رواية الزهرة المفترسة الفصل السادس والثلاثون36بقلم ديدي
هشام بغضب جارف: ده انا اللي هغسلك وانشرك
النهاردة يا لين.. نهار ابوكي مش فايت تعالي هنا..
بوظتي لبسي كله يامفترية مخلتيش
حتي قميص وبنطلون.. اعمل فيكي ايه..
لين بتذمر: ايه مش انت قلت انك عايزني
اهتم بيك وبحاجتك اديني بهتم اعملك ايه..
هشام بعصبية: انتي بتستهبلي بتبوظي هدومي وتقولي اهتمام..
انزل ازاي انا الوقتي.. اروح ام الشركة ازاي.. اروح بالبيجامه..
لين ببرود: لأ ما البيجامات كمان في طبق
تحت حوض الحمام انت مشفتهمش ولا ايه..
هشام بغضب: كمان.. امال سبتيلي
ايه ان شاء الله.. هقعد كدة بالبرنس..
لين: لأ ميرضنيش.. انا سبتلك غيار واحد لغاية
الهدوم ما تنضف.. وبعدين تنشف.. وده يتوه عني يااتش برضو..
يلا يلا روح البسهم هتلاقيهم ع الكرسي علشان
تيجي تاخد هدومك فومين علي ايدك علشان تلحق تنشرهم..
هشام بغضب وهو يمد يديه لخنق لين..وهي مبتسمه
في وجهه ببلاهة ويعضهما ويضربهما في الحائط
الذي خلف لين..
ويخرج من الحمام بغضب متجها الي
غرفته مكملا: صبرني يارب علشان مقتلهاش الوقتي..
لين ببرود: ياهشام انا محضرالك كل
حاجة متقلقش.. المسحوق وكل حاجة..
هشام وهو يصفع باب الغرفة بغضب
وغيظ: حسبي الله ونعم الوكيل..
لتبتسم لين وتجلس بهدوء وتكمل: استني عليا ان
ماخليتك تقولي حقي برقبتي مبقاش انا لين المغربي..
اياك و أن تتحدي الانثي..فما أن تظهر تلك
الابتسامة علي وجهها..إعلم أنك اصبحت في خبر كان..
>>>>>>>>>>>>>>>>>>>>>>>>>>>>
سافر كل من نور ومازن الي المانيا..
مازن بضيق:هذا ليس اسلوبا في التعامل..
المورد:عذرا سيد مازن..ولكن هذا
الجديد..عليك ان تراعي ظروف السوق..
مازن:اجل..ولكن ليس بتلك الاسعار..
فأنتم تزيدون السعر بنسبة 15% كيف هذا..
المورد:سيد مازن..انت ستربح الكثير..
فأسعار تلك الادويه ستباع بالاضعاف لنقصها..
مازن بضيق:حسنا..ولكن عليك ان تثبت لي
الاسعار..فلن استطيع كل مرة ان اتي الي هنا..
المورد:حسنا ..ولكن عليك ان تعلم ان
كل شئ في ازدياد..ولكن اين صافي..
مازن بضيق:لقد تزوجت وتركت العمل..
المورد:خسارة..لقد كانت جيدة في التعامل..
حاول ان تعيدها للعمل سيد مازن..ستساعدك كثيرا..
مازن:حسنا..سأري ماذا سأفعل..
المورد:حاذر فالشرطه تبحث عن الادويه التي تستوردها..
مازن بجديه:سأفعل..والان الي اللقاء..
>>>>>>>>>>>>>>>>>>>>>>>>>>>>>>>
هشام: انا هسافر فيه شغل وهخلصه..
لين بضيق: وانا.. انا عايزة ارجع الشغل..
هشام بحزم: لين احنا اتفقنا.. وبعدين اشغلي نفسك بأي
حاجة.. زوري اختك..اعملي اللي انتي عايزاه لكن مفيش شغل..
لين بإقتضاب:نور مسافرة.. هتتأخر في السفر..
هشام: مش عارف هخلص وارجع..
لين بإبتسامة ماكرة:طويب..خلاص..
هشام بريبة: بتفكري في ايه..
لين بضحكة: ابدا عرفت هعمل ايه في غيابك..
هشام بتساؤل: هتعملي ايه.. اوعي تكوني هتعملي مصيبة..
لين بضحكة: لأ..بس هزور كوثر كل شويه..
هشام ضاحكا بقوة: ههههه.. اذا كان
كدة ماشي..شكلها وحشاكي يالينو..
لين بإبتسامة ماكرة:اوووووي..
هشام وهو يهز رأسه بضحكة: عمرك ماهتتغيري..
>>>>>>>>>>>>>>>>>>>>>>>>>>>
نور بفرحة:جميله اوي المانيا يامازن..انت بتيجي هنا كتير..
مازن بإبتسامة:مش كتير..علشان
الشغل بس..لكن اول مرة اتفسح فيها كدة..
نور بإبتسامة:فعلا مشفتش جمال كدة..
مازن:فعلا المانيا معروفة بالجمال
وكمان الدقة..من احسن الدول المتقدمة..
