رواية اسمي حياة
الفصل الثلاثون30
بقلم الاء اسماعيل
رحت احاسب و سبته واقف مصدوووم !!! و مش قادر يستوعب أنا قلت ايه حتى !!!
مهما كانت مشاعري ساعتها و مهما كانت لهفتي اني اشوفه بس كلامه معاي خلاني اخرج عن شعوري ..
- بيكلمني بالطريقة دي بصفته ايه ؟؟ هو اللي اتجوز و هو اللي سابني جاي يحاسبني ليه؟؟ طبعا لو كانت حنان هنا كانت هتقولي اركني كرامتك و عديها و ما تبقيش غبية
يتحر،ق هو و هي في يوم واحد .... كله الا كرامتي !!
انا إتعلمت درس مع حمزة : عمري ما هاسمح لحد يعاملني بالشكل ده تاني و لا يدو،سني برجله و يعدي عليا ...حتى لو كانت روحي فيه ..حتى لو كان حسام اللي هو روحي اصلا !!
انا مبقتش حياة الضعيفة اللي اي حد يدوس عليها ..آسفة يا حسام مش هأفضلك على كرامتي ..حتى لو اتقال عني غبية و ضيعت فرصتي معاك تاني .
طلعت عشان اركب عربيتي و اول ما وصلت الموقف دموعي نزلت زي الشلال كأنها كانت مستنية الإشارة بس
فجأة لقيته جاي ناحيتي بينهج : استني هنا رايحة فين !! لازم تفسريلي اللي قلتيه جوة ده !!
باحاول امسح دموعي و حطيت مفاتيح العربية و قلت بغضب
-و أفسرلك ليه ؟ و بصفتك ايه !!!
فتحت الباب عشان اركب خبط الباب بقوة قفله
- انت اتجننت ولا ايه ؟؟
بصلي جوة عيوني بدهشة - انتي قلتي ايه جوة ؟؟
' انت سمعتني .. عايز مني ايه تاني !! سيبني في حالي بقى !!!
حسام : مش قبل ما اعرف ... انتي بجد إتطلقتي ؟؟ اومال اللي كان معاكي ده يبقى مين ؟؟؟
رديت بعصبية : تطلقت اه بس مش من حقك تسألني ده مين
حسام بغضب : حيااااة ردي على قد السؤال ما تخلنيش افقد اعصابي
-اوفففف... .ده أيمن زميلي في الشغل ارتحت ! سيبني امشي بقى!
جيت أفتح باب العربية تاني رجع قفله بقوة اكبر
- هتكسر أم الباب ده....ما تسيبني اغور بقى !!!
قرب مني اوي و همس قدام وداني
- اسيبك ؟؟؟ ده انا ما صدقت لقيتك !!
اتوترت و حاولت ارجع لورا بس أرجع فين كان محاوطني ! و العربية ورايا ..رديت بلجلجة و انا باحاول اظهر قوية قدامه
- هتعمل اي يعني ؟! هتتجوزني على مراتك مثلا ؟؟
- بصي انتي مش هتروحي لأي مكان قبل ما اعرف كل حاجة
إتطلقتي امتى !!! و ايه حكاية مراتي اللي طالعالي بيها دي !!
رديت بضحكة منكسرة و دموعي بتنزل : اتطلقت من 3 سنين...في نفس الوقت اللي حضرتك إتجوزت فيه ...جيتلك البيت عشان افرحك ..بس انت ما كنتش هنا... سافرت لندن عشان تتجوز !!
مسحت دموعي و كملت بقهر
- و بعد السنين دي كلها جاي بكل وقاحة تمنعني اني اجي المكان الوحيد في العالم اللي بيخفف عني وجعي عشان خايف على مشاعر الهانم مراتك ؟؟عموما انا وعدتك مش هرجع هنا تاني .. باي
جيت أفتح الباب منعني ..و من غير ما يتكلم بصلي ف عيني بصته اللي بتذوبني دي و حط ايده على ايدي اللي ماسكة المفاتيح ..
عمل كدة قاصد ..عارف تأثير لمسته الرهيب عليا
كأنها مخدر موضعي و نظرته لوحدها خذت عقلي لعالم تاني
اوام صوابعي ارتخت و استسلمت
يا دوب سبت المفاتيح قفل هو العربية و شالها و مسكني من ايدي و جرني ناحية عربيته
- انت بتعمل ايه يا بني آدم سبب ايدي و هات المفاتيح!!
ما اتكلمش خالص....ولا انا قدرت اقاوم ولا اتكلم من الصدمة
طلعني في العربية من غير ولا كلمة...و ركب و دور العربية
اول ما مشينا شوية كأني فقت من الخدر
- انت بتعمل ايه يا مجنون انت واخذني على فين كدة!!
- احنا لازم نتكلم
- ما احنا كنا بنتكلم ؟؟
- لا هنتكلم في مكان هادي و بعيد عن هنا
جاوبت و انا بربع ايديا بحرد- بس انا قلت اللي عندي ما عنديش كلام تاني !!!
حسام بحدة : لسة زي ما انتي...غبية و عنيدة!!...
رديت بعصبية : و لسة زي ما انت ...
اتلبكت ما لقيتش كلمة وحشة اقولها ف حقه ...ماهو معاه حق 😓
- دبش ...و ما بتعرفش تتكلم!!
حسام : طب تعرفي تفصلي ؟؟؟؟
حياة : افندم ؟؟؟
حسام : اسكتي !!!!
