتقول انكم اخوات
رجعت بصتلها وقولت ودموعي بتجمع في عيني
_ ولاء ، اختي ، والله انا قلبي حبها من قبل ما اعرف
بصتله وقولت وانا ببكي
: هي عرفت اني اختها
_ ايوه بس الخبر كان صعب عليها و وقعت ، خلي بالك منها وخلي بالك بطنها مخيطه متخليش العيال يجو نحيتها
هزيت راسي وقولت وانا ببصلها
: حاضر هاخد بالي منها قوي
بصتله وقولت
_ تعيش يا عبيده ربنا يخليك
: اها... هي هتبيت امعاكي يكون عملنالها اوضه
صعب عليا انه قال اكده مع ان في بديل وهو اوضة فاطمة كان ممكن تنام اهناك وهو يرجع اهنه بس مقدرتش اتكلم وسيبته علي راحته وقولت مش هضايق نفسي بحاجه وهتهتم بيها هي دلوقتي ..
وبعد ما مشي بشويه فتحت عينيها وبقت تبص حوليها لغيت ما شافتني وكانت هتقوم بس انا وقفتها وقولت
: له خليكي انتي تعبانه
قالت
_ انا مين جابني اهنه؟! ، وليه جايبني!!!! انا عاوزه امشي
حاولت تقوم تاني وهي بتزعق وتقول عاوزه امشي وانا حاولت اهديها بس كانت بتزق يدي لغيت ما قامت وراحت ناحية الباب وهي حاطه يدها علي بطنها ف مسكت فيها علشان متطلعش وهي تزيد في زعيقها لغيت ما دخل عبيده والباقين وراه ولما شافته هديت ثواني وهي واقفه قدامه ودموعها بتسيل منها وقالت
: ليه جبتني اهنه ، مين قالك اني مصدقه اللي اتقال
_ لما تهدي هنتكلم يا ورد بس انتي تعبانه دلوك ولازم ترتاحي تعالي
مسكها ف زاد زعيقها وهي بتضرب فيه بيديها الضعيفة وتبكي وهو محاوط اكتفها بيديه وبيرجعها لسرير ف وقف قدامها وهي مكمله فيه ضربه ضربات مفتكرش انها بتوجع من كتر تعبها وفي الاخر هديت ورفعت وشها تبصله وعينها في عنيه وهو اول مره اشوفه متأثر اكده مكنش قادر يبعد عينه عنها ويديه محاوطه اكتافها وقربه منها كان زايد وكأنها حتة منه منكرش اني اتضايقت بس قولت عادي يعني ايه اللي حصل لما وقفو قبال بعض وطنشت وقولت المهم ان اختي رجعت
#شبل
كلنا اتفاجئنا باللي حصل ازاي بنت عمي تطلع عايشه وكمان مع الغجر وكمااان رقاصه ، كلنا اتصدمنا وبذات ابوي اللي قلبه تعب تاني بس ربنا ستر ولحقناه بالدوا بتاعه ف اتحسن شويه وبعدها بقا يسأل عن بدر اللي صحينا ملقنهوش وتليفونه كان مقفول ، وبعد ما زاد سؤاله طلعت ادور عليه في المندره وملقتهوش وروحت الغيط واماكن تانيه في النجع بردو ملقتهوش ف رجعت البيت وهناك لقيت الكل في الصاله و وفاء كانت طالعه ولما شافتني رجعت تسمع اللي هقوله وهي مهتمه ف قولت
: قلبت عليه النجع ملقتهوش
بصليّ عبيده بعد ما كان شارد وقالي
_ بدر؟!!
: ايوه صحينا ملقنهوش في البيت ومرجعش لسه
_ هيكون راح فين يعني يمكن في المندره
: دورت ملقتهوش
قام وهو بيقول
_ طيب دورت في الزرع
: دورت مخلتش مكان مدورتش عليه فيه
قالت شجر بقلق
_ يكون راح فين
قالت وفاء
: يكون راح ل جلال
لاحظت اهتمامها بيه بس معلقتش وقولت
_ ممكن ، معاك رقمه يا عبيده
: له انا هروح اسأله
_ وانا هاجي معاك ادور تاني
طلعنا هو راح ل جلال وانا كملت تدوير في النجع لغيت ما وصلت لجبانه ورا صف الشجر واول ما وصلت هناك حسيت قلبي انقبض بقيت ابص حوليه وملقتش حاجه تستدعي الأحساس ده ف مشيت بسرعه وانا لسه قلبي مقبوض ورجعت البيت ف لقيتهم بما فيهم عبيده مستنيني ف قال بأهتمام
: لقيته
_ لأ ، ملقتهوش
لاحظ ضيقتي ف قال
: في ايه مالك
_ مفيش حاجه
: ياد اتكلم اخوك فين
_ معرفش والله انا دورت ملقتهوش
قالت شجر بقلق
: ولدي فين ، شوفو اخوكم يا عيال متقعدوش اكده
#ورد
مكنتش قادره اوقف دموعي دقيقة واحدة وبعد وقت وانا علي نفس الحاله جت دعاء و وقعدت جمبي وقالت ودموعها في عنيها
: اخص عليكي بقا انا فرحتي متسعنيش ان اختي طلعت عايشه ورجعت اتجمع امعاها وانتي تبكي اكده
قولت وانا ببكي
_ انا مش قادره اصدق لسه ، طيب كيه اطلع عايشه كل العمر ده في كدبه
مسكت يدي وقالت