نور:اي مكان معاك حلو ياحبيبي حتي لو فين..
مازن بضحكة:انتي طيبة اوي يانور..
وبريئه..انا مش عارف انتي ازاي كدة..
نور:انت هتعمل زي لين..وتقولي انتي
عايزة حمايه..بتعاملني زي الاطفال..
مازن:فعلا ليها حق..انتي سهل يضحك عليكي..
لكن انا معاكي..مش هسيبك ياعمري..وهحميكي..
نور بعيون عاشقة:وانا مش عايزة حاجة غير انك تفضل معايا..
مازن وهو يحتضنها:وانا هعمل كدة..ويلا بقي
تعالي نروح اوريكي اماكن هتعجبك اوووي..
نور بإبتسامه:يلا بينا..
>>>>>>>>>>>>>>>>>>>>>>
لين بضحكة: كوكي..عاملة ايه..
كوثر بتعوج: اهلا ايه اللي جابك..
لين بإبتسامة: وحشتيني ياكوكي وجايه اقعد
علي قلبك.. وبرفعة حاجب فاكرة هسيبلك
الجمل بما حمل ياحيلتها.. المهم امك عامله ايه..
كوثر بغل: كويسة ياختي .. عايزة منها ايه..
لين بضحكة: مش عايزة كل الموضوع اني
عايزاها تدعيلك اصل الايام اللي جايه سووووودة
علي دماغك.. اصلي ناويه اقعد هنا كام يوم..
كوثر بخضة: ايه..وليه مش عندك شقتك..
لين: مش مشكلتك..اصل البيت بيتي..
كوثر: ليه مش كاظم طردك منه..يلا ارجعي علي شقتك..
لين بتهكم ساخر وحدة: ليه ياحيلتها انتي
فاكرة انك بقيتي ست البيت.. بتطرديني يارباية الموالد..
يبقي البيت بيت ابونا والغرب يطردونا..
كوثر بغل: ماشي يالين..صبرك عليا.. انا وانتي والزمن طويل..
لين بإبتسامة باردة: نفسك قصير ياكوكي..
وبغمزة.. وعلي فكرة كاظم هيطلقك لما يعرف
بموضوع سرمحتك..ده ان مقتلتكيش انا قبلها..
كوثر وهي تبتلع ريقها في توتر: انتي بتتكلمي عن ايه ..
لين برفعة حاجب: وحياة امك..فاكرة اني مش عارفة مشيك
البطال بس كاظم نايم علي ودانه.. بس متقلقيش نهايتك علي ايدي..
متفتكريش اني هسيبك تاخدي مليم.. سلام بقي
اروح اوضتي..ومش عايزة اشوف بوزك ده طول مانا هنا.. وترحل..
كوثر بحقد وغل: بقي كدة..طيب انا هوريكي..
عاد كاظم
كوثر ببكاء مصطنع: اهئ اهئ..
كاظم وهو يمط شفتيه: خير ياكوثر بتنوحي ليه..
كوثر: لين ياكاظم..
كاظم: مالها..
كوثر: بهدلتني وكمان بترمي عليا كلام..
لين من خلفها: ايه ياكوكي طب
مش تسيبي جدي ياخد نفسه..
كاظم بإستغراب: لين..بتعملي ايه هنا..
لين: ابدا ياجد.. اتش مسافر وهقعد هنا كام يوم..
بس مش عاجب كوثر..وبتقولي ارجعي شقتك..يرضيك..
كاظم بحدة: نعم ياختي..نسيتي نفسك ولا ايه..
البيت ده بيت لين تقعد فيه براحتها..وانتي تكتمي خالص..
لتنظر لها لين برفعة حاجب وإبتسامة تشفي
وتكمل: متقلقش ياجد انا فهمتها غلطها..
ويدق هاتفها..ايه ده اتش بيتصل يلا اسيبكم انا سلام ياكوكي..
كاظم بحزم: متنسيش نفسك ياكوثر.. والا انتي عارفة..
كوثر بغل وكرة :عرفت.. ولنفسها ..انا وانتي
والزمن طويل يابنت المغربي.. هكسر منخيرك..
لين بضحكة: ايوة يااتش اخبارك..
هشام: مالك يالينو مبسوطة كدة ليه..
لين بضحكة وهي تلف شعرها علي
اصبعها: ابدا بس كنت بتكلم مع كوكي شويه..
هشام ضاحكا: انا كدة فهمت..وحشتيني يالينو..
لين بتعوج: انت هتحور ياهشام..
ده انت لسه بقالك كام يوم ماشي.. لحقت..
هشام بتنهيدة: اصلك متعرفيش
انا مقدرش ابعد عنك الوقتي ازاي..
لين بدلال: اهااا.. طيب عايز ايه الوقتي..
هشام بغيظ: تصدقي انك رخمة
مفيش حاجة تبلي بيها ريقي ياساتر..
لين بضحكة: لأ مفيش..ويلا سلام علشان ارجع لكوكي..
هشام بغيظ: سلام يام لسان زفر..
وبتنهيدة لنفسه.. بعشقك يابنت المغربي..