- ما تقووليش اسكتي!! انا مش الشغالة بتاعة ابووووك !!
- بقووولك اسكتييييييي !!!!!!!
سكتت و انا متوترة و جسمي بيترعش مش فاهمة حاجة ولا فاهمة هو بيتصرف كدة ليه ؟؟؟! و ايه سبب غضبه الجحيمي ده ؟؟
اخذني على مكان عالي ...تلة بعيدة و وقف العربية و طلع منها
طلعت وراه بسرعة و بصيت هنا و هناك بتوتر :
' ممكن افهم بقى انت جايبني هنا ليه؟؟
- عشان نتكلم ..دلوقت تقدري تتكلمي براحتك مفيش حد هيبص عليكي ولا هيقاطعك هاتي كل اللي عندك
معرفتش ارتب حتى جملة .. انا فعلا عندي كلام كثير محتاجة اقوووله كان لازم اطلع كل اللي جوايا بس المشكلة انا جوايا كثير ..هقول ايه ولا ايه بس !! ده انا لو طلعته كله مرة وحدة هيحر،ق المكان ده !!
- حاضر هتكلم يا حسام ... بص أنا غلطت صحيح و اعترفتلك بغلطتي ..بس انت كمان غلطت لما رفضت تصدقني و ما حبيتش تسمعني !! و النتيجة اديك شفتها : جوازة فاشلة بكل المقاييس
انت فاكر ان انت بس اللي اتعذبت !؟؟
فاكر اني اتجوزت برضاي و رضيت بالأمر الواقع ؟
فاكر اني كنت عايشة متهنية و مبسوطة معاه ؟؟
لو انت قلبك اتحرق مرة ...انا قلبي كان بيتحرق ألف مرة كل يوم !! عشت معاه الجحيم اللي تمنيتهولي يا حسام
كان بيضربني كل يوم ...صبح و مساء و ليل..بيشتمني كل يوم و في مرة كان هيقت،لني بس لإني دافعت عنك و قلتله إن انت أرجل منه.
حياتي معاه كانت كابوس حقيقي..يا حسام
أنا اتجوزت حيو،ان بمعنى الكلمة يا حساااام مفيش في قلبه رحمة لا هو ولا أهله..
ثلاث شهور..و انا بأتعذب في صمت لحد ما لقيت فرصة و هربت و اتطلقت منه بعد ما مسكت عليه شهادات و تقارير طبية تثبت سوء معاملته ليا.
بعدها بأسبوع جيتلك البيت... لقيتك رحت تتجوز ..و أنا اللي استحملت كل القرف اللي انا استحملته على أمل إني اكون معاك تاني!! بس اول ما جيت ابشرك لقيتك رايح تبتدي حياتك مع وحدة غيري !!
انهرت و صرخت فيه بأعلى صوتي : جاي تحاسبني دلوقت ؟ وانت بعد شهور بنيت حياتك من جديد ..و اتجوزت غيري !! سافرت تشوف حياتك و سبتني؟؟
- مين اللي قالك الكلام ده ؟؟
قلت بإنهيار- جيتلك بيتكم و امك قالتلي انك رايح تتجوز بنت عمك....طبعا ما صدقتهاش...قلت حسااام مستحيل يعملها
حسام مستحيل يسيبني ...فضلت أتسنى قدام بيتكم ساعات وايام....بس إنت ما جيتيش !! ما جيتش أبدا يا حسااااام !!!
جاي دلوقت تحاسبني اناااااا ؟؟
حالتي كانت هستيرية....هو بيحاول يقرب مني عشان يهديني و انا بادفعه بكل قوتي و اصرخ في وشه و بضربه في صدره بايديا الإثنين : انا عمري ما نسيتك ..بس انت شفت حياتك و نسيتني
السلسلة اللي انت بتتكلم عنها دي هي الحاجة الوحيدة الي كانت بتصبر قلبي الموجوع طول السنين دي ..😭
عمري ما شلتها من رقبتي ...كان هيخنقني بسببها و مع كدة ما شلتهاش !!😭
عمري ما هاقدر اشيلها طول ما صاحبها اسمه محفور جوة قلبي...بس هو عمل ايه ؟؟؟ اتجوز وحدة غيري ؟؟!
كان كل ليلة بيحضن وحدة غيري !!! وعدني أنه هيكون ليا بس خلف وعده...وعدني أنه مش هيسيبني و مع كدة كمل حياته مع غيري !!!
دخلت في حالة من الجنون بقيت بأترعش جاااامد و فقدت السيطرة على نفسي .. و دموعي شلالات ..
رجليا مش قادرة تشيلني
مسكني لما كنت هأقع ..أخيرا قدر يسيطر عليا و ضمني بكل قوته ومسك ايديا و منعني اني اتحرك و شدني في حضنه و قالي بحنان :
- هسسس خلااااص يا حبيبتي اهدي...انا معاااكي ..انا معاكي
كنت بأعيط زي طفلة فقدت ابوها..
- ..هسسسس .... خلاص انا معاكي متعيطيش انا معاكي يا روحي معاكي حبيبي ... انا عمري ما نسيتك ...و عمري ما اتخليت عنك ...ولا رحت لندن ولا عمري اتجوزت لا بنت عمي ولا غيرها ... أهدي يا عمري......اهدي
بصيت له و انا مصدووومة و كأني فقدت النطق و بأتعلم الحروف من اول و جديد : بس .. ا...ازااااي ..ام...امك ..امك هي اللي ...