: عارفه اهي الكدبه دي احسن مليون مره من انك كنتي موتي ، انا دلوك بحمد ربنا ان كل ده حصل وطلع ليه اخت ، والله انا حبيتك من قبل ما اعرف انك اختي اتاري كان قلبي حاسس
_ متزعليش بس اللي حصل مش هين ومش هقدر افرح امعاكي مع اني طول عمري اتمنى اكون من بنات النجع مكنتش اعرف ان لو ده حصل هحس بالعذاب ده
قربت مني وضمتني ليها وقالت
: انا حاسه بيكي ومقدره حالتك وهفضل جمبك لغيت ما تعدي المحنه دي
قولت وانا ببعد عنها
: انا كنت قد ايه ساعتها
_ كان عندك تلات شهور
: ايوه
_ واسمك ولاء مش ورد ، بس انتي اختاري عاوزه اقولك يا ايه
: اي حاجه
_ ماشي يا ولاء ، هجبلك تاكلي عاد انتي اكيد جعانه
: مليش نفس
_ له لازم يكون ليكي نفس عشان تتشدي
: مش هقدر والله خليها بعدين
_ طيب ايه رايك تيجي تتسبحي دلوك يمكن نفسك تتفتح وانا هجبلك غيار هيعجبك قوي يكون اشترينالك لبس جديد
: انا هسبح عشان ريحة البنج
_ طيب يلا هتقدري تسبحي وحدك ولا اساعدك
: له هقدر تعيشي ياست
_ ههههه ست ايه قولي دعاء
: طيب بس لما لساني ياخد عليها
_ هنوخده علي كل الاسامي ، دعاء ، وبشر و زيد
: مين دوله
_ عيالي ، ومش بس بشر وزيد كمان رضوان وشجر وعبيده
بهتت ملامحي وقولت بتوتر وانا بتهرب من البصه ليها
: ايوه
_ امم ، انتي تعرفي عبيده من ميته
قولت بتوتر
: مبقاليش كتير ، فين المكان اللي هتسبح فيه
_ في الحمام تعالي هدخلك جوه
#ليلي
بعد ما كلمت شحاده وقولتله علي اللي حصل اتوتر وقال
: هي عندكم دلوقتي
_ ايوه
: طيب حصل ايه اعترفوا بيها انها بنتهم
_ ايوه عبيده عملها تحليل هي واختها
: اممم طيب اسمعي هكلفك بخدمه ولازم تنفذيها انتي فاهمه
_ خدمة إيه
: تقربي منها وتصاحبيها وتفتحي عينك وتشوفي هتقول عننا حاجه ولا لا ولو قالتلك او قالت لحد غيرك اي حاجه بلغيني
_ انت قلقان من ايه
: اعملي اللي قولتلك عليه
قفلت امعاه وبقيت قاعده مش عارفه اعمل اللي بيقولو ده كيه ماهي طول ما قاعده في اوضة دعاء مش هقدر ادخل عندها حتي ، بس كان لازم احاول اعمل حاجه وبقيت افكر افكر لغيت تاني يوم وبعدها دخلت المطبخ جهزت فطور ودورت علي شجر اللي لقيتها هتجن علي ولدها كنت عاوزه اقولها نقدملها فطور علشان اقدر ادخل بحجة ان هي بعتاني بس مقدرتش اتكلم لما شوفتها ف الحاله دي ف خدت الصنيه وروحت وخبطت الباب واول ما فتحت دعاء وشافتني بصتلي من فوق لتحت وقالت
: عاوزه ايه يا خدامه
قولت وانا ببص ل ورد اللي انتبهتلي
_ ست شجر قالتلي اجيب فطور ل ورد
: معوزينش من وشك حاجه
قالت اكده وكانت هتقفل الباب ف قامت ورد وقالت
: دقيقة
بصتلها وقالت
_ انا هجبلك فطور سيبك منها
: معلش دقيقة بس
جت نحيتي وقالت
_ انتي ليلي؟!
: ايوه
قالت دعاء
: ليلي الخدامه
شيلتها في نفسي ومردتش ف قالت ورد وهي بتاخد مني الصينيه
_ تعيشي يا ليلي
اتغاظت دعاء منها وقالت وهي بتمسك منها الصينيه
: قولتلك انا هجبلك فطورك
اتمسكت بالصينيه وقالت
_ معلش عشاني المره دي وبعدين نجيب لنفسنا... لو صح فرحانه اني جيت سيبيها المره دي
اتنهدت وقالت
: ماشي بس اخر مره دي تقدملك حاجه
بصتلي بغيظ وقالت
_ امشي من اهنه
طنشتها وقولت ل ورد
: تعيشي يا ورد ، حمدالله علي سلامتك نورتي بيتك
_ اسمها ست ورد
قالت ورد بإبتسامة
: براحه يا خيتي البت مقالتش حاجه .. ماشي يا ليلي شكرا
قالت دعاء وهي بتقفل الباب في وشي
_ يلا امشي من اهنه
زاد كرهي ليها وبقيت احلف ان نهايتها هتكون علي يدي
#وفاء
جه تاني يوم وهو لسه مرجعش وبعد بحث من اخواته عليه طول الليله اللي فاتت انضم اليهم باقي الغفر وبقو يدورو لغيت عصر اليوم التاني وفي الوقت ده كان قدام السرايا فاضي مفهوش حد ف طلعت بعد ما قدرت اتسحب ومحدش يشوفني من اهل البيت وبقيت اجري علشان اهرب من البلد دي وانفد بجلدي رغم انشغالي بأنه ممكن يكون حصله حاجه بسببي بس لو انا مكنتش هربت مكنتش هلاقي فرصه تانيه علشان اهرب منهم