>>>>>>>>>>>>>>>>>>>>>>>>>>>
صفاء بغل:فكرك هسيبك تاخدي ابني يالين..
انا وراكي لغايه ما اجيبك ارض..وكمان كوثر تقولي ان
هشام مسافر وكل شويه يتصل بيكي..لاااا..ابني
ده اهبل طول عمره..لازم اجوزه واكسر مناخيرك..
>>>>>>>>>>>>>>>>>>>>>>>>>>>
كانت لين نائمة في غرفتها واذا بها تستيقظ وتجد صفاء بجوارها..
لين صارخة بزعر:عاااااااي..انتي
يخربيتك قطعتي خلفي..بتعملي ايه هنا..
صفاء بغل:اهلا ياختي..نايمة في العسل..
لين وهي تعتدل وبضيق:بقولك ايه..
انطقي بتعملي ايه هنا..وفي اوضتي..
صفاء:جايه اشوفك يامرات ابني..فيها حاجة ديه..
لين بسخريه:ومن امته ده ياصفاء..قولي ياوليه عايزة ايه..
صفاء بغيظ:فكرك هتاخدي هشام وهسبهولك
يبقي بتحلمي..انا وراكي والزمن طويل..
لتقهقه لين عاليا:ههههه..بقي انتي مفروسه علشان
رجعت لهشام..وجايه علشان تقولي الكلمتين دول..
وبإستفزاز..لأ اتفرسي براحتك..رجعتله..و
مش هتقدري تعملي حاجة..موتي يا صفاء بغيظك..
صفاء بغل:مش هسيبه ليكي يالين..وهتشوفي..
وبعدين ايه اللي انتي لابساه ده.. فرحانه بجمالك
ياختي..بكرة هشام يسيبك ويروح لغيرك..
لين برفعة حاجب:بيلف يلف ويرجعلي..وانتي عارفة كدة..
ويلا بقي من هنا علشان اكمل نوم..جاتك الهم رعبتيني..
يابااااااي..دخلتي عليا ولا كابوس اسود..
وبحدة.. يلا ياوليه انتي هتفضلي قاعدة كدة..
>>>>>>>>>>>>>>>>>>>>>>>>>
سامي لاحد رجاله:ايه الاخبار..
الرجل:تمام ياباشا..بس انت عايز ده كله ليه..
سامي بشرود:موضوع كدة وعايز اخلصه..بس خليك وراهم..
الرجل:امرك ياباشا..انا متابعهم..
سامي:طيب..روح انت..ولنفسه..اخيرا هتقعوا في ايدي..
مش ناسيكم ..17سنه وانا بدور عليكم..وهوريكم الويل..
صافي بتعجب:مالك ياسامي..بتفكر في ايه..
سامي:مفيش ياصافي..متشغليش بالك..
صافي بنظرات ضيقة:سمسم..مالك..
سامي بإبتسامه جانبية:مفيش..موضوع
قديم هصفيه..بس هستني هشام لما يرجع..
>>>>>>>>>>>>>>>>>>>>>>>>>>>
سافر هشام الي الخارج لمتابعة بعض الاعمال الخاصة
بالعمل وترك لين وبعد ذلك عادت لين الي المنزل
وتركت منزل كاظم بعد ان كادت ان تجعل كوثر تقتل نفسها من الغيظ. ..
وعاد بعد اسبوعان.. دلف هشام الي المنزل ونادي علي لين..
هشام بصوت عالي: لينو..انتي فين ..انا جيت..
لتركض اليه لين بفرحة وتحتضنه بشدة: اتش وحشتني..
ليحتضنها هشام بشغف ويدور بها ويكمل: وانتي ياقلبي..
ويتوقف لحظة وهو يضيق عينيه و ينظر لها
وبإستغراب.. وحشتك بجد.. وبريبه ..ناويه علي ايه..
لين بإبتسامة عذبة وهي تنظر الي عينيه: مش ناويه بس
بجد وحشتني.. ليقبلها هشام ويحملها ويتجه الي الغرفة..
لين بتعجب: بتعمل ايه ياهشام..
.. هشام بضحكة ماكرة: وحشتيني.. مش وحشتك..
لتهز لين برأسها بالايجاب..
ويكمل هشام ضاحكا.. طيب.. وبعد ذلك..
احنا قولنا ايه ملناش دعوة بالحاجات ديه.. احم احم..
بعد ذلك كانت لين متكأه بمرفقها علي
صدر هشام وهي تنظر له بإبتسامة..
هشام بإستغراب: مالك يالينو بتبوصيلي كدة ليه..
لين وهي تهز كتفها: معرفش.. وتكمل وهي تمرر
بأصابعها علي وجهه بعيون عاشقة.. غبت عني يااتش كتير..
هشام بعد ان امسك بيدها وقبلها: الشغل..بس مغبتيش عني لحظة..
لين برفعة حاجب: يعني عايز تقولي انك كنت مستقيم يااتش..
هشام بتوجس: عايزة الصراحة..
لين بإبتسامة: اه..
هشام بترقب: بصراحة لأ..مكنتش مستقيم..
>>>>>>>>>>>>>>>>>>>>>>>>>>>>>>>>>>>>